چاگردی رسانکدر ءِ ھلاپ پاکستان ءِ جنگ- ٹی بی پی شونگال

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

ٹی بی پی شونگال

چہ دیھکاں جنزوکیں سیاسی پندل سازی ءُ تاکتوریں سرکاری اگدھانی سر ءَ پوج ءِ دل دوستیں مردمانی گچین کنگ ءِ سوب ءَ پوج پاکستان ءِ تہ ءَ یک مھکمیں پوجی ھواریں ءُ ھور توریں سرکارے ءِ اڈ دیگ ءَ سوبمند بیتگ۔ آجوئیں زانتکارانی گْوشگ اِنت ھستیں سرکار “ جمھوری سرکار” پوج ءِ لیبوکیں سیاسی دروشم اِنت، کہ ڈیھ ءِ تہ ءَ چِست بیوکیں ایراد گروکیں تواراں پھازگ ءَ سُلھیں وڑے ءَ بے سوب بیتگ۔ دیمروئی لوٹوک ءُ راجدوست سیاست ءِ ھاتر ءَ پِڑ ءِ بند کنگ ءَ پد نی پوج ءَ درستیں تُپنگ چاگردی رسانکدر ءِ سار ءَ داشتگ اَنت، آ کہ یکے پشت کپتگیں پِڑ اِنت کہ اود ءَ درستیں دیمروئی لوٹوکیں سیاسی تاکتانی ءُ ایراد گیروکانی نیمگ ءَ چہ پوج ءِ سر ءَ ایراد گرگ بیت ءُ سیاسی بگیری ءِ دیمپانی کنگ کپ ایت۔

گوست ءَ، چاگردی رسانکدر ءِ کارمرزکنوکیں بلاگراں کہ پاکستانی پوج ءِ سر ءَ ایراد گپتگ آیانی بے توار کنگ ءِ ھاتر ءَ زوریں بیگواھی ءُ لٹ ءُ کُٹ ءِ پیمیں “کارمندیں ھنر” کارمرز کنگ بیتگ اَنت ۔ سال 2017 ءَ چار نامی ئیں بلاگرز ءُ پاکستانی پوج ءِ سر ءَ ایراد گروکیں سلمان ھیدر، وقاص گورایا، عاصم سعید ءُ اھمد رضا نصیر گار ءُ بیگواہ کُتگ اَنت۔ چاریں بلاگر پد ءَ سرجمیں ملک ءَ زھرشانی ءَ پد زورا اتکگ ءُ یل کنگ بیتگ اَنت بلے اے چاریں مردماں پد ءَ پاکستان ءَ نشت کُت نہ کُت۔ وقاص گورایا نیدرلینڈ ءَ سربیگ ءَ پد سر زاھر ءَ اے گپ من اِتگ کہ آئی ءِ بیگواہ کنوک ءُ آیانی سر ءَ لٹ ءُ کُٹ کنوک پاکستانی پوج ءِ چیریں گل “آئی ایس آئی” بیتگ۔

بلاگرانی چُش سر زاھریں بیگواھی ءُ آئی ءَ پد چِست بیوکیں جاک ءِ سوب ءَ چہ پاکستانی چیریں گلاں کہ ھما جھانی چم جھلی ءِ دیمپانی کنگ کپتگ اَت، آئی ءَ پد ایراد گروکانی بے توار کنگ ءِ ھاتر ءَ گیشتر چیریں ھُنر کارمرز کنگ بیتگ اَنت۔

اپریل 2019 ءَ، فیس بک ءَ پاکستانی پوج ءِ بازیں تندجاہ بند کُت اَنت، کہ پوجی کارمند ایشاں کارمرز کنگ ءَ بیتگ اَنت۔ فیس بک ءِ نیمگ ءَ چہ شنگ کُتگیں درشان ءِ رد ءَ آیاں 103 تاک، گروپ ءُ تندجاہ بلاک کُتگ اَنت ، کہ “مھکمیں ءُ ناگمانی کردانی” سر ءَ جنزوک بیتگ اَنت ءُ چہ پاکستان ءَ نا دلجمیں کارانی تہ ءَ ھوار بیتگ اَنت۔

راستی ءَ اے “مھکمیں ءُ ناگمانی کرد” پاکستانی پوج ءَ دژمنانی ھلاپ ءَ ھما “ ففتھ جنریشن وار فیئر” اِنت، کہ ایشی ءِ بارو ءَ پاکستان ءِ پیسرگیں ڈی جی آئی ایس پی آر میجر جنرل آصف غفور ءَ گوشتگ بیتگ۔ ءُ گندگ ءَ ففتھ جنریشن وارفیئر ءَ پاکستانی پوج ءِ دژمن چاگردی رسانکدر ءَ ھستیں سیاسی ایراد گروک اَنت۔

پاکستانی پوج ءِ چاگردی رسانکدر ءَ جنگ ءِ وڑ اے بیتگ کہ پاکستان ءِ بزگ ءُ پدمنتگیں تک اگاں راجانی نیمگ ءَ چہ چاگردی رسانکدر ءِ سر ءَ چِست بیتگیں توار گار کنگ بہ بنت، پہ ایشی ءِ ھاتر ءَ”ھواریں ارزی نامگ” ءِ وڑ کارمرز کُتگ، انچیں توار بلاک کنگ بیت اِنت، یا اگاں ھمے تواراں جاکانی تہ ءَ کم ترینگ ءِ جھد کنگ بیت ءُ دلگوش ءَ دومی نیمگ ءَ ترینگ ءِ ھاتر ءَ دگہ دروگیں گپ ءِ جوڑ کنگ پوج ءِ پلامرزی ءَ اگاں سرکار ءِ پلامرزی ءَ ھیش ٹیگ جنزینگ بیت۔

پاکستانی لیکہ ءِ گیشتر مھکمی ءَ گوں درشان کنگ ءِ ھاتر ءَ، ھما درستیں روتاکانی تندجاہ پاکستان ٹیلی کمیونیکیشن اتھارٹی ءِ نیمگ ءَ چہ بند کنگ بیتگ، کہ پوج ءِ زور ءَ آیگ ابید آجوئیں اھوالکاری کنگ ءَ اَنت۔ دی بلوچستان پوسٹ ءِ اردو ءُ انگلش ھالانی تندجاہ پاکستان ءَ بند اَنت۔ ھمے پیم ءَ وائس آف امریکہ ءِ ھم اردو ءِ بھر بند کنگ بیتگ۔

بی ٹی اے ءِ سر ءَ مدام ایراد گرگ بیت کہ اے گل یک “ریگولیٹری اتھارٹی” ءَ ابید تھنا پاکستانی پوج ءِ یک بھرے۔ پی ٹی اے یوٹیوب ءَ چہ لوٹ کنگ ءَ اِنت کہ آ پاکستان ءَ وتی یک کارگس ءِ پچ بہ کنت، اگاں ناں گُڑا یوٹیوب بند کنگ بیت، دانکہ پاکستان ءَ یوٹیوب دست چیر ءَ آرگ بہ بیت۔ میان اُستمانی برادری پیش ءَ چہ پاکستان ءِ سر ءَ “بیگو” پئیمیں لائیو اسٹریمنگ کنوکیں ایپ ءُ انیگ ءَ پنچ ڈیٹنگ ایپسانی سر ءَ بندش جنگ ءَ ایر جتگ اِش۔ آئی ایس پیز ( انڈیپینڈنٹ سروس پروائیڈرز) ءَ اَے ٹاہ جتگ کہ پاکستان منّ اِتگیں باوستی موادانی سر ءَ بندش ءِ نام ءَ سیاسی توارانی سر ءَ بندش جنگ لوٹگ ءَ اِنت۔

اجکھی گپ ایش اِنت کہ ھمینچو تیزی ءَ گوں پوج ءِ مھکمیں “ٹرول ز اینڈ بوٹس” چاگردی رسانکدر ءَ کارمرز کنگ ءَ اَنت، آیانی کار ھمینچو تیزی ءَ گوں گرگ ھم بیگ ءَ اَنت۔ 31 اگست 2020 ءَ فیس بک ءَ پاکستان ءَ گوں سیادی داروکیں 103 تندجاہ تاک، 78 گروپس، 453 اکاونٹس ءُ 107 انسٹا گرام اکاونٹسانی سر ءَ بندوکیں یک نِٹورکے “مھکم ءُ ناگمانی کردانی” سوب ءَ بند کُتگ اَنت۔ فیس بک ءِ رد ءَ اے اکاونٹس مھکمیں پئیماں لس باوستانی دیم ءَ ترینگ ءَ اَنت ءُ ھما اکاونٹسانی بند کنگ ءِ ھاتر ءَ ارزی دے اَنت، کہ پاکستانی پوج ءُ سرکار ءِ سر ءَ ایراد گر اَنت۔ گیشتر ایش کہ اَے اکاونٹ مدام پاکستانی پوج، آئی ایس آئی ءُ پی ٹی آئی ءِ سرکار ءِ ستاہ ءَ کن اَنت ۔

نوکتریں

پھرہ ءَ یک دکانے ءِ سر ءَ ناشناساں تیرگواری کرتگ ءُ یک مردمے کُشتگ

دی بلوچستان پوسٹ سر بیتگیں ھالانی رد ءَ روکپتی بلوچستان ءِ دمگ پھرہ "ایرانشھر " ناشناسیں مردماں...

بی ایس او ءِ بندری سیاسی مول ءُ مراد گھگیری اِنت – بشیر زیب بلوچ

بلوچستان ءَ راجداری ءِ بنکی تالان کنگ ءِ کرد ءِ پیلو کنوکیں نودربر گل بلوچ اسٹوڈنٹس آرگنائزیشن ءِ بنھِشت ءَ مروچی...

کیچ زامران ءَ پاکستانی پوج ءِ سرا اُرش، اُرش ءِ زمّہ واری یو بی اے ءَ منّ اِتگ –

گونجتو ءَ پاکستانی پوج ءِ کارمند تراک ناکیں شوروانی نشانگ کُتگ - مزار بلوچ دی بلوچستان پوسٹ

سبی ءَ پاکستانی پوج ءَ یک مردمے آوار جنگ ءَ پد بیگواہ کرتگ

دی بلوچستان پوسٹ سر بیتگیں ھالانی رد ءَ بلوچستان ءِ دمگ سبی ءَ پاکستانی پوج ءَ چلّا...