بلوچ ریپبلکن گارڈز ءِ جارکش دوستین بلوچ ءَ رسانکدر ءَ شنگ کتگیں بیانے ءِ تہ ءَ گْوشتگ کہ گوستگیں شپ ءَ بلوچستان ءِ دمگ کچھی ءِ ھند ڈھاڈر ءِ نزیک ءَ بلوچ سرمچاراں تراکناکیں شورواں گوں بجلی ءِ مزنیں ٹاور تباہ کتگ اَنت۔
جارکش ءِ رد ءَ تراک ءِ آسر ءَ دو ٹاور سک باز تاوان بوتگ اَنت۔
دوستین بلوچ ءَ وتی بیان ءَ گْوشتگ کہ مرچی مئے سرمچار بلوچستان ءِ دمگ کچھی ءِ ھند بولان قلمدین ءَ ھمک روچیگی گشت ءَ بوتگ اَنت کہ اناگت ءَ گوں زورگریں پاکستانی گیریں لشکر ءَ گوں ڈک اش وارتگ ۔
بی آر جی ءِ جارکش ءِ رد ءَ سرمچاراں وھد ءِ سر ءَ کارروائی کتگ ءُ لشکر ءِ سر ءَ سکیں اُرش کتگ کہ ایشی ءِ آسر ءَ دژمن ءِ دو کارندہ جاہ پہ جاہ ءَ مرتگ ءُ بازیں ٹپیگ بوتگ اَنت۔
دوستین بلوچ ءَ گْوشتگ کہ سرمچار چہ جاہ ءَ وش ءُ سلامت درکپگ ءَ سوبین بوتگ اَنت ءُ وتی ایمنیں جاھاں سر بوتگ اَنت۔
جارکش ءِ رد ءَ سرماچاراں بلوچستان ءِ دمگ نصیر آباد ءِ ھند نوتال ءِ نزیک ءَ زورگیریں پاکستانی لشکر ءِ چیک پوسٹ ءَ گوں مزنیں ءُ وتکاریں سلاہاں نشانگ جوڑ کتگ کہ ایشی ءِ آسر ءَ زورگیریں دژمن ءَ را جانی ءُ مالی تاوان رس اتگ۔
دوستین بلوچ ءَ دیمترا گْوشتگ کہ مئے گل بی آر جی اے اُرشانی زمہ واریاں من ایت ءُ داں بلوچستان ءِ سرجمیں آجوئی ءَ چوشیں آپریشن برجاہ مان اَنت۔