مجید برگیڈ ءِ تھی کسہ – ٹی بی پی گچینی

الم بوانیت

آھوگ تو اے وڑ مہ کُتیں۔۔۔ – بالاچ قادر

آھوگ تو اے وڑ مہ کُتیں۔۔۔ بالاچ قادر دی بلوچستان پوسٹ گُل ترا یات بیت ھما وھدی کہ توءُ دگہ سنگتے مئے...

کمےّ وھد کشّ – منھاج مختار

کمےّ وھد کشّ منھاج مختار دی بلوچستان پوسٹ تو ھم زانئے کہ من ترا گشگایاں بلے اگاں ترا موھ رست منی اے...

بلوچستان ءِ آجوئی ءِ ترس ءُ پاکستانءِ نوکیں پالیسی: نبشتہ حکیم واڈیلہ

گوشنت زوراک وھدءِ وتا نزور بیگءَ گندیت اگں ماریت گڑا آوتی سرجمیں زورا جنت ءُ وتی زوراکیءَ برجم دارگءِ...

“ مجید برگیڈ ءِ بنھشت، دپتر ءُ لیکہ ءِ درگیجگ ءِ کسہ، اے راہ ءَ بی ایل اے ءِ سروک بشیر زیب بلوچ، مجید برگیڈ ءِ کماندار ھمل ریھان، مجید برگیڈ ءِ آسراتیانی مستر بزگر خان ءَ گند ءُ نند کنگ بیت”

ٹی بی پی گچینی

سرشونکار میران مزار

چہ بندات ءَ پیسر:

جولائی ءِ یک آسریچیں بیگاھی ءَ شال ءِ ھنکین کلی اسماعیل ءِ یک کسانیں لوگے ءَ چار سنگت داں باز دیر ءَ یک جیڑھے ءِ سر ءَ بے آسریں گَپ ءُ ترانے کنگ ءَ اِت اَنت۔ لھتیں روچ پیسر آیاں جھان ءَ وتی توار ءِ سر کنگ ءَ یک ترندیں پیسلھے کُتگ اَت، بلے اے جیڑہ دیم ءَ آیگ ءَ اَت کہ اے پیسلہ ءَ سِتکی رنگ ءَ کَے دنت۔ راجدوست ءُ مارکسسٹ لیکھانی سر ءَ ترندی ءَ گوں باور داروکیں چاریں ورنایاں اے باور بیت کہ اگاں آیانی گام سوب مند بہ بیت، گُڑا اے بلوچ راجدپتر ءِ تہ ءَ بے دروریں بدلی ءِ کاریت، پمیشکہ ھمک یکے ئے ھمے گپ ءِ سر ءَ اوشتوک بیت کہ اے کار ءِ کنگ ءِ ھاتر ءَ کے ءَ روگ لوٹ اِیت۔ ھیر گُڈ سر ءَ آ چاریں ھمے آسر ءَ سر بنت کہ چاریں وتی ناماں کاگد ءِ سر ءَ نبشتہ کن اَنت ءُ یک ڈبُکے ءِ تہ ءَ مان کن اَنت ءُ بھت ءِ سر ءَ یل کن اَنت کہ کئی نام پہ اے راجدپتر ءَ بدل کنوکیں کارے ءِ ھاتر ءَ درکپ اِیت۔ وھدے ڈبک ءَ چہ یک کاگدے ءِ کَشگ ءُ وانگ بیت، گُڑا آئی ءِ سر ءَ “مجید لانگو” ءِ نام نبشتہ بیت۔ ایندگہ سئیں سنگت مجید ءَ بگل ءَ کن اَنت ءُ مرادباتی دے اَنت۔

لھتیں روچاں پد 2 اگست 1974 ءَ ھما وھد ءَ پاکستان ءِ مزن وزیر ذوالفقار علی بھٹو شال ءَ یک مچی ءَ گوں تران کنگ ءَ کیت۔ اے ھما وھد بیت، وھدے بھٹو ءَ بلوچستان ءَ نیب (نیشنل عوامی پارٹی) ءِ سرکار ھلاس کُتگ اَت ءُ درستیں راجدوستیں بلوچ رھشون ھیدر آباد ءِ زندان ءَ زندانی کُتگ اِت اَنت ءُ شاہ ایران ءِ کمک ءَ گوں بلوچستان ءَ مزنیں کساسے ءَ آپریشن بندات کُتگ اَت ۔ کہ ایشی ءِ تہ ءَ مزنیں کساسے ءَ لس بلوچ کُشگ بیگ ءَ اِت اَنت۔ مجید لانگو ھمے آپریشنانی پسہ ءَ ذوالفقار علی بھٹو ءِ جند ءِ سر ءَ وت کش تراکے کنگ لوٹگ ءَ اَت۔ پہ اُرش کنگ ءَ آئی ءِ گور ءَ تھنا یک کوھنیں روسی اڈ داتگیں دستی بمبے بیت۔ آ مچی ءِ نزیک ءَ یک درچکے ءَ سرکپ اِیت ءُ بھٹو ءِ گوزگ ءِ ودار ءَ کنت، ذوالفقار علی بھٹو ءِ گندگ ءَ گوں آ نزیک ءَ روگ ءِ جھد ءَ کنت بلے وتی گچینتگیں جاہ ءَ رسگ ءَ پیسر آئی ءِ دست ءَ دستی بمب ترک اِیت۔

اے زانگ نہ بیت کہ مجید لانگو ءِ ایندگہ سنگ کے بیتگ اَنت، ءُ پد ءَ رند ءَ آ چی ءُ چتور بیتگ اَنت ۔ آ گرگ بیت اَنت ءُ کُشگ بیت اَنت یا اگاں رند ءِ دراجیں بلوچ جنگ ءَ مھکم کنوک ھما اّت اَنت۔ بلے اے وھیل کساس پنچ دیھکاں چہ درستیں راجدوستیں جھدکارانی ءُ جنگولانی دلاں نبشتہ اِنت کہ نی آیانی زانت ءِ بھر جوڑ بیتگ۔ مجید لانگو ءِ 2 اگست 1974 ءِ اُرش ءَ ذوالفقار علی بھٹو رکیتگ اَت۔ بلے اے اُرش بے سوب نہ بیتگ اَت، اے اُرش ءِ ساناں بازیں سالاں پد یک انچیں یکشلی ءِ بندات کُت کہ مروچی جھان آئی ءَ “مجید برگیڈ” ءِ نام ءَ زانگ ءَ اِنت ۔

مجید ءِ شوھاز ءَ:

29 جون 2020 ءَ یک (سرمئی) رنگے ءِ اولاکے ءَ چار ورناہ سوار بنت کہ نوکتریں سلاھاں چہ چکار بیت ءُ پاکستان ءِ درستاں مستریں شھر کراچی ءِ بازیں دگاں چہ گوزان، پاکستان اسٹاک ایکسچینج ءِ دیم ءَ اوشت اِت۔ چہ اولاک ءَ ایر کپ اَنت ءُ سنگر گپتگیں پھازوکی کارمندانی گون ءَ جنگ بندات کن اَنت، کہ ایشی ءِ تہ ءَ درستیں پھازوک ءُ دو اُرش کار کُشگ بنت ءُ دگہ دو اُرش کار تہ ءَ پتر اَنت ءَ جنگ کنان بنت۔ کمو دیر ءَ پد ایندگہ دوئیں ارشکارانی جنگ بیگ ءِ ھم ھال کیت۔ پاکستانی سرکار اُرش ءِ راستی ءَ من اِت ءُ گوش اِیت کہ یک سکیں ھترناکیں اُرش ءِ بے سوب کنگ بیتگ۔ دومی نیمگ ءَ بلوچ آجوئی دوستیں سلاہ بندیں گل  بی ایل اے یک درشانے شنگ کنت ءُ گْوش اِیت کہ اُرش مئے “مجید برگیڈ” ءَ کُتگ، اُرش ءِ نشانگ پاکستان ءِ زرکاری بیتگ ءُ ما وتی مول ءُ مراد ءَ سوبمند بیتگ اِنت۔

اے اُرش سرجمیں جھان ءِ درستیں رسانکدر چینل ءُ روتاکانی تہ ءَ پہ وت ءَ جاہ جوڑ کنت، بلے ایشی ءِ پجیگ ءَ بازیں جُست ھم ودی بنت ءُ یک نوکیں گپ ءُ باوست ئِے بندات بیت۔ اے باوست تھنا بلوچ جُنز ءِ بگیری کنوکاں داں نہ اوشت اِیت بلکیں بلوچ راجدوست ھم اے باوست ءَ وتی بھر ءَ ھوار کنان ءَ گندگ بنت ۔ بی ایل اے مجید برگیڈ چُشیں گیر بے سریں نشانگ گچین کنگ ءِ مول چی اَنت؟ مجید برگیڈ ءِ اُرش سوبمند اَنت اگاں بے سوب؟ گوست ءِ ھساب ءَ ابید بلوچ جُنز ءِ تہ ءَ پدائی اُرشانی رواج انچو تیزی ءَ گوں پرچہ دیمروی کنگ ءَ اَنت؟ پدائی اُرش پہ بلوچ جُنز ءَ مُزدانک اَنت تاوان بار؟ ایش ءُ ھمے وڑیں بازیں جُست مجید برگیڈ ءِ اُرشانی بندات کنگ ءُ ھاسیں وڑے ءَ گُڈی اُرش ءَ پد سک باز باوست کنگ بیگ ءَ اِنت۔

اے درستیں جُست ءُ باوستانی سر ءَ بی ایل اے ھاسیں وڑے ءَ آئی ءَ مجید برگیڈ ءِ نیمگ ءَ چہ کجام ھم وڑیں لیکھے رسانکدرانی  دیم ءَ نئیت۔ دی بلوچستان پوسٹ اے جستانی پسہ گرگ ءَ، مجید برگیڈ ءِ گوستانک، بنھشت ءُ لیکہ ءِ شوھازگ ءَ یک مساپری ءَ در کپتگ ۔ اے مساپری ءَ ما بلوچ لبریشن آرمی ءِ مستر بشیر زیب بلوچ ءَ گند ءُ نند کن ایں۔ اے نیام ءَ اولی رند ءَ مجید برگیڈ ءِ کماندار ھمل ریھان گوں بلوچ رسانک ءَ گپ کنت۔ مارا مجید برگیڈ ءِ ھیلکاری بنزہ، آئیانی زند کنگے جاہ، داں انگت پدائی اُرش کنوکیں اُرش کارانی ایریں پُتینک  پیش دارگ بنت۔ ما اے پدائی اُرش کارانی نزیکیں سنگت ھیلکاری ءَ کمک کنوکیں مردماں ھم گپ تران کن ایں، مئے اھوال مجید برگیڈ ءِ آسراتی کمک کنوکیں یونٹ ءِ مستر بُزگر خان ءَ گوں ھم بیت کہ اے سرجمیں مساپری ءَ مئے ھمراہ بیت ۔ چیریں اھوالانی کمک ءَ چہ پد پہ پد اھوالاں چہ پد مارا ھمے شَرت ءَ گوں نیاد کنائینگ بیگ ءَ اِنت کہ ما وتی گون ءَ گوشی، کیمرہ یا کجام ھم الیکٹرانک شئے ھوار نہ کن ایں ءُ نہ میتگ ءُ کیمپانی نام ءُ جاہ زاھر کنگ بنت۔ اے دراجیں مساپری سر لٹ ءَ چہ بندات بیت ءُ داں قلات ءِ کوھانی تہ ءَ آسر بیت ءُ اے راجدپتری مساپری 1995 ءَ چہ بندات بیت ءُ آؤکیں وھدے ھساباں سر بیت۔ 

پیریں ربال (پیریں پیغمبر):

90 ءِ دیھک ءَ بلوچ سیاست ءَ زر چنڈ ءَ چہ پیسر ھاموشی ءِ وڑے ھست اَت، کہ ایشی ءِ درگت ءَ پاکستانی زانتکارانی گوشگ اِنت کہ بلوچ یک پروش وارتگیں دراجیں جنگ ءُ 15 سال ءَ باھوٹی ءِ زند ءِ ٹپاں چٹگ ءَ اَنت۔ ءُ بلوچ اے ھاموشی ءِ تہ ءَ کوھن ءَ چہ نوکین ءَ مٹ بیگ ءِ وھد گْوش اَنت۔ اے 1995 ءِ گپ اِنت، یک پیریں بلوچ راج دوستیں مارکسسٹے ءَ شال ءَ وتی لوگ ءَ ورنایاں یک جاہ کنگ سیاسی، چاگردی ءُ پلسپائی لیکہ ءُ جیڑھانی بارو ءَ درس دیگ ءَ  بندات کنت۔ اے درس روایتی اسکول ءُ سیاسی نیاداں چہ جتا اِت اَنت۔ اد ءَ جُست کنگ سوج دیگ بیت۔ زیت ھمے وانندگی نیاداں “ حق توار “ ءِ نام دیگ بیت۔ ءُ وتی اُستاد ءَ ورناہ “پیغمبر آزادی” (آجوئی ءِ ربال) ءِ نام ءَ توار کنگ بندات کن اَنت۔ سرجمیں جھان اے “پیغمبر” ءَ سردار خیر بخش مری ءِ نام ءَ چہ زانگ ءَ بیت ۔

ھمے سیاسی دیواناں چہ ورنایانی یک انچیں نسلے ودی بیت، کہ بلوچ جنگ ءِ نوکتریں دروشم بلوچ لبریشن آرمی ءَ نوکتریں دروشم ءَ مانگیج اَنت، سرجمیں بلوچستان ءَ مھکم کن اَنت ءُ چہ مرچیگ ءَ پُریں دو دیھک پیر سال 200 ءَ وتی اولی دلجمیں اُرشانی بندات ءَ کن اَنت۔ اے دیوانانی تہ ءَ دلگوشی ءَ گوں گپانی گوشداروک اسلم دھوار نامی ئیں یک جزباتی ئیں ورنایے ھم گون بیت۔ اے ورناہ زیت ھمے پیسلہ ءَ سر بیت کہ بلوچ جیڑہ ءِ گِش ءُ گیوار کنگ ءِ یکیں راھے تھنا سلاہ بندیں جھد اِنت۔ اے ورناہ بی ایل اے توان ءَ کنگ ءَ درستاں گیشتر گامگیج زیران بیت۔ ھمے اسلم دھوار رند ءَ جنرل اُستاد اسلم بلوچ ءِ نام ءَ بلوچ سلاہ بندیں جھد ءَ درستاں گیش سان مند، شرپ مند ءُ ھترناکیں کارستے ءِ کالب ءَ سربیت ءُ 2017 ءَ بی ایل اے سروک گچین بیت ۔ 

واجہ پاک ءِ داتگیں دادانی واھندیں اے ورناہ اسلم بلوچ بلوچستان ءِ مزن شھر شال ءَ چہ تھنا پنجاہ کلومیٹر دیر بولان ءَ وتی بنجل ءَ جوڑ کنت، وتی رھشونی ءِ مساپری ءِ بندات ءَ یک بنجلے ءِ کماندارے ءِ بستار ءَ چہ کنت۔ آئی ءِ نزیکیں سنگتانی رد ءَ اسلم ھپتاد ءِ دیھک ءِ چیر جنگ ءِ لوٹوک نہ بیتگ۔ آئی ءَ مزنیں کوھانی تہ ءَ چیر بیگ ءُ جنگ کنگ نہ لوٹ اِتگ۔ پمیشکہ آئی ءَ “شھری چیر جنگ” ءِ ھاترءَ ورنایانی ھیلکاری بندات کُت ءُ زیت اے جنگ چہ بلوچستان ءِ کوھاں چہ کش اِتگ ءُ داں شھراں سر کُتگ ۔ وھدے اے جنگ شھراں سر بیت گُڑا سرجمیں جنگ ءِ دروشم مٹ بیت، ایشی ءِ توار ھمک نیمگ ءَ ایش کنگ بیت ءُ ورناہ ھم گیشتر سان مند بیت اَنت ءُ جنگ ءِ تہ ءَ ھوار بیان بیت اَنت ۔

بلے اسلم اے جنگ ءَ انگت دیم ءَ برگ لوٹگ ءَ اَت، حق توار ءِ دیواناں چہ یک دیوانے ءَ چِست بیتگیں یک جُستے  مدام آئی ءں دماگ ءَ سُر سُر کنگ ءَ اَت۔ آئی ءَ ھما ھاسیں دیوان ءِ گپ مدام آورتگ، کہ وھدے سردار خیر بخش مری  وتی تران ءَ نشتگیں ورنایاں چہ جُست کنت “جھان ءِ درستیں مزنیں آجوئی ءِ جُنزانی تہ ءَ پدائی بیتگ اَنت، وت کُش بیتگ اَنت، بلوچ جنگول ودی کنگ ءَ اَنت بلے آ کجام سوب اِنت کہ ما پدائی ودی کنگ ءَ بے سوب اِنت؟”

سال 2008 ءَ بولان ءَ بی ایل اے ءِ “سارو” کیمپ ءَ اسلم بلوچ وتی باوری ئیں کماشیں سنگتاں یکجاہ کنت ءُ آیانی دیم ءَ وتی نوکیں واھگاں ایر کنان ءَ گْوش اِیت کہ “ آ بلوچ لبریشن آرمی ءِ تہ ءَ یک نوکیں برگیڈ جوڑکنگ لوٹ اِیت۔ اے گچیں ھیلکاری ءِ واھند بیت ءُ تھنا پدائی اُرش کنت۔” داں انگت اے برگیڈ ءَ نا نام ءِ ءُ نا کہ کسے ایشی ءَ ھوار بیت، نا کہ کسے ءَ چُشیں امیت بیت کہ کسے ایشی ءَ ھوار بیت۔ اے تھنا گنوکی ءِ واب ءِ دروشمے ءَ دنت۔

مجید ءَ بگر داں مجید ءَ:

اے 17 مارچ 2010 کساس روچ ءِ ساھت دو ءِ وھد بیت، وھدے پاکستانی پوج ءَ شال ءِ گولیمار چارراہ ءُ وھدت کالونی ءِ نزیک ءَ یک لوگے ءَ چاریں نیمگاں گپت ۔ وھدے لوگ ءَ نشتگیں مردم سرپد بنت کہ آیانی راہ بندگ بیتگ، گُڑا چہ آیاں یک ورنایے توپنگ ءَ چِست کنت ءُ یک نیمگے ءَ چہ تیر گواری کنان ءَ کِشک ءَ ھالیک کنت ءُ وتی ھمراھاں گوش اِیت کہ آ چہ اے کِشک ءَ در بیا اَنت، آ پشُت ءَ چہ پوج ءَ داریت، ءُ پد ءَآ ھم در کیت۔ ھمراھانی زد کنگ ءَ ابید ھم آ زور آیاں چہ اود ءَ  کش اِیت۔ اے سرجمیں جاور ھالانی تجربگ آیاں پیش ءَ ھم کُتگ بیتگ، وھدے دو سال پیسر ھمے وڑیں بندی ءَ چہ بلوچستان ءِ دگہ یک شھر ھب چوکی ءَ نہ تھنا وتی سنگتانی کَشگ ءَ سوبمند بیتگ اَت بلکیں رندءَ وت ھم ٹپی ئیں جاوراں وت  ھم در اَتکگ اَت۔ بلے اے رند ءَ پوج سک مزنیں کساسے ءَ اَتکگ اَت ءُ روچے وھد بیت۔ آئی ءِ کر ءَ تھنا دو راہ بنت، وتار ءَ رکینگ اگاں وتی ھمرھاں، آ وتی ھمراھانی رکینگ ءَ سوبین بیت ءُ یک ساھتے ءِ جنگ ءَ وت کُشگ بیت۔

اے ورناھے کوش ءِ ھال جنگل ءَ آس ءِ وڑ ءَ شنگ بیتگ اَت ، پرچہ کہ آ بلوچستان ءِ درستاں زانتکار ءُسوھویں “شھری گوریلا “ ءِ لیکگ بیت۔ آ ورناھے پجار مجید لانگو ءِ نام ءَ بیت ۔ اد ءَ تھنا نام یکے نہ اِنت، 2 اگست 1974 ءَ مجید لانگو اوّل بھٹو ءِ سر ءَ پدائی اُرش ءَ کُشگ بیت، چیزیں سالاں پد آئی ءِ لوگ ءَ آئی کستریں برات ودی بیت۔ مجید ءِ یات ءَ اے بچک ءِ نام ءَ ھم مات  مجید لانگو ایر کنت۔ مروچی بلوچ چاگرد ءَ اے دوئیں برات مجید اول ءُ مجید ثانی ءِ نام ءَ یات کنگ بنت۔ بلے اے دوئیں برات تھنا پہ بلوچانی آجوئی ءِ ھاتر ءَ چہ اے لوگ ءَ در نیا اَنت، ایشانی نیامی برات ایڈوکیٹ امیر بخش لانگو ھمے سال ءَ 2010 ءَ فروری ءِ ماہ ءَ کوشگ بیت ۔ کہ آئی ءَ بی ایل اے وتی مستریں کماندار نامین اِیت ءُ جنگولی ءِ دلیری ءِ مستریں پنام “سگار بلوچ” ءِ دیگ ءِ جار ءَ جنت۔

ھمے روچ ءَ 17 مارچ 2010 ءَ اسلم بلوچ بی ایل اے ءِ پدائی برگیڈ ءِ اڈ دیگ ءِ جار ءَ جنت، ءُ رسانکدراں یک درشانے شنگ کنت، کہ آئی ءِ تھ ءَ مجید براتانی پدا بیگ ءِ پلسپہ ءَ وتی راہ ءِ چراگ گْوش اِیت، ءُ بی ایل اے ءِ ھمے پدائی برگیڈ ءَ مجید ثانی ءِ نام گوں بندوک کنت ءُ آئی نام “مجید  برگیڈ” ایر کنگ بیت۔ ءُ اے وڑ ءَ بلوچ جنگی گوستانک ءِ درستاں ھترناکیں، نوکتریں ءُ ایلیٹ یونٹے ودی بیت۔

سنت ء ابراھیمی:

سال 2010 ءِ گُڈسر ءَ بی ایل اے ءِ یک جنگولے کہ آئی ءِ نام  باز خان مری بیت ، اسلم بلوچ ءَ گوں اھوال کنت ءُ گوں آئی ءَ گند ءُ نند ءِ واھگ ءِ درشانی ءَ کنت۔ باز خان یک سکیں سادگیں ءُ ھاموش تبے ءِ مردم ءُ دو زھگانی کماش بیت۔ باز خان ءِ ھمے سادگی ءُ ھاموشیں تب ءِ سوب ءَ آئی ءِ ھمراہ آئی ءَ را درویش ءِ نام ءَ پر کن اَنت۔  آ گوں اسلم بلوچ ءَ بولان ءَ “بُزگر بنجل” ءَ گند ءُ نند کنت، آ یک دراجیں دیوانے کن اَنت۔ آیوکیں بازیں سالاں اسلم بلوچ ھمے دیوان ءِ درور ءَ دنت ءُ مدام وتی ھمراھاں گْوش اِیت کہ” چہ ھدا ءَ من بس یکیں شئے ءَ لوٹاں کہ آ بلوچ ماتاں اے تاگت ءَ بہ دنت کہ آ باز خان ءِ پیمیں زھگ ودی بہ کن اَنت۔”

30 دسمبر 2011 ءَ گوستگیں پاکستانی بنجاھی وزیر نصیر مینگل ءِ بچ شفیق مینگل ءُ آئی ءِ ھمراھانی سر ءَ شال ءَ یک وت کُش تراکے بیت۔ شفیق مینگل ءِ سر ءَ ھمے بھتام بیت کہ آئی ءَ بلوچستان ءَ پوج ءِ چیردستی ءَ گمانی ءِ وڑ ءَ ڈیتھ اسکواڈ اڈ کُتگ  ۔ کہ بازیں سیاسی جھدکارانی کوش ءُ بیگواہ کنگ ءَ ھوار اِنت۔ ایشی ءَ ابید بلوچستان ءِ دمگ توتک ءَ چہ دزکپتگیں ھواریں گورانی بھتام ھم ھماھی ءِ سر ءَ بیت۔ اے وت کُش ارشءَ شفیق مینگل رکیت بلے آئی ءِ گمانی ڈیتھ اسکواڈ ءِ کساس بیست مردم کُشگ بنت۔ اے اُرش ءِ زمہ واری ءَ بی ایل اے مجید برگیڈ من اِیت ءُ رسانکدراں اکس ءخ شنگ کنان ءَ گْوش اِیت کہ اے اُرش آیانی پدائی ءِ “ باز خان مری پنام درویش” ءَ کُتگ۔ اے مجید برگیڈ اولی اُرش بیت۔ 

بی ایل اے ءِ مجید برگیڈ ءَ دیمتریں کار ءِ ھاترءَ ھپت سال ودار کنگ کپ اِیت۔ 11 اگست ءِ روچ بلوچ راجدوستانی واستا  یک مستریں ارزشتے داریت۔ اے ھما روچ اِنت وھدے قلات ءِ ریاست 1947 ءَ چہ انگریزاں آجوئی ءِ جار جتگ اَت۔ ھمے سال ءَ بلوچ راجدوست اے روچ ءَ چیدگ ءِ پئیماں آجوئی ءِ روچ ءَ دار اَنت۔ ھمے چیدگی روچ ءَ گچین کنت ءُ مجید برگیڈ ءِ دومی مستریں پدائی اُرش 11 اگست 2018 ءَ بلوچستان ءِ دمگ دالبندین ءَ سیندک پراجیکٹ سر ءَ کار کنوکیں چینی انجینیرانی بس ءِ سر ءَ “ای وی بی آئی ای ڈی” اُرش کنگ بیت۔ اے اُرش ءَ بازیں مردم مر اَنت ءُ ٹپی بنت۔ بلے اے اُرش ءِ درستاں بے دروریں گپ وت کُش تراک کنوک بیت، کہ آئی سوب ءَ آیوکیں سالانی بلوچستان ءِ جنزوکیں آجوئی ءِ جنگ ءِ گامانی پیم مٹ بیگی اَنت۔

اُرش کار ءِ پجار 22 سالی ئیں ورناہ ریحان اسلم بلوچ ءِ نام ءَ بیت، کہ بی ایل اے ءِ سروک اسلم بلوچ ءِ نوکیں باندات مستریں زھگ بیت۔ اے روچءَ درستیں بلوچانی زبان ءَ ھمے گالوار  ایش کنگ بیگ ءَ بیت  “ وتی وھدے ابراھیم ءَ پہ آجوئی ءَ وتی درستاں پر ارزشتیں شئے ءِ دیمونی دات۔”

دہ لک ءِ وت کُش:

مئے پجاروکی گوں “بُزگر خان” کنگ بیت، کہ چہ اد ءَ چہ دیمتر ءِ مساپری ءَ مئے ھمراہ بیت، ءُ مارا بی ایل اے ءِ سروک ءَ گوں گند ءُ نند کنائن اِیت۔ چہ اد ءَ دیمتر ءَ رازداری ءِ ھیال داری کنگ ءِ سوب ءَ بی ایل اے ایندگہ یونٹانی جنگولان  ھم روگ ءِ پرمان نیست۔ کساس زندمان ءِ چِل (بھار) گوازینوکیں بُزگر خان، بی ایل اے کوھنیں جنگولاں چہ یکے۔ آ اسلم بلوچ ءِ باوری ئیںءُ نزیکیں ھمراھاں چہ یکے زانگ بیت اِنت، ءُ مجید برگیڈ ءِ جوڑ کنگ ءِ وھد ءَ اسلم بلوچ ءِ ھمراہ بیت بیتگ، آ اے وھد ءَ مجید برگیڈ ء آسراتی کمک یونٹ ءِ مستر اِنت۔

ما مجید برگیڈ ءِ گیشتر زانگ ءِ واھگ ءَ، وھدے چہ آئی ءَ لھتیں جُست کنگ ءِ ارز کُت گُڑا آئی ءَ رھوت کُت، مئے اولی جُست ھمے سرپد بیگی اَت کہ اسلم بلوچ ءَ چی جیڑ اِتگ ءُ وتی مستریں زھگ پہ پدائی مشن ءَ دیم دیگ ءِ پیسلہ کُتگ؟

آئی ءَ کمو جیڑگ ءَ پد یک جوانیں ترانے بندات کنان ءَ گْوشت “ وھدے ریحان ءَ پدائی اُرش ءِ پیسلہ کُتگ اَت ءُ اُرش ءِ ھاتر ءَ سرجمی ءَ کار بیتگ اِت اَنت، گُڑا یک مھروانیں سنگتے ءَ اسلم بلوچ ءَ وتی مستریں زھگ ءَ پہ پدائی اُرش کنگ ءَ دیم نہ دیگ ءِ اُرش سوج دات۔ آ زور دیان ءَ گْوشگ ءَ اَت کہ “باند ءَ ریحان تئی وارس ءُ تئی جاہ ءِ زیروک بیت، ترا اے وڑ ءَ وتارا بے وارس کنگ نہ لوٹ ایت۔ اگاں ترا وت کش کنائنگی اِنت گُڑا چُشیں بازیں مدرسہ دابیں وت کش اُرش کارانی پیکٹری ھست اَنت، کہ اود ءَ دہ لک ءَ جاڑیگیں وت کش کنوک دز کپ اَنت، اود ءَ چہ یکے پہ بھا بہ زیر۔” اسلم آئی ءَ ترندی ءَ گوں داریت ءُ پسہ کنت کہ “ اگں ماں مروچی پیسرا وتی ءُ وتی چکانی دیمونی دیگ ءَ ترسیں، گُڑا باند ءَ گوں کجام دیم ءَ چہ بلوچ ماتاں آیانی جگر ءِ ٹکرانی دیمونی ءِ لوٹ ءَ کن ایں؟ آجوئی تھنا ھما کرزاَنت، کہ کجام ھم ابرمی تاگت اگاں پہ زر گپتگیں کوشکارانی ودار ءَ ابید وت وتی جنگ ءَ مڑاَنت، وتی دیمونی ءَ وت پہ وشی دے اَنت۔ مروچی یک ریحانوے رؤت گُڑا باند ءَ سد دلیریں بلوچ زھگ ودی بنت۔  لوٹ تھنا یک وت کُشیں تراکے ءِ نہ اِنت بلکیں اے راہ پیش دارگی اِنت کہ چہ ایشی ءَ دیم ءَ اے جنگ چون مڑگی اِنت۔ پہ یک ریھانے ءِ روگ ءَ من بے وارس نہ باں، منی وارس منی راج بیت۔”

اسلم بلوچ درستیں گمان راست بیت اَنت، دالبندین ءَ پدائی اُرش ءَ پد مجید برگیڈ باز تیزی ءَ گوں مھکم بیت ءُ آئی ءِ ھاتر ءَ ھوار بیوکیں کساس ءَ ھم گیشی آیگ بندات بیت۔ تھنا سَے ماہ ءَ پد 23 نومبر 2018 ءَ بی ایل اے مجید برگیڈ ءِ سَے جنگولاں کراچی ءَ چینی قونسل ھانہ ءِ سر ءَ یک مزنیں پدائی اُرشے ءِ  کنگ ءَ گوں، مجید برگیڈ ءَ وت ءَ  جھان ءِ روتاکانی سرھال ءَ سر کُت۔

ما وتی منزل ءِ نزیک ءَرس اِتگ اَت اِنت، رسگ ءَ کمو دمان پیسر یک مزنیں ھاموشی ءَ پد بُزگر خان جھلیں تواری ءَ گوشگ اَت “ اسلم یک دلریں مردمے اَت، بلے آئی ءِ دژمن دلیر نہ اِت، اسلم ءَ کہ ھم دہ لک ءِ وت کُش رد کُتگ اِت اَنت، دژمن ءَ دیم پہ دیم جنگ ءَ ابید، ھمے دہ لک والا وت کُش  اُرش کار دیم دات ءُ نمیران کُت۔”

بلوچ لبریشن آرمی ءِ سروک ءُ مجید برگیڈ ءِ بن ھشت ایر کنوک اسلم بلوچ 25 دسمبر 2018 ءَ وتی پنچ ھمراھانی گون ءَ یک وت کُش اُرشے ءَ جنگ بیتگ اَت۔

کوھنیں جنگ، نوکیں ھون:

25 دسمبر 2018 ءَ اولی رند نہ اَت، وھدے بلوچ جنگ ءِ مزن نامیں کارست اسلم بلوچ ءِ جنگ بیگ ءِ ھال دیم ءَ اَتکگ اَت، چہ ایشی ءَ پیش ھم آ بازیں اُرشانی تہ ءَ رکیتگ اَت ءُ یک رندے بولان ءَ دیم پہ دیمی جنگے ءَ سئے تیرانی ورگ ءَ پد ٹپی ئیں جاوراں در کپتگ اَت، چہ ایشی ءَ پد سرکار ءَ داں یک سالے ءَ آئی ءِ کُشگ ءِ ٹاہ داتگ اَت۔ بلے اے رندءَ بی ایل اے ءَ وت اسلم بلوچ ءِ جنگ بیگ ءِ گپ من اِتگ اَت ۔ بی ایل اے نیمگ ءَ اے گپ ءِ پدراھی ءَ پد ھمک نیمگ ءَ پھازگی کواساں نہ تھنا اے اسلم بلوچ ءِ کوش گوشتگ اَت بلکیں گوں ترندی ءَ سرچست کنوکیں ھترناکیں مجید برگیڈ ءِ ھم مرگ نامینتگ اَت۔

بلے درستیں گمان ءُ ٹاھاں ابید اسلم بلوچ ءِ جنگ بیگ ءِ تھنا چار ماہ ءَ پد 11 مئی 2019 ءَ مجید برگیڈ ءَ داں انگت ءَ وتی درستاں مستریں کار کُت، وھدے مجید برگیڈ ءِ چار جنگولاں بلوچستان ءِ زری شھر گوادر ءَ ریڈ زون ءِ تہ ءَ بستگیں چار ستارھیں ھوٹل “پی سی”  سر ءَ اُرش کُت ءُ داں بیست ءُ چار اداراں گیش وتی دست ءَ کُتگ اَت۔ ءُ بی ایل اے ءَ ٹاہ داتگ اَت کہ اے نیام ءَ آیاں بازیں چینی کاروباری مردماں ھوار بازیں پوجی کارمندانی کُشگ ءَ پد ھوٹل تباہ کُتگ۔ بیست ءُ چار ادار ءَ پد تیرانی ھلاسی ءِ سوب ءَ اُرشکاراں وت ءَ کُشتگ – ءُ آئی ءَ پد 29 جون 2020 ءِ پاکستان اسٹاک ایکسچینج سر ءَ چار دگہ جنگولانی انوگیں اُرش یک گواچنے چیدگی اِنت کہ مجید برگیڈ اسلم بلوچ ءَ پد ھلاس بیتگ اگاں نزور بیگ ءَ ابید گیشتر توان ءُ گیشتر ھترناک بیان اِنت۔ اِشی ءِ چی سوب اِنت؟

بیست ءُ یکمی کرن ءِ بندات ءَ گوں، وھدے اسلم بلوچ چیروکائی بلوچ جنگی گوستانک ءِ نوکتریں راھبند سلاہ بندیں گل بی ایل اے ءَ مھکم کنگ ءُ چیریں دروشمے ءَ سلاہ بندیں کارانی تہ ءَ گلائش اَت۔ ھمے وھد ءَ بلوچ وانندہ سیاست ءَ بلوچستان مزن شھدربرجاہ شال ءَ یک ورنائیں نودربر ے تیزی ءَ گوں دیم ءَ آیان اَت۔ وھدے نواب اکبر خان بگٹی ءِ نمیرانی ءَ پد بلوچستان ءِ سلاہ بندیں جنگ ءَ اناگت ءَ گیشی کیت، ھمے وھد ءَ دراج بالادیں ورناہ بلوچستان ءِ درستاں مستریں بلوچ نودربر گل بلوچ اسٹوڈنٹس آرگنائیزیشن آزاد ءِ چیرمین گچین کنگ بیت۔ یک ءُ نیم سد سالاں چہ پد وھدے 2006 ءَ بلوچستان ءِ پیسگریں راجدانی قلات شاھی مھل ءَ درستیں بلوچ سردارانی راجدپتری مزن جرگہ لوٹارینگ بیت گُڑا ھمے ورناہ ھما وھد ءَ جرگہ ءِ ڈن ءَ نہ تھنا پاکستان ءِ ھلاپ ءَ بلکیں سردارانی ھلاپ ءَ ھم اوگام جنان ءَ ءُ تران کنان ءَ گندگ بیت ءُ پد ءَ بشیر زیب بلوچ ءِ نام نودربر سیاست ءَ درکیت ءُ سرجمیں بلوچ سیاست ءَ سر بیت۔ اے ھما اھد بیت، وھدے بی ایس او آزاد بلوچستان ءِ مستریں ءُ درستاں زورمندیں گلے جوڑ بیت۔

2008 ءَ پد بی ایس او آزاد ءِ ھلاپ ءَ یک مزنیں پاکستانی کریک ڈاؤن ئِے بندات بیت۔ ترندی ءَ گوں آئی ءِ بازیں جھدکار ءُ رھشون دزگیر کنگ ءَ پد پہ مدامی بیگواہ کنگ بنت ءُ بازینے چیدگ کنگ ءُ کُشگ بنت۔ بے سلاہ بیوک ءُ وانگجاھانی نودربر بیگ ءِ سوب ءَ ارزانی ءَ پاکستان ءِ شکار جوڑ بنت ءُ داں 2011 ءَ نیم ءَ گیش بی ایس او آزاد ھلاس کنگ بیت۔ گوشگ بیت کہ پاکستانی کریک ڈاؤن ءِ نیام ءَ بی ایس او آزاد ءِ چیئرمین بشیر زیب بلوچ ءُ اسلم بلوچ ءِ گون ءَ جاھے ءَ دیوان بیت۔ وتی سنگتانی چُشیں بے کساسیں ھونریچی ءِ گندگ ءَ پد بشیر زیب ھمے آسر ءَ بیت کہ بلوچستان ءِ آجوئی ءِ ھاتر ءَ پر ایمنیں سیاسی جھد نا ممکن اِنت۔ اے دیوان ءَ آ اسلم بلوچ ءَ ءُ اسلم بلوچ آئی ءَ وتی ھیالاں چہ سان مند کنگ ءَ سوبمند بنت۔ بشیر زیب داں پنچ سال ءَ بی ایس او آزاد ءِ چیئرمین بیگ ءَ پد نودربر سیاست ءِ ھلاسی ءِ جار ءَ جنت ءُ بی ایل اے ءِ بھر جوڑ بیت۔

دیمتر ءَ 10 سالاں سپاھیگے ءَ بگر کماندار، پد ءَ کماندارے ءَ چہ بی ایل اے ءِ مستریں ترامگیج سنئیر کمانڈ کونسل ءِ باسک  بیگ ءِ مساپری ءَ گوازین اِیت۔ وھدے اسلم بلوچ جنگ بیت گُڑا بی ایل اے ءَ سروکی ءِ درگت ءَ ھچ وڑیں جیڑھانی دیمپانی کنگ نہ بیت ءُ نہ جنگ ءِ بیت۔ جوانیں سیاسی ءُ جنگی تجربگ ءُ اسلم بلوچ ءِ گیشتر ھواریں سنگت بیگ ءِ سوب ءَ بشیر زیب ابید کجام ھم جیڑہ ءَ بلوچ لبریشن آرمی ءِ نوکیں سروک نامینگ بیت۔ ھمے درستاں مستریں سوب بیت کہ اسلم بلوچ ءَ پد ھم مجید برگیڈ ھلاس نہ بیت بلکیں گیشتر دیم ءَ شُتگ پرچہ کہ یکشلی ھچبر ھم نہ پُرش اِیت ءُ سروکی ءَ ھواریں نوکیں ھون ایشی ءَ گیشتر ھترناکیں ھداں سر کن اَنت۔

مئے بگیری مئے لیکہ ءِ جار کشی ءَ اَنت:

وھدے مئے نیاد گوں بلوچ لبریشن آرمی ءِ سروک بشیر زیب بلوچ ءَ گوں بیتگ اَت گُڑا اے وھد شپ ءِ شام (ورگ) ءِ وھد بیتگ اَت۔ اے منگ بہ بیت اگاں نا بلے بلوچستان ءِ سیاست ءُ کجام ھم دروشمیں باندات ءِ کہ بیت آئی ءِ سر ءَ بی ایل اے ءِ یک سک مزنیں سانے ھست، گوں آئی ءَ بازیں جُست بیت کُت کن اَنت بلے مئے واھشت مجید برگیڈ ءُ پدائی اُرشانی درگت ءَ  آئی ءِ گل ءِ لیکہ ءُ ھاسیں وڑاں نوکتریں جنزوکیں باوست ءِ بارو ءَزانگ اِنت روایتی بلوچی ھال ءُ ھالپرسی ءُ شام ءَ پد سرجم ءَ مئے گُلگِدار ءِ بندات بیت –

ٹی بی پی جھگیر: میجد برگیڈ چی یے، اِشی ءِ اڈ دیگ ءِ لوٹ ءُ گزر چی اَنت؟

بی ایل اے سروک: مجید برگیڈ بنکی ءَ چہ بنداتی گاماں گوزگ ءَ پد بلوچ جنگ ءِ نوکتریں دروشم اِنت۔ کہ ایشی ءَ گیشتر نوک ءُ توانا بیگی اِنت۔ اِشی جوڑ کنگ ءِ لوٹ انچیں نشانگاں داں رسگ اِنت، ھما کہ کوھنیں چیر جنگی وڑ ءَ گوں بیگ ممکن نہ بنت۔ انچو بلوچ آجوئی ءِ جنگ دیم ءَ روان اِنت، دراجی ءَ وتی ھمرائی ءَ بازیں کدرتی اڑاند ھم پیداک کنگ ءَ اَنت۔ بلے اے دراھیں اڑاندانی تہ ءَ اے آجوئی ءِ زرمبشت ءِ بُنکی پلسپہ بے ھیال کنگی نہ اَنت دژمنیں پوجی تاکت ءِ زور ءَ گوں مئے سر ءَ بندوک اَنت ءُ آئی ءَ اد ءَ چہ تھنا جنگ ءَ گوں تاکت ءِ زوراں گوں کَشگ ءَ مردم لاچار کُت کنت۔ پمیشکہ جھد ءِ درستیں بھرانی ارزشت وتی جاہ ءَ یک گواچنی راستی یے بلے درستاں گیش مارا وتی جنگی بودناکیانی تہ ءَ جوانی، گیشی ءُ سانمندی ودی کنگ ءُ جنزگی اِنت۔ اگاں ما یکیں وڑ ءِ سر ءَ اوشتوک بہ بہ ایں،  وتی جنگ ءِ تہ ءَ گیشی ءُ ترندی ودی کنگ ءَ بے سوب  بہ ایں، گُڑا ارزانی ءَ لگتمال کنگ بئیں۔ راست اَنت، مئے گور ءَ دژمن ءِ کچیں آسراتی نیست کہ ایف – شانزدہ زرت بہ کن ایں ءُ جنگ بہ کن ایں۔ مئے درستاں مستریں تاکت مئے پسھی اُرشانی سوب ءُ دیمونی ءِ جزبگ اَنت ءُ راھبند چیر جنگی اِنت۔ پمیشکہ مارا چیر جنگی ءَ درستاں جوانتریں وڑ پدائی اُرشانی تہ ءَ بودناکی جوانتر کنگی اَنت ءُ ھمے مجید برگیڈ ءِ لوٹ ءُ گزر اَنت۔

وھدے یک لیکھی جھدکاریں داں اے پیسلہ ءَ سر بیت کہ من ءَ کدی، کجا ءُ چون نمیران بیگی اِنت، وھدے آ وت وھد ءُ جاہ ءَ گچین کنت گُڑا آ دژمن ءِ نوکتریں سلاھاں چہ ھم گیشتر ھترناک جوڑ بیت اِنت۔ وھدے راج چُشیں دیمونی ءِ راھاں گچین کن اَنت گُڑا آیانی پسو جھانءِ کجام ھم تاکت ءِ گورا نہ بیت۔ پمیشکہ ما گندیں کہ ترسیتگیں دژمن پدا بیگ ءِ اے پلگاریتگیں لیکہ ءِ بُنکی لیکھی سنچ ءِ سر ءَ اُرش کنگ ءِ جھد کنگ ءَ اِنت۔ آئی ءِ سرجمیں جھد ھمیش اِنت کہ کجام وڑ ءَ اے جیڑگ ءَ بلوچانی تہ ءَ مھکمی ءَ  گوں کپگ ءَ پیسر لیکھی دروشم ءَ بنام بہ کنت ءُ ھلاس بہ کنت۔

ٹی بی پی جھگیر: کجام سوب اَنت کہ بلوچ راج دوستانی تہ ءَ چہ یک تکے پدائی اُرشان ایراد گرگ ءَ اَنت ءُ اے بھتام جنگ ءَ اَنت کہ چُشیں اُرشانی سوب ءَ زرمبشت ءِ نام ھراب بیت ءُ بیگواھیں مردمانی یل کنگ ءِ جُنز ءَ تاوان بار کنت ؟

بی ایل اے سروک: اے شئے ما پیسر ءَ ھم گیشینتگ کہ ھستیں جُنز بلوچانی درستاں گیش دراجیں جنگ اِنت، ءُ ھمک وڑیں زوراکی ءُ تاکت ءِ کارمرز کنگ ءَ پد ھم، دژمن ءَ اے جُنز ھلاس کُت نہ کُتگ، اِشی ءِ مستریں سوب اے جُنز ءِ مھکمیں لیکھی بُنھشت اَنت پمیشکا نی جُنز ءِ ھلاس کنگ ءَ گیش بلوچ راجی آجوئی ءِ جُنز ءَ سرپد نہ بیوکیں وڑءَ مٹ کنگ ءِ نیمگ ءَ دلگوش کنگ بیگ ءَ اِنت۔ بدبھتی ءَ چہ لھتیں سنگت ھم اِشی ءِ تہ ءَ زانتکاری اگاں پہ نہ زانتکاری ھوار کپگ ءَ اَنت۔

درستاں پیسر یک گپ ءِ سرپد بیگ سک المی اِنت کہ لُٹ ءُ پُل، بزگی ءُ گلامی، زیردستی ءِ رندگیر اَنت، وھدیکہ زوراکی، نسل کشی، انسانی اگبالانی ھلاپ ورزی اے زوگری ءَ چہ چُٹگ ءِ ھاتر ءَ جنزوکیں جنگ ءِ پشدر اَنت۔ اے دوئیں جتا کنگ ءُ چارگ مہ بنت۔  اے جنگ ما وت پہ آجوئی ءَ بندات کُتگ، پد ءَ اے جُنز ءِ ھلاس کنگ ءِ ھاتر ءَ دژمن انسانی اگبالانی ھلاپ ورزی ءَ کنگ ءَ اِنت۔ اگاں ما جنگ ءَ یل بہ کن ایں ءُ گلامی ءِ زند بہ گوازینیں  ھو بہ کن ایں گُڑا انسانی اگبالانی ھلاپ ورزی ھم دارگ بنت۔ جُنز ءَ زانتکاری اگاً نہ زانتکاری ءَ گوں آجوئی ءِ جاہ ءَ، جُنز ءِ بگیر یا بیتگیں کارانی ھلاپ ءَ یک جُنزے ءِ اڈ دیگ ءِ جھد ءِ بیگ ءَ اِنت۔ اے راستیں راہ ءَ گول ءِ چکر ءِ جوڑ کنگ ءُ ھمائی ءِ تہ ءَ چکرگ ءِ مَٹ اِنت۔ اد ءَ دل گیریں گپ ایش اِنت کہ اے شئے ءِ ھیال ھم ایر کنگ نہ بیگ ءَ اِنت کہ وتی لوٹ اے کد ءَ دور دیگ بیگ ءَ اَنت، اے دراجیں جھد ءُ دیمونی ءَ گوں چُشیں کسانیں مُز گرگ ءِ واھگ دارگ بیگ ءَ اِنت کہ اِشی مٹ ءَ آجوئی ءِ مردم  بیگ ءِ جاہ ءَ، تھنا یک مردم ءِ بیگ ءِ ھَک لوٹگ بیت۔

چُشیں جیڑگ تھنا لھتیں سیاسی جھدکار ءُ ڈائسپورہ ءَ داں بندوک نہ اَنت، بلکیں لھتیں سلاھبندیں گلاں ھم سان گرگ ءُ تاوان بار کنگ ءِ جھد ھم گندگ بیتگ اَنت، ءُ ھمے سوب بیتگ اَنت، کہ آئی ءَ پد جنرل اسلم بلوچ ءِ سروکی ءَ 2017 ءَ بلوچ لبریشن آرمی ءِ تہ ءَ مزنیں گلے ءُ آپریشنل بدلی آرگ بیتگ اِت اَنت۔ مجید برگیڈ 2011 ءَ وتی اولی کار ءَ کنت، آئی ءَ پد نا تھنا مجید برگیڈ بلکیں سرجمیں ھساب ءَ بلوچ لبریشن آرمی ءِ کار کمی ءِ آماچ بنت۔ من اد ءَ اے وھد ءَ جوان لیکاں ءُ اِشی ءِ پُشدر ءَ درشان کنگ الم سرپد باں۔ 2011 ءَ پد ما دو بدلی گندگ بندات کُت اَنت۔ اوّل ایش اِنت کہ بی ایل اے گر ءُ داری ءِ جاور ھال زورانسری انچو نزور ءُ گڈ مڈ کنگ بیت اَنت کہ آئی ءں سان سرجمی ءَ بی ایل اے ءِ جنگی بودیشتانی سر ءَ کپان بیت اَنت ءُ دومی بی ایل اے بُنکی پلسپہ ءُ لیکہ ءُ راھبند ھم مٹ کنگ بیگ ءَ اَت۔ گر ءُ داری  نیزوریانی سوب ءَ کساس درستیں جھدکار بیکار نندارینگ بیت اَنت ءُ پد ءَ یک بے ارزشتیں باوستے  ءِ تہ ءَ ھوار گیتگ اَنت ءُ دومی نیمگ ءَ کہ ھما بی ایل اے ءِ بُنکی پلسپہ اَت کہ “بلوچ راج ءِ مئے تاکت ءِ چیدگ اِنت ءُ وتی باسکانی زوراں گوں اے جنگ ءَ مھکم کنگ ءُ آجوئی گرگی اِنت” اِشی ءَ مٹ کنگ ءُ اے گپ تالان کنگ بندات بیت کہ اے جنگ ابید چہ کجام دری تاکتءِ ھمراھداری ءَ کٹگ نہ بیت، پمیشکہ نی گیشتر نمیرانی ءُ دیمونی نزانتکاری بنت، نی تھنا در ملکاں روگ سیاست کنگ بہ بیت ءُ کمک لوٹگ بہ بیت۔ بزاں ھزاراں نمیراناں چہ پد یات کیت کہ مرگ المی نہ اِنت بلکیں دری ملکاں نندگی اَت، الم اے پلسپہ آرام دوستیں زھناں وش بیت، ءُ اے ھیال ءِ چپ ءُ چاگرد ءَ مدام یک ٹولی ءِ مچ ھم بیت۔

گل ءِ درستیں کماشیں کمانداراں اے بدلی ءُ ھواری ودی بیتگیں اوشت ھم مارتگ اَت، اِشی ءِ سر ءَ اھوال بیتگ اَنت، ایراد گری بیت، جنرل اسلم بلوچ گل ءِ سرجمیں راہ ءُ راھبند ءِ جُست چِست کنگ ءَ گوں، نوک سر ءَ چہ ترامگیج کاری ءِ لوٹ کُت۔ بلے جھد کنگ بیت کہ اسلم بلوچ ءِ جند ءَ چہ گل ءَ یک کِر کنگ بہ بیت۔ بی ایل اے کساس درستیں کماندار 2017 ءَ یک ٹِکے ءِ سر ءَ یکجاہ بیت اَنت ءُ بی ایل اے نوک گل بندی کُت، دلجمی ءَ ترامگیج اڈ دیگ بیت اَنت، ءُ ھمے ترامگیجاں جنرل اسلم بلوچ بی ایل اے سروک نامینت ءُ 17 اگست 2018 ءَ بی ایل اے سنئیر کمانڈ کونسل ءُ آپریشنل کور کمیٹی ءَ درملک ءَ نشتگیں یک مرد ءِ چہ گل بُنکی باسکی ءَ کش اِت ءُ اے جار جت کہ  بی ایل اے ءَ در ملک ءَ کس ھم جھگیری کنگ ءَ نہ اِنت۔

اے یکشلی من پمیشکہ دیم ءَ آورت دانکہ سرپد کُت بہ کن آں کہ چوں جُنز ءِ دیم ء ترینگ ءِ جھد کنگ بیگ ءَ بیتگ ۔ اے سرپد بیگ ءِ ھاتر ءَ کہ اے تھنا گپ نہ اَنت ءُ راستی اَنت، شما اے تپاوت ءَ رند ءِ یکشلی ءِ برجاھی ءَ بیچار اِت۔ 2017 ءِ اے بدلیاں پد بی ایل اے کارکردانی تہ ءَ گیشی ءُ ترندی کیت، اوشت ھلاس بیت،  مجید برگیڈ کہ کجا دارگ بیتگ اَت، چہ ھمود ءَ پد ءَ گیشی ءَ گوں دیمروی کنت۔ الم اے جُست زھن ءَ کیت کہ اگاں بی ایل اے داں 7 سال اوشت آماچ کنگ مہ بیتیں گُڑا مروچی ما چنچو دیمروی کُتگ اَت۔ نی دومی نیمگ ءَ بیچاریت کہ ھمایانی سر ءَ مئے بھتام اَت کہ آ بی ایل اے ءَ بندیگ کنگ یک راجی پوجے ءَ ابید تھنا دری ڈیھاں زھرشانی ءُ چاگردی رسانکدرانی ھدءَ دارگ لوٹ اَنت، آ مروچی چی کنگ ءَ اَنت؟ آ یورپی ڈیھاں ءُ چاگردی رسانکدراں  زھرشانی کنگ ءَ اَنت۔

مروچی مئے ھلاپیں مردم مئے سر ءَ اے بھتام جنگ ءَ اَنت کہ ما جُنز ءَ ناشرکاری ءِ نیمگ ءَ برگ ءَ اَنت، ما پدائی اُرشانی نیمگ ءَ جُنز ءِ دیم ءَ ترینگ ءَ اِنت۔ چہ مارا اے اوست دارگ بیت کہ ما آیانی بھتامانی پسھاں بہ دئیں۔ راستی ءَ ما پسہ دیگ المی سرپد نہ بئیں، پرچہ کہ ما اے بھتاماں سر ءُ چم منگ ءَ ایں۔ آ ھما گپ ءَ کنگ ءَ اَنت، کہ ما کنگ ءَ بیتگ اِنت۔ راست اَنت ما جنگ ءِ سر ءَ گیشتر دلگوش دیگ لوٹ اِتگ،  ھو ما بلوچ ءِ آجوئی ءِ جنگ ءِ تہ ءَ گیشی آرگ لوٹ ایں، ھو ما سرپد بئیں کہ بلوچ ءِ مردمی، شھری ءُ سیاسی اگبال گوں آجوئی ءَ بندوک اَنت ءُ اے آجوئی ءَ

 ما گوں یک توانائیں جنگ ئِے گون ءَ گِپت کنیں، ھو ما ترندی ءَ گوں سرپد بئیں کہ ما مجید برگیڈ ءِ ارشاں گوں دشمن ءِ سرین ءَ پروشیں۔ مئے بگیری کنوک مئے لیکہ ءِ جارکشی ءَ کنگ ءَ اَنت۔ اے سرھالے سر ءَ ھمینچو مئے بگیری بیت مارا وشی بیت، پرچہ کہ ما لوٹیں جنگ ءِ بگیری کنوک جتائیں وڑ ءُ پیم ءُ دروگیں بھتاماں گوں بگیری بہ کن اَنت ءُ وت ءَ پدر بہ کن اَنت ءُ یک کِشک ءِ کشگ بہ بیت۔ راج ءُ ھاسیں پیماں ورناہ اے زانت بہ کن اَنت اگاں آیاں راجی آجوئی ءِ پاکیں جنگ دیم ءَ برگی اِنت گُڑا آیانی راہ کجام بہ بیت، دانکہ کس چہ کِشک ءَ گار مہ بیت۔ اے پدرائی ءِ کرد اَنت، درستیں شئے دیم ءَ آیاں اَنت، لکیر کشگ بیگ ءَ اِنت کہ کے چی لوٹ اِیت ءُ ما اے گپ ءِ سک باز لوٹوک اِنت کہ لکیر گیشتر پدر بیان بہ بیت۔ بی ایل اے ءِ سنگت آجوئی ءِ جنگ ءِ پاسبان ءُ بامرد اَنت ما اے گپ ءَ ھچ وڑ سودا کنگ ءَ ساڑی نہ اِنت کہ جُنز ءِ دیم ترینگ بہ بیت ءُ  اِشی ءَ انسانی اگبالانی یک این جی اوز ءِ جوڑ کنگ بہ بیت۔ ما گوست ءِ ردیاں پد ءَ کنگ ءِ کسے ءِ پلامرزی ءَ دات نہ کنیں –

80 ءِ دیھک ءَ پنجاہ ھزار ءَ بُرز سلاہ بندیں بلوچ سرمچار جنگ ءِ ھاتر ءَ ساڑی بیتگ اَنت، بلے درستاں اے گوشگ ءُ نندارینگ بیتگ اَنت کہ روس کیت ءُ ما ٹینکانی سر ءَ نندیں ءُ بلوچستان ءَ آجو کن ایں۔ روس آیگ ءِ جاہ ءَ واتر شُت ءُ مئے اینچوکیں مزنیں تاکتے ءِ ودار  کنان ءَ دِرتءَ پُچی ءِ جاواراں واتر اتک اَنت ءُ تاوان بیت اَنت، لھتیں دژمن ءِ لیویز ءِ سپاھیگ جوڑ بیت اَنت، گیشتریں بھر پوریاگری ءِ پولگ ءَ پشت کپت اَنت۔ اگاں انچوکہ مزنیں تاکتے ءِ سر ءَ اوست کنگ بیت اِنت آیاں مھکم کنگ بیت اِنت گُڑا پاکستان ءَ گوں یک ھنچیں جنگ ءِ مڑگ بیتگ اَت کہ پنجابی ءِ پدریچاں یات کُتگ اَت۔ ھمے ردیں شوربندیانی سر ءَ بابا مری ءَ سرپدی ھست اَت، پمیشکہ داں گُڈی وھد ءَ آئی ءَ دومی رند ءَ دری تاکتانی سر ءَ اوست  کنگ ءَ ابید، اے جنگ ءِ تہ ءَ گیشی آرگ ءِ سر ءَ زور داتگ اَت ۔  مرچی یک رندیں پد ءَ لھتیں مردم جنگ ءَ پُشت کنگ ءِ جھد کنگ ءَ اَنت، جنگ ءَ ایر جنگ ءَ اَنت، سرزاھری ءَ پدائیانی کم شرپی ءَ کنگ ءَ اَنت دانکہ ورناہ وتی راجی جنگ ءِ نیمگ ءَ مہ جُنز اَنت۔

ٹی بی پی جھگیر: زناں شما درملکی کمک ءِ زیرگ ءِ ھلاپ اِت؟

بی ایل اے سروک: ما یک راجے ئِے، مئے سر ءَ زورگر کنگ بیتگ ءُ چہ  زوگری ءَ درکپگ ءِ ھاتر ءَ ما الم بروبری ءِ رھبند ءِ سر ءَ دوستیں راجاں چہ کمک ءِ اوست داریں ءُ جنگ ءِ تہ ءَ کمک لوٹ مئے ھک اِنت۔ انچش کہ دومی مزن جنگ ءَ زورگیریں راجاں یکجاھیں پوج ءَ چہ کمک زرتگ اَت۔ بلے ما گوں کسے ءَ کمک وتی راجی ستانی سر ءَ چک ءُ پدی ءَ ابید وتی شرتانی سر ءَ منّیں۔ اے بلوچ ءِ وتی جنگ اِنت، اگاں تو وت جنگ کنگ ءَ بہ بَے گُڑا کسے تئی کمک کنگ ءِ ھاترءَ جیڑ اِیت، اگاں تو یک توانائیں جنگ ءِ کنگ ءَ بہ بَے گُڑا کس تئی کمک ءَ تئی شرتانی سر ءَ کنت، ترا راجی سِتانی سر ءَ چک ءُ پدی کنگ نہ کپ اِیت۔ بلے اگاں تو وتی جنگ ءَ وت نہ کن ئے ءُ ودار ءَ نندوک بئے کہ کسے مئے آجوئی ءَ پلیٹ ءِ تہ ءَ کاریت مارا دنت گُڑا تو ابدالی بھشت ءَ زندگی کنگ ءَ اِت۔

ٹی بی پی جھگیر: ھما تکانی نیمگ ءَ شما دست شان دیگءَ اِت، چہ اود ءَ شمئے گل ءِ سر ءَ بھتام جنگ بیت کہ شما ایرانءِ لوٹانی سر ءَ اِت؟   

بی ایل اے سروک: زناں ترا  کندگ نئیت، وھدے لندن ءَ نندگ ءُ ٹوئٹر ءِ سر ءَ  “جناح” ءِ کوھنیں کوٹی ءَ پہ پنڈگ  لوٹوک، سرڈگار ءِ سر ءَ ندر بیوکیں راج پھازاں دری واھشت گْوش اِیت، آ کہ وتی لوٹ ءَ گوں سرانی تہ ءَ تیر ور اَنت؟ شما اے تژن ءِ سر ءَ بہ جیڑ اِت،  کہ ھمایاں اے منانکے سر ءَ جنگ یل کُتگ کہ دری کمک ءَ ابید ھم آجوئی رس اِیت نہ کنت، آ آیاں لوٹی گْوشگ ءَ اَنت کہ راجی آجوئی ءِ سِتکی جنگ ءَ کنگ ءَ اَنت، وتی ساہ ءَ ندر کنگ ءَ اَنت، پدا بیگ ءَ اَنت۔ تئی اے جُست ءِ من تچکیں پسہ ءَ اے گْوش آں ءُ دیاں کہ ھچ وڑ نا، بی ایل اے ایران اگاں کجام ھم ڈیھے ءِ لوٹمانی گون نہ اِنت۔ بلے زناں اے گپ منّگ بیت؟ ھچبر نا، پرچہ کہ جُست انچیں مردم کنگ ءَ اَنت، کہ پسہ گُوشدارگ نہ لوٹ اَنت بلکیں بدگمانی ودی کنگ لوٹ اَنت، کجام ھم پسھاں چہ ھچ وڑیں کار اِش نیست۔ اے بدگمانی ءِ جاور ودی کنگ لوٹ اَنت ءُ وتی وتگڑیں کارستاں اے جیڑھانی پُشت ءَ چیر دیگ لوٹ اَنت۔ اے تھنا گونڈیں ھیالانی اَنت گونڈیں مردم اَنت، کہ سرپد بنت بھتامانی گون ءَ دگرانی بالاد کسان کنگ ءُ وتءَ مزن پیش داشت کن اَنت۔

بلوچ لبریشن آرمی ءِ جنگ روبرکت ءَ بگر داں روکپت ءَ سرجمیں بلوچ راج ءَ ءُ بلوچ راجی گوستانک ءُ لیکھی سیمسری ھدانی ھاترءَ اِنت۔ بی ایل اے ڈیورنڈلائن، گولڈ سمتھ لائن ءُ پاکستان ءِ وتگڑیں اُستانی ھد بندیانی بھر ءُ بانگی ءَ نہ من اِیت۔ مئے جھد نوری نصیر خان ءِ بلوچستان ءِ سیمسرانی آجوئیں دروشمے ءَ  بھال کنگی اَنت۔ بی ایل اے اے گوستانکی ءُ لیکھی سیمسرانی سر ءَ یک تُشیں ھم چک ءُ پدی نہ کنت۔ 

ٹی بی پی جھگیر: اے بھتامانی پُشدرءَ ھمے گپ گوشگ بیت کہ لس جاھانی سر ءَ چُشیں اُرش میان اُستمانی رھبندانی ھلاپ ورزی اِنت، چہ ایشی ءَ جُنز ءَ میان اُستمانی تکءَ تاوان بار بیت ءُ ھمے سوب اَنت کہ امریکی اسٹیٹ ڈیپارٹمنٹ ءَ بی ایل اے ءَ ناشرکاریں گل ءِ نامینتگ ؟

بی ایل اے سروک: بی ایل اے ءَ کدی میان اُستمانی رھبندانی ھلاپ ورزی کُتگ؟ مئے سرڈگار ءِ سر ءَ زورگری بیتگ ءُ ما اے زوگر ءِ ھلاپ ءَ وتی آجوئی ءِ ھاتر ءَ سلاہ بندیں جنگ کنگ ءَ اِنت ءُ اے سلاہ بندیں جھد مئے کانودی، شرپی،  ابرمی ءُ بنکی ھک اِنت، ما اے جنگ ءِ نزوریں نیمگ اِنت، ما دیم پہ دیمی جنگ کُت نہ کن ایں پمیشکہ ما چیر جنگی کنگ ءَ اِنت، چیریں اُرشکاری کن ایں۔ چیر جنگی لس مردم ءِ نیام ءَ بیگ دژمن ءُ آئی ءں مزانی سر ءَ اُرش کاری ءِ نام اِنت۔ لس مردمانی سر ءَ ارُش کنگ ءُ لس مردم ءِ تہ ءَ بیگ ءُ اُرش کنگ ءِ تہ ءَ مزنیں ءُ پھکیں تپاوتے ھست ءُ اد ءَ بدنیتی ءِ پدرائی کنان ءَ، اے پھک ءُ مزنیں تپاوت ءَ چیر ترینگ ءُ رد درشانی کنگ بیگ ءَ اَنت۔

بی ایل اے ءِ اے درستیں پدائی اُرشانی ٹپاسگ ءَ بہ کن اِت، کہ لس جاھانی سر ءَ لس مردمانی نیام بیگ ءُ کنگ بیتگ اَنت، ایشانی تہ ءَ چہ کساسے ءَ لس مردماں جانی تاوان رس اِتگ؟ مئے 13 پدائی نمیران بیتگ اَنت بلے آیاں یک ھم بے میاریں لس شھری ءِ نہ کُشتگ۔ اگاں اے 13 ءِ پدائیانی تہ ءَ چہ تھنا یکیں ھم بہ شُت ایں ءُ نیکراھی ءِ ناشرکارانی وڑیں وت کُشیں اُرش ءِ بہ کُت ایں گُڑا چی آسر در کپتگ اَت؟ سرجمیں جھان ءِ گوستانک ءَ پَٹ ءُ پول بہ کن اِت ءُ بیچار اِت، مجید برگیڈ ءَ گیشتر لس مھلوکانی ساہ ءِ ھیال داروکیں، کجام ھم پدائی اسکواڈ ترا گندگ ءَ نئیت۔ بلکیں تو بی ایل اے ءِ دو دیھکانی کارانی تہ ءَ بے میاریں مردمانی تاوان ءِ برابری ءَ گوں جھان ءِ کجام ھم گوریلہ گلءَ گوں بہ کن ءُ بیچار۔ بی ایل اے ءِ ردی نہ بیگ ءِ ھساب ءَ بنت۔ 

اے گپ کہ جھانی کانودانی ھلاپ ورزی بیگ ءَ اِنت، تھنا وت سریں گپ اَنت کہ ایشانی مول بدگمانی تالان کنگ ءُ مجید برگیڈ ءِ نام ءَ ھراب کنگ ءِ بے سوبیں کوشست اَنت۔ کہ اِشی ءِ سوب پدائی اُرشانی بُنکی لیکہ ءِ نزور ترینگ ءُ چہ دیمروی کنگ ءَ دارگ ءِ جھد اَنت۔ شما تھنا یکشلی ءِ سر ءَ چمشانک بہ دے اِیت کہ اے چونیں وتگڑیں دلیل چوں مٹ بیان بیتگ اَنت، شما وت راستی ءَ داں سر بیت کن ئے۔ وھدے 11 اگست ءَ 2018 ءَ دالبندین ءَ چینی انجینئرانی سر ءَ پدائی اُرش کنگ بیت، گُڑا اے اُرش لس مھلوکی جاہ ءَ نہ بیت، ءُ ساپیں دروشمے ءَ چیدگ بلوچ دژمن بنت ۔ گُڑا آ اُرش ءِ پرچہ بگیری بیت؟ آ وھد ءَ ھمے وتسریں پندل بندات بیت کہ بی ایل اے زھگاں کار مر کنگ ءَ اِنت پہ وت کُشیں تراکاں، پرچہ کہ ریھان بلوچ ءِ راستیں امبر ءَ سرپد نہ بنت۔ وھدے اے گپ دیما کیت کہ ریھان ءِ امبر 22سال بیتگ گُڑا دگہ نیمونے سازگ بیت، ءُ یک درشان ءِ کیت کہ اے پدائی اُرش جنرل اسلم بلوچ ءَ وتی جندءِ نام ءِ دیما آرگ ءِ ھاتر ءَ وتی زھگ ءَ چہ کنائینتگ۔ شما باور کُت کن ئے کہ یک پِت ءِ وتی جگر ءِ ٹکر ءَ تھنا پہ نام وت کُشیں اُرش کنائینت کنت؟ درستاں مستریں اے یک پدائی یے ورنایے ءِ کم شرپی نہ اِنت؟ ھمے وڑ ءَ ھمک پدائی اُرش ءَ پد جتائیں دگری پندل سازگ بیتگ اَنت، وھدیکہ امریکہ ءِ اسٹیٹ ڈیپارٹمنٹ ءَ بی ایل اے ناشرکاریں گلانی لڑ ءَ ھوار کُت گُڑا آیاں بی ایل اے مجید برگیڈ ءِ ھلاپ ءَ گپ کنگ ءِ دگہ یک جاڑیگے ءِ موہ  رس اِت ءُ اے مردماں راستی ریس ءُ پریس ءَ جھانی رھبندانی بے بنیں گپ چِست کُت ءُ بگیری بندات کُت۔ 

جاھے کہ امریکہ ءِ بندشانی سیادی اِنت، پاکستان گوستیں مزنیں وھدے ءَ چہ ھمے جھد ءَ بیتگ کہ بلوچ جُنز ءِ سر ءَ امریکہ ءَ چیدگی بندش بہ بیت بلے پاکستان سوب مند نہ بیگ ءَ اَت۔ امریکہ – تالبانانی گپ ءُ تران ءِ نیام ءَ وھدے امریکہءَ پد ءَ پاکستان ءِ کمک گزر بیت کہ آئی ایس آئی ءِ چیر دستی ءَ کارکنوکیں طتالباناں گپ ءُ تران ءِ پتر ءِ سر ءَ آرگ بہ بنت گُڑا پاکستان ءَ آئی ءِ بدلءَ لھتیں لوٹ ایر کُتگ اَت۔ اے لوٹانی تہ ءَ یکے بی ایل اے ءِ سر ءَ بندش اَت۔ بی ایل اے درستاں کوھنتریں ءُ میان استمان ءَ دگہ گلانی ھساب ءَ کمے گیشتر پجا آورتگیں بلوچ سلاہ بندیں گل اِنت ۔ پمیشکہ دگہ کجام گل ءِ جاہ ءَ اے چیدگی بندش بی ایل اے ءِ نام ءَ اَتکگ۔ اے بندی ءِ سیادی گوں بی ایل اے ءِ کارانی سوب ءَ نہ بلکہ جھانی ڈپلومیسی ءِ سوب ءَ اَنت ءُ جھانی ڈپلومیسی ءِ پڑءَ ما نزوریں گوازی کنوک اِنت پرچہ کہ مئے جنگ ءِ نزوریں کد ءِ سوب ءَ جھانی تاکت مئے نیمگ ءَ چارگ ءَ گیشتر گوں پاکستان ءَ وتی مُزاں گند اَنت۔ اے بندی تھنا چیدگی اَنت، چہ ایشی ءَ مئے آپریشنل بودیشتیاں کجام ھم سان نہ کپ اِیت۔ ھمے وڑ گوست ءَ ھم وھدے کہ برتانیہ ءَ ہیتھرو بالی پَٹ ءَ اُرش کار راشد رؤف ءِ دست ءَ دیگ ءِ بدلی ءَ بی ایل اے ءَ بندش جنگ بیتگ اَت ۔ آ وھد ءَ مجید برگیڈ جوڑ ھم نہ بیتگ اَت۔

ٹی بی پی جھگیر: لھتیں انچیں ٹاہ دیم ءَ اتکگ اَنت کہ “کے ایس ای” اُرش کار بی ایل اے ءِ جھد کار نہ بیتگ اَنت، اے گپانی تہ ءَ چنچو راستی اَنت؟

بی ایل اے سروک: کمے جیڑگ بہ بیت کہ چُشیں ٹاھانی پُشت ءَ کجام زھنے اَت کار کنگ ءَ اَنت، بلوچ ورناہ زانت ءِ ھما کچ ءَ سر بیتگ اَنت کہ گوں کندگ ءَ، یک دومیگ ءَ گلائش بنت، پہ وتی مول ءُ مراد ءَ وتی مرگ ءِ وھد ءُ جاہ ءَ گچین کن اَنت، بے تُرس ءُ  بے بیم ءَ وت ءَ ندر کن اَنت اے کاروباری پگر ءِ مردماں ھمے جیڑہ دیمپان بیت اِت کہ اے ورنایاں پہ راج ءَ ھون ریتکگ، اے ھون ءِ سر ءَ کجام گل ءِ ھک اِنت؟ اے بلوچانی دلیریں پُسگ اَنت، کہ کجام ھم گل ءِ ھاترءَ نہ بلکیں پہ ماتیں سرڈگار ءَ ندر بیتگ اَنت ءُ اے کاروباری آیانی سردیں جونانی سر ءَ گلانی نشان ءَ درگیجگ ءَ اَنت۔ شما سوج جت کن اِت کہ اے مردم ورنایانی سنچ ءِ کساس ءَ چہ، راجی جنگ ءَ چہ ءُ بلوچستان ءِ راستیں جاوراں چہ چی کد ءَ سستگ اَنت۔

بلوچ ورناہانی جتائیں سلاھبندیں گلانی ھساب ءَ جُنز ءَ ھوار بنت، پد ءَ گوں وھدے پجیگ ءَ کہ آ ھما گل ءِ تہ ءَ گیشتر زھنی یکجائی مار اَنت، ھما پلیٹ فارم ءَ چہ جھد کن اَنت۔ ھمے وڑءَ پدائی ءَ ھم بی ایل اے مجید برگیڈ ءِ تہ ءَ زھنی یکجاھی ءِ گندگ ءَ پد وتی مول ءُ مراد ءِ سر بیگ ءِ ھاتر ءَ اے پلیٹ فارم اِش گچین کُتگ اِش ۔

من دگہ یک گپے  گیشینگ لوٹاں، مجید برگیڈ ءَ بلوچ راجی جھد ءِ تہ ءَ یک نوکیں دروشمے دیم ءَ آورتگ، ورنایاں اے راہ پیش داشتگ کہ دژمن ءِ سر ءَ ترندیں سانمندیں اُرش کنگ ءِ گچین آیانی گور ءَ  ھست۔ چُش کہ مجید برگیڈ بی ایل اے ءِ یک جنگی باسکے بلے اے تھنا داں بی ایل اے ءَ گوں بندوک ءُ اوشتوک نہ اِنت۔ اے یک راجی پلیٹ فارمے – کجام ھم لس بلوچ، آئی ءِ سیادی تُری گوں کجام ھم گل ءَ مہ بیت، یا اگاں یک بلوچ جھدکارے کہ بی ایل اے ءَ ابید دگہ گلے ءِ تہ ءَ وتی زمہ واریاں پیلو کنگ ءَ اِنت، آ مجید برگیڈ ءِ زمہ واریاں  دات کنت۔ مجید برگیڈ ءِ پدائی بیگ ءِ ھاترءَ بی ایل اے ءِ باسک بیگ المی نہ اِنت بلکیں ایندگہ بلوچ پدائیانی وڑءَ زانت ءِ ھما کچ ءَ سر بہ بنت ءُ دیمونی ءِ پلسپہ ءَ سرپد بیگ ءِ زلورت اِنت۔

ما پد ءَ واتر کائیں:

بی ایل اے سروک بشیر زیب بلوچ ءَ گوں مجید برگیڈ ءُ آئی ءِ درگت ءَ بیوکیں نوکتریں باوستانی  ھواری ءَ دگہ جیڑھانی سر ءَ ھم دلجمیں دیوانے کن ایں، بلے مئے مساپری ءُ پَٹ  ءُ پول ءِ بُنکی لوٹ مجید برگیڈ ءِ بنزھانی سرپد بیگ اِنت، پمیشکہ دگہ جیڑھانی سر ءَ گپ ءُ تراناں جتا شنگ کنگ ءِ پیسلہ کُت ءُ دیمے روچ ءَ سھب ءَ مھلہ ما وتی مساپری ءِ دیمی پند ءِ نیمگ ءَ رھادگ بیتگیں۔

مزنیں پندے ءَ پد اے رند ءَ ما وھدے اُشتاتیں گُڑا مئے راہ بلد بُزگر خان ءَ اے گوشگ نہ کپت کہ ما سر بیتگیں بلکیں پجا آورتگیں پَٹے ءِ گندگ ءَ ما وت سرپد بیتگ اَت اِنت۔ اے ھما ھیلکاری پِڑ اَت، کہ ما باز رندءَ بی ایل اے شنگ کُتگیں تامرانی تہ ءَ دیستگ اَت، کہ ایشاں مجید برگیڈ ءِ جنگولاں ھیلکاری زیرگ ءَ پیش دارگ بیتگ اَت۔

مارا ھیلکاری ڈن یا اگاًچہ آئی ءَ دیم ءَ روگ ءِ پرمان نیست اَت، بُزگر خان ءَ نزیک ءَ اڈ داتگیں بنجل ءِ نیمگ ءَ بُرت ءُ گْوشت کہ ھیلکاری ءِ نیام ءَ مجید برگیڈ ءِ جنگولانی کارمرز ءِ تہ ءَ بیت، ءُ اسٹاک ایکسچینج اُرشکاراں وتی گُڈی مساپری ءِ بندات چہ ھمد ءَ کُتگ اَت۔ آیانی لھتیں مڈی انگت ھم ھمد ءَ ایر اِت اَنت۔ ما کمو دیر ءَ ھمود ءَ اوشتات اِنت، اود ءَ بازیں شئے ءِ نیست اَت، یک کُنڈے ءَ بی ایل اے  مجید برگیڈ ءِ یونیفارم ءِلھتیں جتگ شر پیتکگ ءُ ایر اِت اَنت، دومی نیمگ ءَ اردو ءُ بلوچی ءِ بازیں کتاب ایر اِت اَنت۔

ما گوں واھگی ءَ اے کتابانی نام ونت اَنت، کہ ایشانی تہ ءَ چیدگی ایر اِت اَنت۔ ایشانی تہ ءَ فرانز فینن ءِ کتاب افتادگان خاک، گنی بساؤ ءِ مارکسسٹ رھشون آملیکار کبرال ءِ زند ءِ جاور ھال ءُ ماؤزے تنگ ءِ درس بُرز ءَ ایر اِت اَنت ۔ ما اے وھد چی تژنی بھر ءِ نیمگ ءَ دلگوش گور ءَ ابید بیت نہ کُت کہ چینی مزانی سر ءَ اُرش کنوک ھمائی ءِ چیرمین ماؤزے تنگ ءَ چہ درس زیرگ ءَ اَنت۔

بُزگر بلوچ ءَ چہ یک کسانیں نوٹ بکے ءِ چِست کُت ءُ مارا پیش داشت ءُ گوشت کہ اے اسٹاک ایکسچینج اُرش کار سلمان ھمل ئیگ اِنت، ما اولی تاک ءِ سر ءَ چمشانک دات گُڑا یک بلوچی شئر ءِ نبشتہ اَت، کہ آئی بند چُش اَت “ ھاک ءِ وشبوہ ءَ ھواریں پد ءَ واتر کائیں – جنگ ء، ما کسہاں کاریں پد ءَ واتر کائیں”

بھشت ءِ پھازوک:

17 مارچ 2010 ءِ مجید برگیڈ ءِ جار ءَ پد ءَ بگر داں 25 دسمبر 2018 ءَ مجید برگیڈ ءِ کماندار ءِ زمہ واری ءُ ڈبھانی جوڑ کنوک اسلم ءِ سر ءَ بیتگ اَت۔ 2017 ءَ بی ایل اے سروک بیگ ءَ پد ھم آ یکیں وڑ ءَ مجید برگیڈ ءِ کماندار اَت۔ بلے 2018 ءَ آئی ءِ جنگ بیگ ءَ پد بی ایل اے سروک اسلم بلوچ ءِ راستیں باسک بشیر زیب نامینگ بیت وھدے کہ مجید برگیڈ ءِ سروکی یک انچیں اگول ءُ سان مندیں کارستے ءَ دزگپت کہ آ داں 12 سالاں جتائیں جنگانی تہ ءَ ھوار بیتگ ءُ مجید برگیڈ ءِ تہ ءَ اسلم بلوچ ءِ لیفٹینٹ ءِ ھساب ءَ کار کنگ ءَ بیتگ۔

مجید برگیڈ ءِ کماندار “کمانڈر ھمل ریھان بلوچ” ءَ بی ایل اے دومی تاکت وڑتریں مردم لیکگ بیت، کہ تھنا بی ایل اے سروک ءَ پسہ دیوک اِنت۔ چد ءَ پیسر کماندار ھمل ریھان ءَ کجام ھم اھوالکار ءَ گوں گند ءُ نند کنگ اگاں گُلگدار دیگ ءَ مکن کنگ بیتگ ۔ اے اولی رند اِنت کہ مجید برگیڈ ءِ کماندار کجام ھم رسانک گل ءَ گُلگدار دیگ ئِے من اِتگ۔

کسھی کارستانی کد ءُ بالاد ءِ واھند ھمل ریھان وھدے گوں ما نیاد ءَ سر بیت گُڑا آئی ءَ وتی دیم سیاھیں پُچ ءَ گوں گپتگ اَت۔ آئی ءں پجیگ ءَ دو سلاھبندیں پھازوک ھم گون اَت۔ مارا پیسر  گوشگ بیتگ اَت کہ کماندار ھمل چار زبان بلوچی، براھوئی، اردو ءُ انگلش ءِ تہ ءَ جوانی ءَ بلد اِنت، ءُ مزنیں وانندگیں مردمے۔ کمے گپ ءُ رپ ءَ پد اے منگ بیت ما بلوچی گُلگدار کن ایں ءُ جست تھنا مجیڈ برگیڈ ءِ درگت ءَ بنت۔ مارا تھنا یک ساھتے ءِ وھد بیگ بیت، ما وھد زوال کنگ ءَ ابید جُست کنگ بندات کُت۔

ٹی بی پی جھگیر: مجید برگیڈ کجام ٹِک ءُ مولاں دیم ءَ ایر کنت ءُ وتی نشانگاں گچین کنت؟

کماندار مجید برگیڈ: کجام ھم نشانگ ءِ گچین کنگ ءَ پیسر آئی ءَ سیاسی ءُچیدگی ارزشت ءُ میان اُستمانی سانمندی چارگ بنت۔ ھمک نشانگ وتی تہ ءَ سیاسی ءُ پوجی، دو بھر داریت۔ پوجی نشانگ پہ کسانیں وھد ءَ مزن گندگ بیت کن اَنت، بلے آئی ءِ سانمندی پہ مزن مدتی نہ بیت۔ وھدے کہ ھما نشانگ ءَ چہ سیاسی مُز رس ایت بہ کنت، آ بیت کنت چم گندگ ءَ مزن مان نہ اِت بلے آئی ءِ سان مزن مدتے ءَ بنت۔ پمیشکہ کجام ھم نشانگ ءِ چیدگی ارزشت، مئے گچینی اَمل ءِ تہ ءَ ھاسیں کرد ءِ پیلو کنت۔ اِشی ءَ ابید کجام ھم نشانگءِ گچین ءِ وھد ءَ “کولیٹرل ڈیمیج” ءِ ھاس ھیال دارگ بیت، انچیں نشانگ گچین بنت، کہ آیانی تہ ءَ لس مھلوک ءِ تاوان بار بیگ ءِ گمان نہ بیت یا اگاں کم ءَ چہ کم تر بہ بیت۔ اِشی ءَ ابید اے ھم چارگ بیت کہ گچینتگیں نشانگ پاکستان ءِ ھاتر ءَ کجام ھد ءَ زرکاری ارزشت داریت۔ دژمن ءِ کمزوریں زرکاری ءِ سر ءَ اُرش کنگ ءَ گوں آئی ءَ گیشتر تاوان دیگ بیت کنت۔ انچش کہ ای ایس ایکس ءِ سر ءَ بیتگیں اُرش ءِ سان پاکستانی زرکاری ءِ سر ءَ داں دیراں اوشتوک بنت ءُ مدام زر جنوکیں مردم پاکستان ءَ وتی زر اگاں کاروبار کنگ ءَ پیش اے اُرش ءِ درگت ءَ الم جیڑ اَنت۔ 

ٹی بی پی جھگیر: اے دمگ ءِ دگہ مزھبی (نیکراھی) ناشرکار گلانی وت کُش اُرش کار ءُ مجید برگیڈ ءِ وت کش اُرش کارانی تہ ءَ چی تپاوت ھست؟

کماندار مجید برگیڈ: تپاوت ھما اِنت، کہ جھانی کانودانی رد ءَ کُشگ تھنا پہ کُشگ ءُ کُشگ پہ وتی رکینگ (سیلف ڈیفنس) ءِ تہ ءَ اِنت۔  دوئیں کارانی وڑ ءُ پیم ءُ دروشمانی یک وڑی ءِ سوب ءَ زاھری ءَ یک وڑ گندگ بیت کن اَنت بلے ایشانی پُشدرءَ بندوکیں لوٹ ءُ گزری انچیں تپاوت دگری ءُ چپی گندگ بنت کہ ایشاں تھنا پہ چکاسگ ءِ ھاترءَ ھم یکیں جاہ ءَ گون کُت نہ کن ئے۔ آ وتی لیکہ ءُ زند ءِ گوازینگ ءِ رھبنداں دگرانی سر ءَ پہ زور دیگ ءِ ھاتر ءَ اُرش کنگ ءَ اَنت ءُ ما گُشگ ءَ اِنت مئے لوگ ءَ، مئے سرڈگار ءِ سر ءَ مارا گوں آجوئی ءَ وتی وڑ ءَ زند گوازینگ ءَ پہ یل دیگ بہ بیت۔ مئے جَنَگ پسھی ءُ رکینگی جَنَگ اَنت۔ بُنکی تپاوت ءِ جند لیکھی تپاوت اِنت۔

اِشی ءَ پد وھدے شما بلوچ پدائیانی سر ءَ جوانیں چمشانک بہ دے ایت ءُ چاراِت کہ آ پدائی جوڑ بیگ ءِ پیسلہ ءَ داں چون سر بنت، گُڑا تپاوت ھمینچو پھک بیان ءُ گندگ بیت کہ شمارا نیام ءَ یک لِک (لکیر) ءِ کشگ لوٹ اِیت۔ نیکراھی ناشرکار وت کُش اُرش کار جوڑ کن اَنت، اود ءَ چہ کسان کسان  سالی ءَ اے کار ءِ ھاترءَ مردمانی زھن جوڑ کنگ بنت، برین واشنگ کنگ بنت۔ وھدے کہ مجید برگیڈ ءِ اے درگت ءَ رھبند گیشینتگ کہ پدائی جوڑ کنگ نہ بنت بلکیں اد ءَ بلوچ ورناہ گرستگیں امبر ءَ یک سیاسی جھدء ءَ چہ وت گوزان بنت پد ءَ اے پیسلہ ءَسر بنت، پیسلہ ءَ سر بیگ ءَ پد آ مجید برگیڈ ءِ باسک جوڑ بنت۔

ما نیکراھی ناشرکارانی ھما نرسری (بنزہ) ھم دیستگ اَنت کہ اود ءَ آ وتی وت کُش اُرشکاراں ساڑی کن اَنت، اے جاھانی تہ ءَ سالانی سال ءَ آیانی اھوال چہ جھان ءَ سندگ بیت دانکہ آ ڈن ءَ جھان ءَ گندگ ءَ پد وتی پیسلہ ءَ مَٹ مہ کن اَنت ءُ مہ تچ اَنت، آ گیشتر کسان سالیں بچک بنت، آیاں ھمک روچ اے سوج دیگ بیت کہ آ “کافرانی” سر ءَ اُرش کن اَنت، آیاں وتی نشانگ ءِ داں اُرش ءِ وھد ءَ سما نہ بیت ءُ وھدے اُرش ھم کن اَنت ھما وھدءَ ھم تھنا ھمینچو زان اَنت نشانگ کَے اِنت،  چُش نزاناں پرچہ نشانگ اِنت۔ وھدے کہ مجید برگیڈ ءِ اولی رھبند اِنت کہ پدائی پیسلہ کنوکانی امبر جھانی جنگی رھبندانی ردءَ 18 سال ءَ بُرز بہ بیت دانکہ آ زانت بہ کنت کہ من چی کنگ ءَ آں۔ پدائی ءِ زھنی جاور ءُ سیاسی لیکھی مھکمی چارگ بنت۔ مجید برگیڈ ءِ تہ ءَ پدائیانی اھوال گوں ڈن ءَ جھان ءَ سندگ نہ بیت، آ آجو یل کنگ بنت، پمیشکہ شما دیستگ بیتگ کہ روتاکاں آیانی نبشتانک شنگ بنت، آ چاگردی رسانکدر کارمرز کن اَنت، لھتیں وتی سنگت ءُ سیاد ءُ وارسانی گون ءَ ھمروچی ءِ وڑءَ ھال ءُ اھوال ءِ تہ ءَ بنت، تھنا ھمے بندش بیت کہ آ وتی پیسلہ ءُ مشن ءِ درگت ءَ کسءَ ھم سھیگ ءُ سرپد بیگ ءَ مئیل اَنت۔

مجید برگیڈ ءِ تہ ءَ درستاں اے آجوئی ھست کہ کجام ھم وھدءَ وتی پیسلہ ءَ پد ءَ زرت کنت۔ مجید برگیڈ ءِ رھبندانی رد ءَ چہ  پدائی مدام اے جُست گرگ بیت کہ اگاں آ وتی پیسلہ ءَ پد ءَ زیرگ لوٹ اَنت گُڑا ابید تُرس ءُ بیم زرت کن اَنت۔

درستاں مستریں تپاوت ایش اِنت کہ مجید برگیڈ ءِ پدائی نشانگانی گچین کنگ ءِ وھد ءَ گون بنت، نشانگ ءِ گچین کنگ، شور بندی کنگ ءَ ایشانی مزنیں کرد ءِ بیت۔ آیاں سرجم ءَ ھک بیت کہ آ اگاں نشانگ ءِ سیاسی لوٹاں گوں ھم دپ نہ اَنت گُڑا نشانگ ءَ مٹ کُت کن اَنت۔ آیاں سرجم ءَ زانت بیت کہ آ کج ءَ اُرش کنگ ءَ اَنت ءُ پرچہ کنگ ءَ اِنت، سوبمندی ءِ دروشم چون بیت ءُ بے سوبی ءِ دروشم چی بیت کنت۔ آ زان اَنت ءُ شر گوشگ ءُ سرپد کنگ بنت کہ ھما وھد ءَ کہ وتی نشانگ ءَ تھنا سر بنت ءُ اولی تیر آس دات، آیاں وتی مشن ءِ گیشتریں پرارزشتیں سیاسی لوٹ سرجم کُتگ اَنت، چہ ایشی ءَ دیم ءَ آیانی مشن ءِ جنگی بھر بندات بیت، کہ اگاں آئی ءَ سرجم کنگ سوبمند مہ بنت ھم آیانی مشن سوبمند اِنت،بزاں آ وتی زند ءَ وتی مشن ءَ سوبین بیگ ءَ گند اَنت ءُ آ سرجم ءَ زانگ ءَ بنت اِشی ءِ مول چی اَنت پرچہ کہ ھیلکاری ءِ وھد ءَ آ وتی مشن سیاسی بھراں جھلانکی ءَ وان اَنت۔

درستاں بُنکی ءُ پھکیں تپاوت پدائی اُرش کنگ ءَ پیسر وتی جند ءِ ھاتر ءَ چی لوٹ ایر کنگ بیت۔ نیکراھی ناشرکاراں ابید بلوچ پدائیں کجام ھم بھشت ءِ لب ءُ لالچاں اُرش نہ کن اَنت، بلکیں ھما بلوچ پدائیاں کہ من زناں چہ آھاں گیشتر نیکراھی ءِ لیکہ ءِ سر ءَ باور نہ داشتگ اِش، ءُ ھما کہ نیکراھی لیکہ ءِ منوک بیتگ اَنت آ ھم سیکولر لیکہ ءِ منوک بیتگ اَنت۔ آھانی ھم بھشت بلوچستان بیتگ۔ اے وتی سرڈگار ءِ آجوئی ءُ وتی توار ءَ جھان ءِ کَریں گوشاں سر کنگ ءِ ھاترءَ مرگ ءَ گچین کنگ ءَ اَنت۔ اے جنت ءِ کول ءِ ھاتر ءَ نہ مر اَنت، بلکیں اے وتی بھشت ءِ پھازوک اَنت۔

ٹی بی پی جھگیر: پاکستان ءِ نیمگ ءَ چہ مجید برگیڈ ءِ اُرشاں پد ٹاہ جنگ بیتگ کہ اُرش بے سوب بیتگ، تئی نزیک ءَ اُرشانی سوب ءُ بے سوبی ءِ ٹپاسگ چون بیت؟

کماندار مجید برگیڈ: یک پدائی مشنے ءِ بندات ھما وھد ءَ بیت، وھدے پدائی وتی ھیلکاری ءَ سرجم کنت شور بندی ءَ سرپد بنت ءُ رو اَنت۔ اِشی ءَ پد یک مشنے ءَ ما جتائیں بھرانی تہ ءَ بھر کن اِیں ۔ اولی بھر سوبمندی ءَ گوں شھر ءَ سربیگ اِنت، دومی بھر داں نشانگ ءَ سر بیگ اِنت، سیمی بھر نشانگ ءِ تہ ءَ پُترَگ اگاں اُرش کنگ اِنت۔ انچش کہ سیمی بھر سوبمندی ءَ گوں سرجم بیت، اِشی ءِ بزانت اِنت ما مشن ءِ سیاسی مول گپت اَنت، مئے توار جھان ءَ سر بیت ءُ چہ ھمد ءَ ما مشن ءَ سوبمند لیک ایں۔ اگاں سیمی بھر ءَ پیسر پدائی اولی اگاں دومی بھر ءَ دزگیر اگاں نمیران کنگ بہ بنت گُڑا ما مشن ءَ بے سوب سرپد بئیں، کہ چُشیں باریگ داں انگت ءَ مجید برگیڈ ءَ دیمپان نہ بیتگ اَنت۔ سیمی بھرءَ پد پد ءَ چارمی اگاں گُڈی بھر کیت، کہ مئے جنگی بھر اَنت۔اِشی ءِ  تہ ءَ نشانگ کُتگیں جاہ ءِ سر ءَ گرگ یا تباہ کنگ اِنت، کہ آ نشانگ ءِ سر ءَ بندوک اَنت۔

ٹی بی پی جھگیر: بلوچ راج دوستانی لھتیں تھی تکانی نیمگ ءَ چہ مجید برگیڈ ءِ پدائی اُرشانی بگیری ءُ ناشرکاری نامینگ ءِ گپ دیم ءَ پیداک اَنت اے درگت ءَ تئی لیکہ چی اَنت؟

کماندار مجید برگیڈ: وھدے انیگیں جنزوکیں جنگ  بندات بیتگ اَت گُڑا بازیں ھالیکیں جاھاں کریکر تراک کنگ بیتگ اَنت، آ وھد ءَ ھم بلوچ راجدوستانی تہ ءَ یک انچیں تک ءِ ھست اَت کہ تھنا کریکر ارشاں ناشرکاری ءُ جرم کاری ءِ نام اِش داتگ اَت۔ پد ءَ وھدے پجیگ ءَ اے تک گار بیت۔ راج ءَ جنگ سرجم ءَ من اِتگ اَت ءُ وتی کُتگ اَت۔ بلوچ جنگ ءَ بنداتی  باریگاں چہ  گوزان ءُ دیمروی کنان ءُ گیشتر ترندیں دروشمیں زُرتگ ءُ یکشلی ءِ ھلاسی باید نہ اِنت کہ برجاہ بہ بیت، گُڑا سوبمندی رس اِت کنت۔ مجید برگیڈ جنزوکیں زرمبشت ءِ نوکتریں دروشم اِنت، ترندی ءُ نوکی ءَ درستیں مردم زوت زرت نہ کن اَنت، وھد پکار بیت، بوت کنت بازیں مردماں وھد پکار بیت اے سرپد بیگ ءَ بلے الم سرپد بنت کہ گوں وھدءَ بلوچ جنگ ءِ تہ ءَ بدلی آرگ ءُ دیمروی کنگ اژدری ءُ المی اِنت ءُ مارا بدلی ءِ ھاتر ءَ ساڑی بیگ لوٹ اِیت ، بیت کنت مئے آیوکیں پدریچ یک انچیں ترندیں جنگ ءِ بہ کنت کہ آئی ءِ درگت ءَ ما انی جیڑ اِیت ھم نہ کن ایں، پد ءَ المی نہ اِنت کہ ما آیانی گیری ءَ بہ کن ایں پرچہ ما مروچی آیانی وڑ ءَ جنگ کُت نہ کن ایں – سرزاھر ءَ وت ءَ راج ءِ دردوار پیش داروکیں چُشیں مردمانی ھیالانی پُشدر اُرشانی کد ءُ گواچنی ءَ ابید انچیں “ پولیٹیکل کریکٹ کلچر” ءِ سر ءَ پدر بیگ اِنت، کہ ھما بلوچ تب، بلوچ جاورھال، بلوچ ءِ جنگ، بلوچ جنگ ءِ لوٹاں گوں ھوار نہ کپ اَنت۔ اِشی ءِ تہ ءَ بازیں دزمانجنی پاکستان ءِ مھکمیں  پندل ھم ھست اَنت، کہ ایشی ءَ چہ نہ لوٹگ ءَ ابید ھم شریں شریں بلوچ آجوئی دوستیں مردم کینگانی مزن مَری ءِ  آماچ بنت۔ بزاں پاکستان ءَ ھمک پیم ءَ اے منارینگی اَت کہ اسٹاک ایکسچینج اُرش بے سوب بیت، اے گپ سک باز درشان کنگ ءُ شنگ ءُ تالان کنگ بیت، اِشی ءِ مول زرجنوکیں مردمانی باور کٹگی اَت۔ بلے ھمے پاکستانی لیکہ ءَ ھمے مئے دردوار ھم بندات کن اَنت۔ بلے راستی ءَ اے یک جوانیں سوبمندیں اُرشے بیتگ۔

داں ھد ءِ ناشرکاری ءِ سیادی اِنت گُڑا جھان ءَ اِشی ءِ پجار وتی لوٹانی رد ءَ کارمرز کُتگ ءُ کنگ ءَ اَنت، نزور دانکہ وتی رکینگی جنگ ءَ سوبمند نہ بیتگ، گُڑا آئی ءِ جنگ ھک ءِ سر ءَ بیگ ءَ پد چہ بندات ءَ ناشرکاری اِنت۔ امریکہ ءَ ترکی ءِ پکار اَت گُڑا آیاں کردانی “پی کے کے” ناشرکار نامینتگ اَت۔ وھدیکہ دولت اسلامیہ ءِ ھلاپ ءَ آیاں کردانی کمک پکار بیت گُڑا ھمے “پی کے کے” ءَ گوں “ وائی پی جی” ءِ دروشم ءَ یکجاھی کُت۔ لیبیا ءُ شام ءِ سرکارانی یاگیائیں ٹولی انسانی اگبالانی ھلاپ ءَ کاریاں پد ءَ ھم امریکہ ءِ ھمسنت اَنت۔ تو نزورے اگاں یک پٹا سک ءِ ھم آس بہ دے گُڑا ناشرکار ءِ بلے اگاں تاکت گِپت گُڑا درست تئی تہ ءَ وتی مُزاں گندگ بندات کن اَنت۔ ھرچ لٹ ھمائی ءِ گامیش ءِ اے جھان ءَ اگاں ما وتی پھازگ ءِ جنگ ءَ کٹگ لوٹیں گُڑا مارا وتی سرجمیں جیڑگ یک توانائیں ءُ مھکمیں راجی تاکتے ءِ اڈ دیگے نیمگ ءَ کنگ لوٹ اَنت۔ یک گپ ئے یات بہ کن اِت، دو راجانی جنگانی تہ ءَ یک راجی ءِ بامرد دومی راج ءِ ناشرکار بنت، وھدے ترا وتی بامرد ناشرکار گندگ ءَ بندات بیت کہ آئی ءَ تئی دژمن ھم ناشرکار گوشگ ءَ اِنت، گُڑا ترا چارگ لوٹ اِیت تو کجا اوشتاتگ اِت۔

ٹی بی پی جھگیر: گوستگیں دو سال ءُ شش ماھاں چہ مجید برگیڈ ءِ پدائی اُرشانی تہ ءَ گیشی گندگ ءَ اتکگ، کجام سوب اَنت کہ اناگتی بلوچ ورناہ اے نیمگ ءَ جُنزگ ءَ اَنت، وھدیکہ 2011 ءَ اولی جُست ءَ پد 7 سالاں داں اے نیمگ ءَ کس ھم آیگ ءَ نہ بیتگ؟

کماندار مجید برگیڈ: اے گپ راست نہ اِنت کہ 2011 ءَ پد کجام ھم ورناہ مجید برگیڈ ءِ نیمگ ءَ نیتکگ ۔ مجید برگیڈ مدام کار ءَ بیتگ ءُ آئی ءِ پدائی ھم ساڑی بیتگ اَنت بلے لھتیں وتسریں ودی کُتگیں اڑاندانی سوب ءَ پدائی اُرش دارگ بیتگ اَنت۔ اے نیام ءَ مجید برگیڈ ءِ لھتیں پدائی نمیران ھم بیتگ اَنت، بلے آ پدائیاں ابید بی ایل اے ءَ وتی ڈبہ آں پیلو کنان ءَ نمیران بیتگ اَنت۔ اے پدائیانی تہ ءَ شھید ھک نواز بادینی، شھید سدام بلوچ، شھید جانان بلوچ، شھید چیرمین پَتھ ءُ شھید بابر مجید ھوار اَنت کہ گوں جنرل اسلم ءِ پجیگ ءَ نمیران بیتگ اَت۔ اے درست مجید برگیڈ ءِ پدائی بیتگ اَنت۔ یک گپ ئِے من گیشینگ لوٹاں وھدیکہ یک بلوچ جھدکارے مجید برگیڈ ءَ گون اھوال کنت ءُ پدائی بیگ ءِ مھکمیں پیسلہ ءَ کنت۔ داں وھدے آ وتی پیسلہ ءَ مٹ نہ کنت ، آ یک بلوچ پدائی یے، اگاں آ وتی مشن ءَ پیسر نمیران بیت بلکیں اگاں وتی مرگ ءَ مرت آ یک پدائی ءِ دروشم ءَ زندگ اِنت ءُ یات کنگ بیت۔ اے ھم یک راستی یے کہ 2018 ءَ چہ مجید برگیڈ ءِ پدائی اُرشانی تہ ءَ گیشی اتکگ۔ اِشی ءِ سوب جنرل اسلم بلوچ ءَ بی ایل اے سروک بیگ ءَ رند یک نیمگیں اڑانداں دیر کنگی اَت اَنت ءُ دومی نیمگ ءَ آئی ءِ زھگ ریھان بلوچ ءِ اُرش اَت، کہ آئی ءَ بلوچ ورنایانی تہ ءَ گیشتر اوستمندی ودی کُتگ۔

ٹی بی پی جھگیر: مجید برگیڈ ءِ کچ چنچوک اَنت ؟

کماندار مجید برگیڈ: گل ءِ رازداریءِ سوب ءَ نا تھنا مجید برگیڈ بلکیں بی ایل اے ءِ کساس ھم پدر کنگ پرمان نیست۔ بلے اینچو الم پدر کُت کن آں اے کساس دژمن ءِ گماناں چہ سک باز گیش اَنت۔ مجید برگیڈ تھنا پدائی اُرش کنوکیں ورنایاں داں بندوک نہ اِنت۔ اِشی ءِ سَے بُنزہ اَنت۔

1- آپریشنل بنُزہ، اِشی ءِ تہ ءَ ھما پدائی اَنت کہ نشانگ کُتگیں جاہ ءَ رونت پدائی اُرش کن اَنت۔

2- آسراتی بُنزہ، اِشی تہ ءَ برگیڈ ءِ آسراتی دیوک، آسراتیانی سر کنوک، آیگ ءُ رؤگ ءِ زمہ واریں سنگت اَنت۔

3- انٹیلیجنس بُنزہ، اے برگیڈ ءِ چارگی باسک اَنت۔

مساپری ءِ آسر:

ما کماندار ھمل ریھان ءَ چہ گیشتر جُست کنگ ءِ واھگ داشتگ اَت بلے آئی ءَ وتی گھڑیال ءِ نیمگ ءَ چارت ءُ گوشت کہ آئی ءَ دیر بوھگ ءَ اِنت، نی آ واتر رؤت، اِشی ءِ بزانت مئے مساپری ھم آسر اَت، بلے مارا ھما پسہ، سوب ءُ لیکہ رس اِتگ اِت اَنت، کہ آیانی درگیجگ ءَ ما اتکگ اَت اِنت۔

بلوچ پدائی اُرشانی ھیال بوت کنت پہ جھان ءَ نوک اَنت بلے پہ بلوچ ھواریں جنگی سنچ ءِ انچیں مھکمیں بھر اَنت کہ اے چہ بندات ءَ بیگی بیتگ اَنت۔ بلوچ پدائی اُرشانی روتگ 2 اگست 1974 ءِ جاہ ءَ 13 نومبر 1839 ءَ رو اَنت ءُ ھور بنت، وھدیکہ بلوچانی لشکراں انگریزانی نوکتریں سلاھاں چہ چکاریں پوج ءَ گوں دیم پہ دیمی سد درسد مرگ ءِ گندگ  ءَ پد ھم کُتگ اَت ءُ درست ھما وھدے بلوچ بادشاہ، خان مھراب خان ءِ پجیگ ءَ نمیران کنگ بنت۔ اِشی ءَ اگاں بلوچانی درستاں مستریں پدائی اُرش گُوشگ بہ بیت گُڑا رد نہ بیت۔ اے پدائی دیمرویانی روتگ ھما لیکھاں گوں ھوار بنت کہ بلوچ وتی سرڈگار ءُ گوستانک ءَ گوں اے دمگءِ کجام ھم دگہ راجاں چہ گیشتر بندوک اَنت۔ آ مدام وت ءَ زمین ءُ گوستانک ءِ وامدار سرپد بنت ءُ وتی وامانی دیگ ءِ اے وڑ ءَ ایشانی تہ ءَ پدریچیءُ وت رود اَنت۔ ما اے مساپری ءِ نیام ءَ بازیں بلوچ جنگولاں گوں گپ کُتگ، بلوچ جنگول کہ وت ءَ سرمچار گْوش اَنت، کہ ایشی ءِ بزانت ھم پدائی اِنت۔ یک لس بلوچ جنگول ءُ مجید برگیڈ ءِ یک پدائی ءِ تہ ءَ ما تھنا یک نازرکیں تپاوت ءِ دیستگ کہ یک سرمچارے ھم مدام مرگ ءِ کبول کنگ ءَ ھمک وھد ءَ اِشی ءِ ھاترءَ ساڑی بیت ءُ پدائی ھمے مرگ ءِ وھد ءُ جاہ ءَ گچین کن اَنت۔ پَٹ ءُ پول ءَ پد زانگ بیت کہ گوستگیں دو سال ءُ شش ماھانی  تہ ءَ مجید برگیڈ ءِ وت کُش اُرشکاراں سَے بھر گیشتر ایندگہ جنگول جنگ ءَ جَنَگ بیتگ اَنت۔ اے گپ ءِ زانگ ءَ پد باز گیشتر اجکھی نہ بیت اگاں دیمتر ءَ پدائی اُرشانی تہ ءَ ترندی ءَ بے کساسیں گیشی گندگ ءَ بئیت۔

وھدیکہ ماں بی ایل اے سروک ءِ اجازت کنگ ءَ اِت اِنت، گُڑا ما روگ روگ ءَ آئی ءَ چہ جُست کُتگ اَت کہ مجید لانگو اوّلی پدائی اُرش ءَ بگر  داں پی ایس ایکس اُرشاں اگاں چارگ ٹپاسگ کنگ بہ بنت، اے درستاں وتی سیاسی ءُ لیکھی لوٹ الم زورگ بنت بلے چی سوب اَنت کہ بلوچانی پدائی اُرش ایندگہ ناشرکاریں گلانی پدائی اُرشانی پیم ءَ سرجمی ءَ سوبمند نہ بنت ءُ وتی گُڈ سری جنگی مول ءُ مراد ءِ گرگ ءَ نہ رس اِتگ اَنت۔ زناں اِشی ءِ سوب بلوچ نپسیاتے اِنت یا دگہ شئے اَنت گُڑا آئی ءَ گوشت کہ “بلوچ پدائی چہ بندر ءَ  پیشہ وریں کوشکار نہ اَنت بلکیں سیاسی لوٹ جھان ءَ داں سر کنگ بنت، بلوچ پہ کُشگ نا پہ مِرگ ءَ رو اَنت، بلے چہ ھما ترسگ لوٹ اِیت کہ وھدیکہ بلوچ پہ کُشگ ءَ در کپ اَنت۔”

نوکتریں

کیچ الندور ءَ ناشناسیں مردماں ھائی اسکول سوتکگ

دی بلوچستان پوسٹ کیچ ءِ دمگ بلیدہ الندور ءَ ناشناسیں مردماں گورنمنٹ ھائی اسکول بُن داتگ، چریشی...

گچک: دو زالبول ءُ چُکاں ھوار نُھ مردم بیگواہ

دی بلوچستان پوسٹ چہ گچگ ءَ پاکستانی پوج ءِ دست ءَ دو زالبول ءُ چکاں ھوار نُھ...

مند ءَ پاکستانی پوج ءِ پانگس ءِ سر ءَ اُرش، اُرش ءِ زمّہ واری بی ایل ایف ءَ منّ اِتگ –

گوک رودان ءَ پاکستانی پوج ءِ پانگس ءِ سر ءَ اُرش کتگ دو کارمند کُشتگ یکے زدگ کُرتگ - میجر گْوھرام...