نوشکی ءَ بنجل ءِ نیم تباہ کتگ ءُ دژمن ءِ چِل ءُ پنچ کارمند کُشتگ اَنت، جنگ برجاہ انت- بی ایل اے

بلوچ لبریشن آرمی ءِ جارکش جئیند بلوچ ءَ وتی شنگ کرتگیں درشان ءِ تہ ءَ گوشتگ کہ نوشکی ءَ زورگیریں پوج ءِ ھیڈکوارٹر ءِ سر ءَ اُرش ءَ مجید برگیڈ ءِ تنی وھدی یک تمردیں پدائی ءِ شھید بوتگ وھدیکہ ایندگہ بلوچ پدائیاں دشمن ءِ کم چہ کم چِل ءُ پنچ کارمند کُشتگ اَنت ءُ بنجل ءِ نیم بھرے دستیگ کنگ ءَ سوبین بوتگ انت –

جارکش ءَ گوشتگ کہ شش ادار ءِ گوازگ ءَ پد ھم بلوچ پدائی دژمن ءِ گوم ءَ تمردی ءَ جنگ کنان ءُ دژمن کارمنداں کُشگ انت ءُ بنجل ءَ تباہ کنگ ءَ انت –

آئی ءَ گوشتگ کہ شھید بوتگیں پدائی تراکناکیں شورواں لوڑیں گاڑی ایف سی ھیڈکوارٹر ءِ بنجاھی دروازگ ءَ ڈیکرینتگ تانکہ ایندگہ پدائی سنگ ارزانی ءَ بنجل ءِ تہ ءَ شُت بیتگ اَنت –