سلاہ بندیں مردماں چہ درملکی شھریانی واستا سیکورٹی کارندھانی سلاہ، گاڑی ءُ شیخ ءِ زاتی گاڑی دستیگ کتگ انت۔
بلوچستان ءِ دمگ واشک ءَ یک گچینی جاھے ءِ سر ءَ اُرش ءِ ھال انت کہ اود ءَ سرکاری سلاھاں ھوار سلاہ بنداں 11 گاڑی دستیگ کتگ انت۔
اے وئیل ءَ داں انگت ءَ جانی تاوانانی اھوال دیم ءَ نیتکگ انت۔
زانگ بہ بیت چہ عرب ملکاں بازیں شھری ءُ سرکاری کارندہ پہ شکار ءَ بلوچستان ءَ کاینت، اود ءَ آھاں بلوچستان سرکار ءِ نیمگ ءَ ایمنی ءُ دگہ آسراتی دیگ بنت۔