آئی پی ایل: رائل چیلنجرز ءَ ھپت وکٹاں دھلی پروش داتگ، ممبئی ءَ مستریں اسکور کنگ ءَ پد آئی پی ایل ءَ ڈن

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

دبئی ءَ آدینگ ءِ روچ ءَ بوتگیں آئی پی ایل گوازی ءَ رائل چیلنجرز بنگلور ءَ ھپت وکٹاں دھلی کیپیٹل پروش داتگ ءُ ممبئی انڈنس ءَ سن رائیزرس حیدرآباد چِل ءُ دو رناں چہ پروش داتگ –

رائل چیلنجرز بنگلور ءُ دھلی کیپیٹل میان ءَ بوتگیں گوازی ءَ بنگلور ءِ لیبی گلین ءَ پنجاہ ءُ یک ءُ شری کار ھپتاد ءُ ھشت رناں چہ دھلی کیپیٹل ھپت وکٹاں پروش داتگ ءُ ھردو لیبی ناٹ آؤٹ بوتگ انت –

دھلی ءَ اولسر ءَ بیٹنگ کتگ ءُ یک سد ءُ شست ءُ پنچ رنانی ٹارگٹ داتگ کہ بنگلور ءَ بیست اووراں سَے وکٹانی تاوان ءَ ٹارگٹ پروشتگ ءُ گوازی وتی نام ءَ کتگ – بنگلور ءَ کٹگ ءِ ھاتر ءَ گڈی بال ءَ پنچ رن ءِ لوٹ بوتگ کہ بھرت ءَ اویس خان ءِ بال ءَ چکائے جتگ ءُ وتی ٹیم ھپت وکٹاں سوب مند کتگ – سری کر بھرت ءَ پنجاہ ءُ دو بالاں ھپتاد ءُ ھشت رن جوڑ کرتگ گلین میکسویل ءَ سِی ءُ سَے بالاں پنجاہ ءُ یک رن جوڑ کتگ – ھردوکاں یک سد ءُ یازدہ رن ھواری ءَ جوڑ کت کہ دہلی ءِ کٹگ ءِ راہ بند کتان – وراٹ کوھلی ءُ دیوت پدیکل ءِ زوتاں آؤٹ بوگ ءَ پد بھرت ءَ جوانی ءَ لیب داشت آئی ءَ بیٹسمین اے بی ڈی ویلئرز ءِ ھمراھی ءَ چِل ءُ نھ رن جوڑ کت بلے پنجاہ ءُ پنچ اسکور ءِ سر ءَ بنگلور ءِ لیبی ڈی ویلیرس آؤٹ بوت اشی ءَ پد گلین ءَ لیب برجاہ داشت گڈسر ءَ وتی ٹیم سوبمند نزیک ءَ آؤرت گڈی اوور ءَ کٹگ ءِ چانس باز کم ات انت بلے اویس ءَ وتی گڈی بال وائٹ ءَ راہ دات ءُ بنگلور ءِ یک بال ءَ پنچ رن لوٹ ات کہ بھرت ءَ چکائے جت ءُ وتی ٹیم سوبین کت –

بنگلور ءِ لیبی برت ءَ آئی جوانیں انگز ءِ سر ءَ پلئیر آف دی میچ ءِ داد دئیگ بوت -بھرت ءَ سَے چوکہ ءُ چارچکائے کمک ءَ پنجاہ ءُ دو بالاں ھپتاد ءُ ھشت ءُ میکسویل ءَ ھشت چوکائے کمک ءَ سِی ءُ سَے بالاں پنجاہ ءُ یک رن جوڈ کت – دہلی ءِ بالراں جوانین لیب پیش داشت بلے پیلڈنگ سک سست ات، فیلڈراں میکسویل ءِ دو کیچ ھم یلا دات – انرک نارتجے ءَ چار اووراں بیست ءُ چار رناں دو وکٹ گپت اکشر پٹیل ءَ یک وکٹ ءِ گپت –

ممبئی انڈینس ءُ سن رائزرس حیدرآباد ءِ میان ءَ بوتگیں گوازی ءَ ممبئی ءَ اولسر ءَ بیٹنگ کتگ ءُ سن رائزرس ءِ دیم ءَ نُھ وکٹاں دو سد ءُ سِی ءُ پنچ رن ءِ ٹارگٹ داتگ -سن رائزر حیدرآباد ءَ بیست اوورانی تہ ءَ یکسدو ءُ نود سَے رن جوڑ کرت ءُ ٹارگٹ پروشگ ءَ بے سوب بوت –

ممبئی انڈینس ءَ آئی پی ایل تاریخ ءَ درسان مستریں اسکور کنگ ءَ ابید آ پلے آف ءَ سر بوت نہ بوتگ چہ آئی پی ایل ءَ ڈن بوت –

نوکتریں

شال: بیگواھیں مردمانی کھولاں شدکشیں ھرتالی بنجل ءَ پریس کانفرنس

پاکستانی پوج ءِ دست ءَ زورانسری آوار جنگ بیگواہ بوتگیں ودود ساتکزئی، آصف بلوچ ءِ گھار ءُ رشید بلوچ ءِ وارس...

کیچ سلاہ بندیں مردمانی تیرگواری ءَ یک مردم ءِ بیران

سربوتگیں ھالانی رِد ءَ بلوچستان ءِ دمگ کیچ بلیدہ ءَ سلاہ بندیں مردماں ورناھے تیرباران کُتگ ءُ کُشتگ - گیشیں ھالانی رِد ءَ کیچ ءِ دمگ بلیدہ ءَ ناشناسیں سلاہ بندیں مردمانی تیر گواری ءَ سھیل ء لطیف نامی ورناھے بیران بوتگ - سھیل پیسر ءَ پروم ءِنندوک بوتگ ھستیں وھد ءَ آ بلیدہ ءَ جاھمنند بوتگ، کہ مروچی بیگاھے ادار سَے ءِ نزیک ءَ وتی دکان ءَ نندوک بوتگ - دمگی مردمانی رِد ءَ سھیل گریب ءُ بزگریں ورناھے بوتگ کہ سلو ءَ وتی گریس ءِ دکان ءَ نندوک بوتگ کہ سلاہ بندیں مردماں سر بازار اتکگ ءُتیرباران کتگ ءُ کُشتگ - زانگ بہ بیت چدوپیسر پاکستانی پوج ءَ اے ورناہ دہ جون سال دوھزار ءُ شانزدہ ءَ زورانسری آوار جتگ ءُ بیگواہ کتگ ءُ پدا شانزدہ جنوریدوھزار بیست ءَ چار سالاں بیگواھی ءَ پد یل کنگ بوتگ -  بلے مروچی بوتگیں آئی کوش ءِ درگت ءَ ھچ وڑیں سرجمیں ھال دیم ءَ نہ اتکگ - دمگی مردمانی رِد ءَ ھمے گمان بیت گوست ءِ وڑءَ اے ورناہ ھمدمگی کُشندہ ٹولیانی کارمنداں جتگ -

وام دار -سربیا |خالد بند اسلام |مھروان کمبر

نبشتانک: وام دار نبشتکار: سوتیوزاز کورووچ (سربیا) اردو رجانک: خالد بن اسلام

لاگریں کپودر ءُ مئے چاگرد- گلستان بلوچ

نبشتانک: لاگریں کپودر ءُ مئے چاگرد نبشتہ کار: گلستان بلوچ دی بلوچستان...