امریکہ: یکسد ءُ چار سالیگیں پیر زالے ءَ چہ پراھگ ءَ اسکائی ڈائیو کتگ

امریکہ ءِ شھر شکاگو ءِ یکسد ءُ چار سالیگیں پیر زالے ءَ سینزدہ ھزار ءُ پنچ سد فُٹ برز پراھگ ءَ اسکائی ڈائیو کتگ –

درملکی رسانکدرانی رِد ءَ امریکہ ءِ شھر شکاگو ءِ جھمنند یکسد ءُ چار سالیگیں پیر زال ڈورتھی ہوفنر ءَ سینزدہ ھزار ءُ پنچ سد فُٹ زمین ءَ برز پراھگ ءَ سوبمندی ءَ گوں اسکائی ڈائیو کتگ زمین ءِ سر ءَ ایر اتکگ –

ڈورتھی ہوفنر وھدیکہ چہ پرآھگ ءَ ایر آیگ ءَ بوتگ گڈا مزنیں کچے ءَ مردم یکجاہ بوتگ ءُ آئی ءِ ستاہ ءِ کتگ –

ھمے میان ءَ پیر زال ءِ گوشگ ات کہ اے ھیرانی ءُ پُرسکونیں تجربہ ءِ بوتگ ، آئی ءَ امیت انت کہ میان استمانی اسکائی ڈائیو ءِ رکارڈ ءَ پروشیت ءُ وتی نام ءِ کنت –

زانگ بہ بیت سال دوھزار ءُ بیست ءُ دو ءَ یکسد ءُ سَے سالی پیر زالے ءَ میان استمان ریکارڈ وتی نام ءَ کتگ بوتگ –