شال: پاکستانی بیرک بھا کنوکیں اسٹال ءِ سر ءَ بمب تراک، سَے مردم زدگ

بلوچستان ءِ بنجاھی شھر شال ءَ پاکستانی بیرک بھا کنوکیں اسٹالے ءِ سر ءَ ناشناساں بمب تراکے کتگ ءُ چریشی ءَ چہ سَے مردم زدگ بیتگ اَنت-

بمب تراک ءِ وئیل لیاقت بازار ءَ چائنا مارکیٹ ءَ پاکستانی بیرک ءِ بھا کنوکے ءِ سر ءَ بمب تراکے کنگ بیتگ –

چاردہ اگست ءِ درگت ءَ پھزداری جاڑیگ کنگ بیتگ انت مروچی شال ءَ اے دومی بمب تراک اِنت کہ بوگ ءَ اِنت-

ایشی ءَ پیش سریاب ءَ منیر مینگل دگ ءَ ناشناساں پاکستانی مراگشجاہ ءَ بمبے چگل داتگ-

زانگ بہ بیت چاردہ اگست ءِ مراگشانی سر ءَ ھمک سالانی ڈول ءَ اے سال ءَ ھم چاردہ اگست پاکستان ءِ آجوئی ءِ روچ ءِ چن ءُ لانچانی جاہ نشانگ کنگ بوگ ءَ اَنت-

گوست ءَ چاردہ اگست ءِ مراگشجاھانی سر ءَ بیتگیں اُرشانی زمہ واری بلوچ آجوئی لوٹوکیں سلاہ بندیں گلاں زرتگ اَنت ءُ مروچی بیتگیں اُرشانی زمہ واری تنی وھدی کس ءَ پہ وت نہ زرتگ اَنت-