نوکنڈی اُرش: سیندک ءُ ریکوڈک پراجیکٹس ءِ سر ءَ اُرش یکشل ءَ برجاہ انت- بی ایل ایف

بلوچستان لبریشن فرنٹ ءِ جارکش میجرگوھرام بلوچ ءَ شنگ کتگیں درشان ءَ گوشتگ سیندک ءُ ریکوڈک ءِ پلپھانچی پراجیکٹس ءِ سر ءَ اُرش برجاہ انت-

بی ایل ایف ءَ گوشتگ نوکنڈی ءَ درملکی کمپنی ءِ مزنیں بنجل ءِ توک ءَ انگت ءَ بی ایل ایف ءِ سدو آپریشنل بٹالین “سوب” ءِ سرمچار مھکمیں سنگراں جاڑیگ انت ءُ جنگ ءَ انت-

آئی ءَ گوشتگ دشمن ءِ گچینی بنجلانی سر بوگ ءَ سرمچار سوبمند بیتگ انت ءُ پوج ءِ کمک ءَ آیوکیں پوجی سوب ءِ سرمچاراں پشتکنزی ءَ لاچار کتگ انت-

زانگ بہ بیت گوستگیں شپ ءَ چاگی ءِ دمگ نوکنڈی ءَ سیندک ءُ ریکوڈک ءِ بنجلانی سر ءَ اُرش کنگ بیتگ ات کہ ءُ بی ایل ایف ءَ وتی پدائین زالبول ءِ اکس شنگ کتگ ات ءُ گوشتگ ات کہ اے اُرش ءِ بندات زرینہ رفیق پنام ءِ ترانگ ماھو ءَ کتگ کہ آئی ءَ کمپان ءِ مزنیں گیٹ ءِ سر ءَ تراک کنگ ءَ پد دومی سرمچارانی واستا راہ پچ کتگ-