نوشکی ءِ سرمَتُرسیں شھیدانی نام ءَ
دی بلوچستان پوسٹ
گُلزمین ءِ مَل مڑوکاں جنگ کوھانی تَل ءَ سینگار اِتگ
جنگ داشتگ پہ مڑاھے ساہ داتگ گلزمین پلگار اِتگ
دژمن ءَ گِند کونڈموش اِنت سُھرچمّیں سنگتانی جزبگ ءَ
سرمچاریں توکل ءَ گوں جنگ پہ شانے زُرتگ ءُ نزّار اِتگ
داں کتار ءِ سر کہ چَنڈیت داں تُپنگے جان کَشّ ایت باھڑاں
داں کہ گُڈّی تیر ھست اِنت سرمَتُرساں جنگ ڈیھ ءِ مار اِتگ
آجویی ءِ جُھد ءِ بیرک لوگ لوگ ءَ رُژن بال ایت جزم بو
ھر شھید ءِ ھون ءِ ترمپے سرڈگار ءَ چو چراگے چار اِتگ
گلزمین ءِ ملپداں چہ ھون بُتکگ وشبو ءَ چو مھلبیں
سرزمین ءِ دمک دمک ءَ بو شھیدی شِنگ کتگ آتار اِتگ
سد سلام اِنت سُھرچکیں مئے سرمتُرس ءُ سرمچاریں سنگتاں
سارتیں رھشؔون یل بہ دے تو وابجاھاں من ترا ڈوبار اِتگ
آبؔد رھشون