ھوشاب وئیل ءَ بلوچ چُکچینی ءِ نہ کُٹوکیں درچ اِنت – بلوچ یکجھتی کمیٹی (کراچی)-

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

بلوچ یکجھتی کمیٹی ( کراچی) ءِ جارکش ءَ وتی درشان ءِ تہ ءَ گْوشتگ کہ ھوشاپ ءَ لَس مھلوک ءِ سر ءَ آس دارتگیں مارٹر گولھاں چہ کسانیں سالیں زھگانی شھیدی ءُ ٹپی بوگ ءِ گوں تُرندیں لبزاں ایر نہ جن ایں بلکیں تئی دیم ءَ اوشتوک بہ ئے ایں –

پاکستانی پوج ءَ اینچو آجوئی ءِ کے ءَ داتگ کہ آ کجام وھد ءَ دل بہ لوٹ اِیت آ مردماں جنت ءُ دور دنت ءُ پرچا آئی ءِ جُست کنوک نیست؟

پاکستانی پوج ءَ بلوچستان ءَ یکشل وتی ھد ءَ سر گوزی کنگ ءَ اِنت چریشی ءِ آسر ءَ لَس مھلوک زوراکی ءِ دیمپان اِنت-

جارکش ءَ دیمتر ءَ گْوشتگ کہ زی سُھب ءَ بلوچستان ءِ ضلع کیچ ءِ دمگ ھوشاپ ءَ پاکستانی پوج ءِ نیمگ ءَ چہ دار چنوکیں کسان سال ئیں جنکو ءُ بچکوانی سر ءَ مارٹر آس داتگ ءُ چریشی ءِ آسر ءَ دو زھگ شھید بوتگ – زی بوتگیں اے دلپدرناکیں وئیل تھنا مرچگیں وئیلے نہ اِنت گوستگیں بازیں کرنی ءَ چہ وئیلانی تہ ءَ یکشلہ گیشی گندگ پیداگ اِنت-

پاکستانی پوج ءِ نیمگ ءَ اشی ءَ چہ ساری ھم وتی ھد ءِ سرگوز کنگ ءِ وئیل دیم ءَ اَتکگ اَنت کہ اود ءَ یک نیمگے بلوچ دوداں لگتمال کنگ یکشلہ بوگ ءَ اِنت ءُ مال دار ءُ شپانکیں مردماں کُشگ ءَ اِنت-

جارکش ءَ دیمتر ءَ گْوشتگ کہ گوستگیں سال ءَ پاکستانی پوج ءَ تربت ءِ دمگ آبسر ءَ نودربر حیات بلوچ آئی ءِ مات ءِ چمّانی دیم ءَ تیرباران کتگ وھدے کہ ھمے سال ءَ ملک ناز ءُ کلثوم ء تربت ءِ دمگ ءَ لوگانی تہ ءَ کُشتگ اَنت – اے بے راھبند ءُ بے انسانی کرد ءَ اود ءَ یک نیمگے پوج ھوار اِنت دومی نیمگ ءَ پاکستانی پوج ءِ چیردستی ءَ جوڑکتگیں سلاہ بندیں ٹولی ھوار اَنت- بلوچستان ءَ برجاھیں اے زُلم ءُ زوراکی ھرچ پڑ ءَ سیادی داروکیں مردم بید جرمے ءَ نشانگ کنگ بوگ ءَ اَنت-

جارکش ءَ دیمتر ءَ گْوشتگ کہ بلوچستان ءَ بؤکیں اے وڑیں وئیل نو آم بوتگ اود ءَ ھر روچ مردماں کُشگ ءَ اَنت – چیزے ھپتگے ساری تربت ءِ دمگ آبسر ءَ پیرزالیں تاج بی بی وتی چُل ءَ آس روک کنگ ءَ دار چنگ ءِ سر ءَ تیرجتگ ءُ کُشتگ ءُ نو وھدے کہ تاج بی بی ھون ھُشک نہ بوتگ اَنت کہ ھوشاپ ءَ دلدردناکیں وئیل دیم ءَ اَتکگ – بلوچستان ءَ برجاھیں اے وڑیں وئیل سر ءِ آم دروشم ءِ زورگ اے گپ ءِ پدر اِنت بلوچستان ءَ بلوچانی چُکچینی ءِ گوں تُرندی ءَ برجاہ ءَ اِنت-

جارکش ءَ گُڈی ءَ وتی درشان ءِ تہ ءَ گْوشتگ کہ بلوچستان ءَ اے وڑ ءَ چہ بلوچ راج ءِ چُکچینی ءَ بند بہ کن اَنت ءُ پاکستانی پوج ءِ سر ءَ ھوش بہ کنت ءُ آ زمہ واری ءِ ھاتر ءَ پوج جوڑ کنگ بوتگ آ وتی زمہ واری پیلو بہ کنت اگاں ناں گُڑا نو زھرشانی ءِ نیمگ ءَ ناں بلکیں روانک ءِ نیمگ ءَ شُت کن ایں-

نوکتریں

شال: بیگواھیں مردمانی کھولاں شدکشیں ھرتالی بنجل ءَ پریس کانفرنس

پاکستانی پوج ءِ دست ءَ زورانسری آوار جنگ بیگواہ بوتگیں ودود ساتکزئی، آصف بلوچ ءِ گھار ءُ رشید بلوچ ءِ وارس...

کیچ سلاہ بندیں مردمانی تیرگواری ءَ یک مردم ءِ بیران

سربوتگیں ھالانی رِد ءَ بلوچستان ءِ دمگ کیچ بلیدہ ءَ سلاہ بندیں مردماں ورناھے تیرباران کُتگ ءُ کُشتگ - گیشیں ھالانی رِد ءَ کیچ ءِ دمگ بلیدہ ءَ ناشناسیں سلاہ بندیں مردمانی تیر گواری ءَ سھیل ء لطیف نامی ورناھے بیران بوتگ - سھیل پیسر ءَ پروم ءِنندوک بوتگ ھستیں وھد ءَ آ بلیدہ ءَ جاھمنند بوتگ، کہ مروچی بیگاھے ادار سَے ءِ نزیک ءَ وتی دکان ءَ نندوک بوتگ - دمگی مردمانی رِد ءَ سھیل گریب ءُ بزگریں ورناھے بوتگ کہ سلو ءَ وتی گریس ءِ دکان ءَ نندوک بوتگ کہ سلاہ بندیں مردماں سر بازار اتکگ ءُتیرباران کتگ ءُ کُشتگ - زانگ بہ بیت چدوپیسر پاکستانی پوج ءَ اے ورناہ دہ جون سال دوھزار ءُ شانزدہ ءَ زورانسری آوار جتگ ءُ بیگواہ کتگ ءُ پدا شانزدہ جنوریدوھزار بیست ءَ چار سالاں بیگواھی ءَ پد یل کنگ بوتگ -  بلے مروچی بوتگیں آئی کوش ءِ درگت ءَ ھچ وڑیں سرجمیں ھال دیم ءَ نہ اتکگ - دمگی مردمانی رِد ءَ ھمے گمان بیت گوست ءِ وڑءَ اے ورناہ ھمدمگی کُشندہ ٹولیانی کارمنداں جتگ -

وام دار -سربیا |خالد بند اسلام |مھروان کمبر

نبشتانک: وام دار نبشتکار: سوتیوزاز کورووچ (سربیا) اردو رجانک: خالد بن اسلام

لاگریں کپودر ءُ مئے چاگرد- گلستان بلوچ

نبشتانک: لاگریں کپودر ءُ مئے چاگرد نبشتہ کار: گلستان بلوچ دی بلوچستان...