کراچی ءَ کاؤنٹر ٹیررزم ڈپارٹمنٹ (سی ٹی ڈی) ءَ کراچی ءَ بلوچ آجوئیں لوٹوکیں گل بی ایل اے ءَ سیادی دارگ ءِ بھتام ءَ یک مردمے ءِ دزگیر کنگ ءِ ٹاہ داتگ-
کاؤنٹر ٹیررازم ڈپارٹمنٹ ءِ جارکش ءِ رد ءَ سی ٹی ڈی ءَ بیڑ بران ءَ کراچی ءِ دمگ گلشن اقبال پیپا چورنگی ءِ نزیک ءَ کراچی یونیورسٹی ءَ چینی شھریانی وتکش تراک ءَ ھواریں بی ایل اے ءِ باسکے دزگیر کتگ-
سی ٹی ڈی ءِ جارکش ءِ رد ءَ دزگیر کنگ بیتگیں مردم سک ءَ شکی بیتگ ءُ گلبائی ءَ دو چینی انجینئرانی کوش ءَ دزمانجن بوتگ ءُ کنفیوشس انسٹی ٹیوٹ ءِ باسکانی سر ءَ وتکش تراک کنوکیں شاری بلوچ ءِ لوگواجہ ھیبتان ءَ گوں رھوت ءَ بوتگ-
سی ٹی ڈی ءِ ٹاہ ءِ رد ءَ گرگ بیتگیں مردم بلوچ لبریشن آرمی ءِ زالبولیں اُرشکار شاری بلوچ ءِ لوگ واجہ ھیبتان ءَ گوں گند ءُ نند بوتگ دزگیر کتگیں مردم کراچی یونیورسٹی ءَ اُرش ءَ پیسر درملک ءَ چہ کراچی ءَ لوٹائینگ بیتگ – سی ٹی ڈی ءِ جارکش ءَ ٹاہ داتگ کہ دزگیر کتگیں مردم اوگانستان ءَ تراک جوڑ کنگ ءِ ھیلکاری ءَ بیتگ ءُ آئی ءَ چہ اوگانستان ءَ زر رس اتگ ءُ بلوچستان ءَ بازیں کاروائیاں دزمانجن بوتگ-