کھنوج ءَ دگ ءِ وئیلے ءَ دہ مردم زدگ بیتگ اَنت

وئیل ءَ دو گاڑیاں ٹکر وارتگ ءُ چریشی ءَ دَہ مردم زدگ بیتگ اَنت –

دی بلوچستان پوسٹ

سر بیتگیں ھالانی رد ءَ روکپتی بلوچستان ءَ دگ ءِ وئیلے ءَ دَہ مردم زدگ بیتگ اَنت –

اھوالکار ءِ رد ءَ مروچی روکپتی بلوچستان ءِ دمگ کلاگنج کنھوج ءَ دو گاڑیاں ٹکر وارتگ کہ چریشی ءِ سوب ءَ ھردوکیں گاڑیاں سواریں دَہ مردم زدگ بیتگ اَنت –

وئیل ءَ پد زدگ بیتگیں مردم کنھوج ءِ نادراہ جاہ ءَ سر کنگ بیتگ اَنت –

روکپتی بلوچستان ءَ بندوکیں مردمانی گوشگ اِنت دگانی شر جوڑ نہ بوگ ءِ سوب ءَ گیشتریں وئیل بیگ ءَ اَنت ءُ دومی مردمانی تاوان ھما وھد ءَ گیشتر بیگ ءَ اَنت وئیلاں پد آسراتی ءِ دیراں سر بیگ ءَ بازیں مردم زندگی ءَ نہ رک اِتگ اَنت –