ھزارہ نسل کشی – ٹی بی پی شونگال

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

ھزارہ نسل کشی

ٹی بی پی شونگال

گوستگیں یک شمبے ءَ بلوچستان ءِ دمگ گیشتری مچھ ءَ سھب بامگواہ ءَ پیسر کاریزکار سرجمیں روچ ءَ ترندیں پوریاگری ءَ پد پوریاگر کوٹیانی تہ ءَ ژند ءُ پندی ءَ واب اِت اَنت، بلے چہ ایشاں بازینے پوریاگری ءِ ھاتر ءَ اے شپ گُڈی شپ بوت۔

شپ ءِ تھاری ءَ پوجی پوشاکانی تہ ءَ لھتے سلاہ بندوکیں مردم اے کوٹیانی تہ ءَ پتر اَنت ءُ ھاسیں نسل ءِ پوریاگرانی پجار کنگ ءَ پد جتا جتا کُت اَنت ئِے، آیانی دست پُشت ءَ بست اَنت ئِے ءُ چمانی سر ءَ پُچ اش بُست ءُ چہ ایشی ءَ پد دل ترکینوکیں یک وئیلے دیما اتک۔ لھتے ءَ گُڈی ساھت ءَ سرانی توک ءَ تیر جنگ ءُ ارزان کنگ بیت بلے لھتے دردناکیں پیماں زندگے ءَ گردن جتا کنگ بیت اَنت۔

زیک یازدہ پوریاگر مپت ناھک ءَ کُشگ بیت اَنت، درستیں نشانگ کُتگیں پوریاگرانی سیادی گوں ھزارہ راج ءَ اَت۔ ھزارہ راجے اگبالانی ھاتر ءَ کارکنوکیں گلانی گشگ اِنت گوستگیں دو دھکانی تہ ءَ نیام ءَ کم چہ کم 3000 ھزارہ کُشگ بیتگ اَنت ءُ آیانی روگ آیگ تھنا لھتے میلانی تہ ءَ بندوک کُت، آ چہ یک ھاسیں ھنکینے ءَ در اتک نہ کن اَنت۔ ھما کہ دلیری کن اَنت پہ کار ءَ ڈن ءَ در کپ اَنت، آ گوں بیدردی ءَ کُشگ بنت اِنت۔ فروری 2013 ءَ ھمے پیمیں یک اُرشے ءِ تہ ءَ ھزارہ راج ءَ گوں سیادی داروکیں 91 مردم کُشگ ءُ 200 ٹپی کنگ بیتگ اَنت۔

اے کُشت ءُ کوش ءِ سوب ءَ ھزارہ برادری مزنیں کساسے ءَ لڈگ ءَ لاچار بیتگ اَنت۔ ھمایاں کہ رس اِت کُتگ آ آسٹریلیا ءُ ایندگہ روکپتی ڈیھانی تہ ءَ آباد بیتگ اَنت، بلے ھمایاں کہ لڈاِت نہ کُتگ آ ھمک روچ نہ کُتگیں میارانی سزاھاں سگگ ءَ اَنت۔

ھزارہ برادری گیشتر نیکراھی ءِ شیعہ لیکہ ءِ منوگر اَنت، آیانی کُشگ ءِ پُشت ءَ یک مستریں سوب ءِ ھمے جتائیں نیکراھی لیکہ گُشگ بیت۔ آھانی سر ءَ گیشتر اُرشانی زمہ واریاں سنی ناشرکاریں گل چُش کہ لشکر ء جھنگوی ءُ داعش ءُ ایندگہ من اَنت۔ ٹاہ دیگ بیت کہ لشکر ء جھنگوی پاکستانی چیریں گلانی “اسٹریٹیجک میراث” بیتگ ءُ اوگانستان ءَ طالبانانی پجیگ ءَ “جھاد” ءَ گون بیتگ۔ بلے گوستگیں دو دھکاں چہ اے گل ءَ وتی نام مٹ کُتگ ءُ شال ءَ وتی توپکانی دیم ھزارہ برادری ءِ نیمگ ءَ ترینتگ اَنت۔

لشکر ء جھنگوی ھمے زیتاں دولت اسلامیہ خراسان پاکستان ءَ یکجاہ بیتگ، آ ھمے نام ءَ کاراں منگ ءَ اِنت۔ یک شمبے ءِ روچ ءَ ھم چہ ھمے نام ءَ منگ بیتگ اَت۔

بلے ھزارہ ءُ بلوچ رھشونانی گمان ءَ اے اُرشانی پشت ءَ تھنا جتائیں نیکراھی لیکھانی سوب نہ اِنت۔ نامداریں ھزارہ رھشون طائر خان ھزارہ ءَ 2018 ءَ دی بلوچستان پوسٹ ءَ گپ کنان ءَ گوشتگ اَت کہ ھزارہ راج ءِ کُشت ءُ ھون بلوچ راجی جُنز ءَ چہ دلگوش ءَ ترینگ ءِ ھاتر ءَ کنگ بیگ ءَ اِنت، ءُ اے اُرش بلوچانی ھلاپ ءَ آپریشن ءِ ھاتر ءَ راہ ءِ پچ کنگ ءِ ھاتر ءَ کار مرز کنگ بنت۔ آئی ءَ بھتام جتگ اَت کہ پاکستانی پھازگی گل ھزارہ برادری ءِ سر ءَ بیوکیں اُرشانی تہ ءَ ھوار اَنت۔

بلوچ سلاہ بندیں گل بلوچ لبریشن آرمی ءِ سروک بشیر زیب بلوچ ءَ ھم یک شمبے ءِ روچ ءَ پاکستان ءِ چیریں گلانی سر ءَ بھتام جنان ءَ گُشتگ اَت کہ آ مچھ ءَ ھزارہ برادری ءِ سر ءَ بیتگیں اُرش ءِ تہ ءَ تچک ءَ ھوار اَنت۔ آئی ءَ گیشتر گوشتگ اَت “دژمنیں استان” بلوچ جنگ ءِ ھلاپ ءَ رپکیں رنگے ءَ ھزارہ برادری ءِ کُشت ءُ ھون ءَ کنگ ءَ اَنت۔

درستاں گیش ابکہ کنوکیں گپ ھما جاور اَنت، کہ آیانی تہ ءَ اے اُرش سرجم بیتگ، 26 دسمبر ءَ بی ایل اے ءَ بولان ءَ پاکستان ءِ پانگس ءِ سر ءَ اُرش کُتگ اَت ءُ آئی ءِ پانگس دستیگ کُتگ اَت۔ اے اُرش ءَ پد پاکستانی پوج ءَ اے سرجمیں دمگ دزگیر کُتگ ءُ اود ءَ بمبگواریں بالگردانی کمک ءَ یک مزنیں کساسے ءَ آپریشن برجاہ اِنت۔ اے دمگ ءَ ھزارانی کچ ءَ پوج جاہ پہ جاہ جریدگ اَنت۔ بلے ایشی ءَ ابید ھم سلاہ بندیں مردم چُش ارزانی ءَ گوں پوریاگرانی پجار ءَ کنگ ءُ کُشگ ءَ پد اے مزنین کچے ءَ اوشتاتگیں پوجے دیما در آیگ ءُ روگ دلجمیں جُست چِست کنت۔

نوکتریں

شال ءَ بیگواھیں مردمانی درگیجگ ءَ زھرشانی برجاہ

راشد حسین ءِ لوگ ءَ بیڑ برگ ءُ کھول ءِ لَٹ ءُ کُٹ کنگ، باندا شال ءَ زھرشانی کنگ بیت اِنت...

اوگانستان ءِ لشکر ءَ اوگانستان ءِ دو ھندانی دستیگ کنگ ءِ ھال رسانکدران شنگ کرتگ

سر بیتگیں ھالانی رد ءَ اوگانستان ءِ لشکر ءِ تْرُندیں جنگی اُرش تالبان ءِ بگیری ءَ برجاہ اَنت، اوگانستان ءِ لشکر...

ماھنور بلوچ ءُ آسما بزنجو ءِ گپ ءُ رپ-ماھنور بلوچ

نبشتانک: ماھنور بلوچ ءُ آسما بزنجو ءِ گپ ءُ رپ نبشتہ کار : ماھنور بلوچ

ھزدار ءَ سُھرک ءِ نادراھی شنگ، دو زھگ بیران

سربوتگیں ھالانی رِد ءَ ھزدار ءِ دمگ گروک نال ءِ ھند سیندل کاریز ءُ مھرگی ءَ سُھرک ءِ نادراھی ءِ تالان...