کلات ءَ بمب اُرشے ءَ ڈیتھ اسکواڈ ءِ دمگی سروکے کُشتگ، بی آر اے

الم بوانیت

کلات ءَ بمب اُرشے ءَ ڈیتھ اسکواڈ ءِ دمگی سروکے کُشتگ، بی آر اے

دی بلوچستان پوسٹ

عزیز مھمد ھسنی شورپارود ءُ کَش ءُ گوری ھنداں جھد کارانی شھیدی ءُ دزی ءُ ڈنگیاں ھوار بیتگ – بیبگر بلوچ

بلوچ ریپبلکن آرمی ءِ جارکش بیبگر بلوچ ءَ شنگ کرتگیں وتی یک بیانے ءِ تہ ءَ گْوشتگ کہ مئے سرمچاراں گوستگیں روچ ءَ ڈیتھ اسکواڈ ءِ دمگی سروک عزیز مھمد ھسنی کلات ءِ دمگ نیمرگ ھپڑسی نالہ ءَ کَل کرتگیں شوروانی تراکے ءَ گوں نشانگ کرتگ ءُ کُشتگ –

جارکش ءَ گْوشت کہ عزیز مھمد ھسنی دوھزار ءُ دوازدہ ءَ راجی جھدکارانی چاریگریاں دزمانجن بیتگ کہ چریشی ءَ دوھزار ءُ شانزدہ ءَ چاریگری ءِ بھتام ءَ راجی سرمچاراں دزگیر کرتگ کہ چریشی ءَ رندپداں چاریگری ءِ نہ کنگ ءِ سوب ءَ دیمزیری ءَ یلہ کنگ بیتگ بلے چریشی ءَ پد ھم سرجمی ءَ آ ڈیتھ اسکواڈ ءِ باسک جوڑ بیتگ – شورپارود ءُ کَش ءُ گوری دمگاں جھدکارانی شھیدیاں تچک ءَ تچک ھوار بیتگ، چریشاں اَبید ھم دمگ ءَ نیزگاریں مردمانی مال ءُ دلوتانی دزگ ءُ مھلوک ءِ ننگ ءِ سر ءَ پانگ بیتگ –

بیبگر بلوچ ءَ گْوشت کہ ریاست ءِ گوشگ ءَ پُرکاریں ڈیتھ اسکواڈ ءِ سروکی ءَ اے دمگ ءَ کمبر مینگل کنگ ءَ اِنت – ما یک رندے پد ءَ مھلوک ءَ گوں دزبندی کن ایں کہ آ کمبر ھان ءِ گور ءَ چہ دور بہ بنت کہ کجام ھم وھد ءَ آئی ءِ سر ءَ اُرش کنگ بیت اِنت –

آئی ءَ گوشت کہ آجو بلوچستان ءِ راہ ءأ رھبندانی سرجمی بیگ ءَ کاروائی برجاہ مان اَنت –

نوکتریں