شال ءَ بیگواھیں مردمانی درگیجگ ءَ شدکشیں گدان برجاہ

بلوچستان ءِ بنجاھی شھر شال ءَ وائس پار بلوچ مسنگ پرسنز ءِ شدکُشیں گدان ءَ 3ھزار ءُ 9 سد 49 روچ سرجم بیتگ –

سبی ءَ چہ نور مھمد، داد ھُدا ءَ بنجلے تر ءُ تاب کُتگ بیگواھیں مردمانی کھولاں گوں دلپدردی درشانتگ-

ھمے درگت ءَ وائس پار بلوچ مسنگ پرسنز ءِ وائس چیرمین ماما کدیر بلوچ ءَ زھر شانی بنجل ءَ اتکگیں مردمانی میان ءَ باوست کنان ءَ گُشت کہ سرجمیں ریاست ءَ مڈی ءُ پھریزگی ڈبگ انت اے ناکامی ءَ تھنا بلوچستان ءِ تھا زورگریں تاگت ءِ آرام پچ نگپتگ بلکنہ گیشتر ھلاس کرتگ انت کہ آ وتی نوں زوراکی ءَ جھانی جنگی کانود ءُ رھبندانی لگتمالی ءَ کنان پیشدار انت.

آئی دیمتر ءَ گُشتگ لشکری زوراکیانی تھا لس مھلوک سرا بمبگواری، لوگانی سوچگ ، چُک زالبول کماشاں ھوار بزگریں بلوچانی سرا زوراکی کنگ، او آھاں آوار جنگ گار بیگواہ کنگ ءُ پدا آھانی زانگولیں لاشاں کھول ھوالہ کنگ ءَ ابید آھاں ویرانگاں چگل دئیگ ءُ وتی داشتگیں چانیگوار ڈیت اسکواڈ سرپرستی ءَ بلوچ نودربر، راجداریں باسک، سھاپی ءُ زانتکارانی کُشت کوش ھوار انت.

گڈسر ءَ ماما کدیر بلوچ ءَ گُشتگ پاکستان ءِ لشکریانی زوراکی سرجمیں جھان ءَ جنگی جُرم من اتگ ءُ آئی گرءُ دار ءَ زور دئیگ انت. بلے ریاستی لشکر ءُ ھکمران تاگت بیگواھیں بلوچانی ءُ شھیدانی ھاتر ءَ مدامی برجاھیں زھرشانیانی کامیاتی سدمہ ءَ چہ گُنگ کَر بوتگ انت.