بلوچ لبریشن آرمی ءِ جارکش جیئند بلوچ ءَ شنگ کتگیں درشان ءِ تہ ءَ گوشتگ کہ مئے سرمچاراں تربت ءَ زورگریں پاکستانی پوج ءِ یک کاروان آئی ای ڈی اُرش ءَ نشانگ کتگ-
جارکش ءَ گوشتگ بی ایل اے ءِ سرمچاراں گوستگیں شپ ءَ کساس ساھت دہ ءَ زورگریں پاکستانی پوج ءِ سے گاڑیاں ھمگرنچیں کاروان ءَ ھوار یک گاڑی یے ھما وھد ءَ ریموٹ کنٹرول آئی ای ڈی اُرش ءَ نشانگ کتگ وھدے آ تربت شھر ءَ چہ دراھگ ءَ بیتگ اَنت- سرمچاراں گوگدان سوراپ پُھل ءِ ھن سر ءَ پوج ءِ گاڑی نشانگ کتگ، چریشی ءِ آسر ءَ زورگریں پوج ءِ دو کارندہ مرتگ کم چہ کم چار ٹپی بیتگ اَنت-
جارکش ءَ گوشتگ بلوچ لبریشن آرمی اے اُرش زمہ واری ءَ منّ اِیت-