سلو ءَ کرکٹ ٹورنمنٹ ءَ ینگ مھر سلو ءَ فائینل گوازی کٹ اِتگ

آل بلیدہ زامران ءَ بنام ءِ رامز جان میموریل ناک آؤٹ کرکٹ ٹورنمنٹ ءَ شمبے بیگاہ ءَ بوتگیں فائنل گوازی ینگ مھر سلو ءَ سَے وکٹاں گوازی کٹ اِتگ ونر کپ دست گپتگ-

رامز جان کرکٹ ٹورنمنٹ گوازی ءَ فائینل گوازی توپان الندور ءُ ینگ مھر سلو ءِ میان ءَ شمبے ءِ بیگاہ ءَ ینگ مھر کرکٹ گوازی پٹ ءَ برجم دارگ بوتگ – کہ توپان الندور ءَ ٹاس کٹ اِتگ اولسر ءَ بیٹنگ کتگ –

توپان ءُ مھر ءِ میان ءَ بوتگیں فائینل گوازی ءَ توپان ءَ شانزدہ اوورانی تہ ءَ ھشت وکٹانی تاوان ءَ یکسد ءُ بیست ءُ شش رن جوڈ کرتگ –

ٹارگٹ ءِ پروشگے ھاتر ءَ ینگ مھر سلو ءِ لیبیاں جوانی ءَ گوازی کنان ءَ دوازدھمی اوور ءِ پنچمی بال ءَ ھپت وکٹانی تاوان ءَ ٹارگٹ پروشتگ ءُ یکسدو ءُ بیست ءُ ھپت رن جوڈ کرتگ گوازی وتی نام ءَ کتگ –

فائینل گوازی ءَ مھر ءِ ٹاپ بیٹسمینانی تہ ءَ جمیل، رزو ءُ ریاز ءَ جوانیں گوازی پیش داشتگ ءُ ھر سئیناں بیست ءُ ھپت بیست ءُ ھپت رن جوڈ کتگ – مھر ءِ ٹاپ باولر باھوٹ ءُ اھسان بوتگ انت –

توپان ءِ ٹاپ بیٹسمینانی تہ ءَ ھپیز ءَ سِی ءُ جابر ءَ بیست ءُ یک رن جوڈ کرتگ ءُ آئی ءِ ٹاپ بالر سگیر ءُ جمیل بوتگ انت –

زانگ بہ بیت آل بلیدہ زامران ءَ بنام ءِ رامز جان میموریل ناک آؤٹ کرکٹ ٹورنمنٹ ءَ شانزدہ ٹیماں بھر زرتگ کہ آھانی تہ ءَ ینگ مھر سلو ءُ شھید ملا یونس الندور، توپان ءُ شھید آزم جان جوانی ءَ گوازی کنان ءَ وت ءَ سیمی فائینل ءَ جاہ داتگ بلے ینگ مھر ءُ توپان ءِ دیم ءَ ھردو ٹیم بے سوب بوتگ انت-