مَچ: پاکستانی پوج ءِ سر ءَ اُرش

بلوچستان ءِ دمگ بولان، مَچ ءَ سلاہ بندیں مردماں اشکرانی لیز دمگ ءَ گوستگیں شپ ءَ اُرش کرتگ-

گیشیں ھالانی رد ءَ سلاہ بندیں مردماں نیشنل کوئلہ لیز ءِ ھند ءَ پاکستانی پوج فرنٹیئر کور ءِ پوسٹ ءِ سر ءَ اُرش کرتگ ءُ پشت مانداتگے –

دمگی مردمانی رد ءَ اُرش ءِ وھد ءَ تیرگواری ءُ تراکانی توار اش کنگ بیتگ اَنت بلے دگہ تاوانی ھال دیم ءَ نیتکگ اَنت –

زانگ بہ بیت گوستگیں لھتے روچانی تہ ءَ سرجمیں بلوچستان ءَ پوج ءُ دگہ اُرشانی تہ ءَ گیشی اتکگ اَنت – گوستگیں شپ ءَ کلات ءِ شھر ءَ پولیس ءِ تھانہ ءِ سر ءَ ناشناسان دزبمبے چگل داتگ ءُ چریشی ءَ پیسر ھزدار ءَ بیرک بھا کنوکیں اسٹال ءِ سر ءَ ھم دزبمبے چگل دیگ بیتگ –

ھزدار ءَ بیتگیں اُرش ءِ زمہ واری بلوچ لبریشن آرمی ءَ زرتگ ات بلے تنی وھدی اے اُرشانی زمہ واری کس ءَ پہ وت ءَ نہ زرتگ-