شال، پنجگور، جھل مگسی ءُ تربت ءَ جتاجتائیں وئیلانی تہ ءَ سئے مردم بیران بوتگ انت ءُ سئے جاہ ءَ چہ چار لاش دزکپتگ انت۔
پنجگور ءَپسکول کور ءِ نزیک ءَ ناشناسیں لاشے دست کپتگ، شال ءِ پودگلی چوک ءَ تیرگواری ءَ سئے مردم بیران بوتگ انت ، وھدے کہ تربت ءِ دمگ کلاتک سعید آباد ءِ نزیک ءَ زبیدہ جلال روڈ ءِ کش ءَ لاشے دزکپتگ۔
پنجگور ءِ دمگ پسکول کور ءِ نزیک ءَ ناشناسیں مردمے ءِ لاش ءِ دزکپگ پد اے وئیل ءِ بابت ءَ انگت ءَ گیشتریں ھال شنگ نہ بوتگ اَنت۔ لاش ءِ پجار ءُ بیرانی ءِ سبب ءِ بابت ءَ ھچ وڑیں ھال ءُ اھوال دست نہ کپتگ۔
دومی نیمگ ءَ شال پودگلی چوک ءَ تیر گواری ءِ وئیل ءَ سئے مردم بیران بوتگ انت۔ اے وئیل ءِ سبب، بیران بوتگیں مردمانی پجار ءُ وئیل ءِ مول ءُ مراد انگت ءَ زانگ نہ بوتگ اَنت۔
دومی نیمگ ءَ تربت ءِ دمگ سعید آباد ءِ نزیک ءَ زبیدہ جلال روڈ ءِ نیمگ ءَ چہ یک مردے ءِ لاش دزکپتگ کہ آئی ءِ پجار ابراہیم ءِ چُک آدم ءِ نام ءَ بوتگ۔ بیران بوتگیں مردم ءِ سیادی گوں سرنکھن تھسیل تمپ ءَ گشگ بیتگ۔
دومی نیمگ ءَ جھل مگسی ءِ دمگ گنداواہ ءَ پیر چھٹا شاہ نورانی روڈ ءِ سر ءَ گھاترا سلوپ ءِ نزیک ءَ دو لاشا دست کپگ ءِ ھال اِنت۔