سعودی عرب ءُ متحدہ عرب امارات ءِ سروکاں امریکہ ءِ صدر جوبائیڈن ءَ گوں فون ءِ سر ءَ گپ کنگ ءَ چہ انکاری کتگ، امریکی ھالتاک وال اسٹریٹ جرنل ءِ ٹاہ۔
امریکی ھالتاک ءِ گُشگ اِنت کہ بائیڈن ءَ سعودی عرب ءُ متحدہ عرب امارات ءِ سروکاں گوں فون ءِ سر ءَ ھال کنگ ءِ کوشست کُتگ، دویں سروکاں امریکہ ءِ صدر ءِ فون زیرگ ءَ چہ انکاری کتگ، کوشست انچیں وھدے ءَ کنگ بیتگ وھدیکہ امریکہ یوکرائن ءِ ھاتر ءَ جھانی تک ءَ یکجاھی ودینگ ءِ جھد کنگ ءَ اِنت۔
امریکی روتاک ءَ گیشتر گُشتگ کہ جوبائیڈن تیل ءِ جھانی قیمت ءَ قابو کنگ ءِ ھاتر ءَ جھد ءَ اِنت، چہ سعودی عرب ءَ امریکہ ءَ لھتے لوٹ ھست اَنت، یمن ءِ جنگ ءِ تہ ءَ امریکہ ءِ کمک، سویلین نیوکلیر پروگرام ءِ تہ ءَ کمک ءِ لوٹ ھوار اَنت۔
شھزادہ محمد ءِ ھاتر ءَ امریکہ ءَ قانودی آجوئی ھم لوٹانی تہ ءَ ھوار اَنت، روتاک ءِ رد ءَ سعودی ولی عھد ءَ امریکہ ءَ لھتیں کیسانی دیمپانی اِنت، کیسانی تہ ءَ سعودی اھوالکار جمال خشقوگی ءِ کوش ءِ کیس ھم ھوار اِنت، گچین کاریانی وھد ءَ وتی ترانانی تہ ءَ بائیڈن ءَ گُشتگ اَت کہ آ سعودی عرب ءَ انسانی ھکانی ھلاپ ورزیانی سر ءَ گر ءُ دار کنت، متحدہ عرب امارات ءَ ھم خوثی یاگیانی نیمگ ءَ بیتگیں انیگیں میزائل اُرشانی پژدر ءَ امریکہ ءِ درشانانی سر ءَ بے باوری اِنت۔