TBP Balochi

بلیدہ پاکستانی پوج ءِ زمینی ءُ بُرزی بیڑ برجاہ

دی بلوچستان پوسٹ

بلوچستان ءِ دمگ بلیدہ ءِ جتاھیں ھنکینانی تھءَ پاکستانی پوج ءِ نیمگ ءَ چہ پوجی بیڑانی یکشلی برجاہ اِنت کہ تھءَ زمینی پوج ءَ چہ بُرز ءَ کمک رسگ ءَ اِنت۔

اھوالکاران ٹی بی پی ءَ ھال داتگ کہ جاڑیگ ءَ ھوار کش ءُ کِر ءِ ھنکینانی تھءَ پاکستانی پوج ءِ مزنیں کساس ءِ گوستگیں سئے روچاں چہ بیڑ بری ءَ دزگٹ اِنت۔ فورسزاں چہ برُزءَ کمک ھم رسگ ءَ اِنت کہ آودہ ہیلی کاپٹراں جتاھیں دمگانی تھءَ شیلنگ کنگ ءَ گندگ بیتگ اَنت۔

اھوالانی ردءَ پوجی کارمند جتاھیں میتگانی تھءَ بیڑ بری ءِ نیام ءَ لوگاں مان دارگ ءَ اَنت وھدے کہ روگ ءُ آیگ ءِ راہ بند کنگ بیتگ اَنت ۔

یات بہ بیت دو روچ پیسر پوج ءُ سلاہ بندیں مردمانی نیام ءَ مزنیں جنگءِ بندات بیتگ کہ دان بازیں ساھتاں جُنز اِتگ اَت۔ بلوچ سلاہ بندیں گل بی آر اَے ءَ وتی شنگ کُتگیں درشان ءِ تھءَ گوشتگ اَت کہ جنگءِ تھءَ آیانی یک کماندار ءِ نمیران بیتگ۔
دومی نیمگءَ چہ پوجی واکدارانی نیمگ ءَ چہ اے درگت ءَ ھچ وڑیں درشان شنگ کنگ نہ بیتگ۔

دو روچ ءَ پیسر ءَ کیچ دمگ جمک پیدراک ءَ ھم سلاہ بندیں مردمانی اُرش ءِ تھءَ پاکستانی پوج ءِ لانس نائک مرتگ اَت ءُ سئے سئے کارمند ٹپی ھم بیتگ اَت کہ اے اُرش ءِ زمہ واری آجوہ دوستیں سلاہ بندیں گل بلوچستان لبریشن فرنٹ ءَ من اِتگ اَت۔

نبشتانک: بلوچ ءِ توار ءُ ریڈیو زرمبش

نبشتہ کار: آجو کینگی بلوچ 

دی بلوچستان پوسٹ 

دگنیا ءِ تھ ءَ ما بچار اِیں ھر زبان ءِ وتی ارزشت ءُ بستارے ھر زبان ءِ وتی توار ءُ گالرد اَنت دگنیا ءِ توک ءَ ھزاراں زبان ھستاَنت ھمے ھزاریں زبانانی تھ ءَ بلوچی زبان ھوار اِنت۔۔۔۔۔۔۔۔۔ بلوچی زبان ءَ ما اگاں ھورتی ءَ بچار اِیں گڑا کوھنیں زباناںچہ یک زبانے بلے بلوچی زبان ءِ بد بھتی اِنت کہ بلوچ ءِ زبان گٹگیر کنگ بوتگ بلوچ ءِ زمین پادمال اِنت یزیدیں لشکر ءِ دست ءَ آکوم کہ دگہ  کومانی بندیگ اِنت آ کوم کدی دیمروی نکنت آ کوم ءِ دراھیں چیز بندیگ بنت زبان ،دود ءُ ربیدگ کلچر ءُ سکاپت پہ آ کوم ءَھچ پشت نہ کپ اِیت مرچی بلوچ راج بندیگ اِنت آئی زبان ھمے رنگ ءَ بندیگ اِنت۔۔۔۔۔۔۔۔۔۔۔

 ھما زبان دگنیا ءِ تھ ءَ گار ءُ بیگواہ نہ بیت ھما زبان ابدمان اِیت ھما زبان ءَ ھر روچ ھبر ءُ ھال ءُ نبیسّگ بہ بیت کتاب ءُ روتاکانیزینت جوڑ بہ بیت ریڈیو ءُ ٹی وی آنی توار بہ بیت بلے بلوچ راج ءِ بدبھتی اِنت کہ بلوچ راج تنے وھدی ھمے کاراں سوبین نہبوتگ۔۔۔۔۔۔۔۔۔۔۔

بلوچی زبان ءِ نام ءِ سر ءَ یک ٹی وی چینلے اڈ دیگ بیتگ  اَت کہ وش ءِ نام ءَ زانگ بیت بلے ھما وش نیوز مرچی یزیدیں لشکر ءِ بیھارءُ پاترپانی آماچ اِنت ھما وش نیوز پی ٹی وی پاکستان ءَ چہ  بدتر بیان اِنت پرچاکہ یزیدیں لشکر نلوٹ اِیت وش ٹی وی پاک ءُ پلگار بہبیت مرچی وش ٹی وی گار ءُ بیگواہ بیان اِنت۔۔۔۔۔۔۔۔۔۔۔۔

 بلوچی زبان ءَ سوشل میڈیا ءَ بازیں میڈیا گروپ ھست اَنت کہ بلوچی نبشتہ کن اَنت چشکہ ریڈیو زرمبش ، دی بلوچستان پوسٹ ،آشوب ، رسانک ، کرنٹ بلوچستان ءِ نام ءَ زانگ بنت ءُ ریڈیو بلوچستان کہ بلوچی زبان ءِ دوست ءُ سنگتانی نبیستگیں  آزمانک ءُکسھاں شنگ ءُ تالان کنت ءُ ریڈیو زرمبش بلوچی زبان ءَ ھال ءُ شنگ کنت ءُ بلوچ راج ءِ  کواس ءُ زانتکاریں مردمانی زانت ءُزانگ ءَ بلوچ راج ءِ  دیم ءَ کار اِیت ۔۔۔۔۔۔۔۔۔

ما اگاں وتی بلوچ راج ءَ بچار اِیں مئے راج ءِ مردم وانگ ءِ پڑ ءَ پُشت ءَ اَنت پرچاکہ یزیدیں لشکر نلوٹ اِیت کہ بلوچ راج بُواناِیت ءُ وتی منزل ءِ رژنائی ءَ وتی دیدگیں چماں بگند اِیت آئی کوشش ھمش اِنت بلوچ کر ءُ کور بہ بیت وھدے انسان کر ءُ کور بیتگڑا الم گُنگ بیت پرچاکہ انسان ھچ اِش مکنت گڑا گُنگ بیت نا وانندگی کر ءُ کوری ءِ مستریں نشانی اِنت۔۔۔۔۔۔۔۔۔۔۔۔۔

ھمے نیوز گروپانی تھ ءَ ریڈیو زرمبش انت کہ بلوچ راج ءِ اُوست ءُ امیت اِنت پرچاکہ ھمے بلوچ کہ وانگ نزان اَنت ھمے بلوچ کہدری دگنیا ءَ شتگ اَنت پہ کار ءُ روزگار  ھمے بلوچانی ھالانی اِشکنگ ءِ مزنیں زریایے ریڈیو زرمبش ھما بلوچ بلوچستان ءَ نندوک اَنتبلے ھمے نبیسّگ ءُ سیاھیانی وانگ ءَ زبھر اَنت ھما بلوچانی توار انت ریڈیو زرمبش۔۔۔۔۔۔۔۔۔۔۔

 کجام جاہ ءَ نِٹ ءُ دامگ ھست بلوچ ءِ ھما چک ءُ مات ءُ گھار ءُ کہ وانگ نزان اَنت گڑا آھانی گوں دگنیا ءِ  ھال ءُ اھوالانی سرپدبوگ ءَ ریڈیو زرمبش ءَ گوشدار اَنت  ریڈیو زرمبش وتی ھمے جھد ءَ بدار اِیت روچ پہ روچ ءَ وتی جھد ءَ گیش ءَ چے گیش مھکم بکنتبلوچ ءِ  توار جوڑ بہ بیت بلوچ ءَ چہ کر ءُ کوری ءِ ھلاس کنگ ءِ جھد ءَ بکنت۔

ھمے توارانی گوشدارینگ ءَ کہ بلوچ راج ءِ چم پچ بنت چیزے سرپد بنت کہ دگنیا ءَ چے بوگ اَنت دگنیا کجا سر اِنت ءُ ماکجا۔۔۔۔۔۔۔۔گڑا ریڈیو زرمبش وتی گوشداروکاں دلپروش مکنت بایدیں ریڈیو زرمبش وتی ھمے جھد ءَ برجم بدار اِیت وتی گوشداروکانیاوست ءُ امیتاں مہ پروش اِیت وتی گوشداروکانی امیتاں گیش بکنت ۔۔۔۔۔۔۔۔۔۔۔۔۔۔

 یک روچے من وتی مھروانیں سنگت مزار جان ءَ ھال کت

مزار جان گومن ھور وانگ ءَ بوتگ بزاں منی (کلاس فیلو) بوتگ  اسکول ءَ سکیں پھم ءُ وانندیں سنگتے بوتگ ھمے سنگت ءَ چہ گریبی ءَوانت نہ کت ءُ پہ وت ءَ گاڑی یے زرت ئِے گڑا ھمے سنگت ھما اِنت کہ مئے میتگ ءَ ءُ شھر ءَ مردم کش اِیت وتی روچاں تیلانکدنت منی پون ءَ گوں مزار جان ءَ ھال بوت گڑا من جست کت چے کنگ ءَ ئے گُشت ئِے ھما گاڑی ءُ من ھما راہ ءُ روگ ءُآیگ بس دگہ ھچ نگنداں من وتی روچاں گوں ھمے گاڑی ءَ تیلانک دیگ ءَ آں ۔۔۔۔۔۔۔۔۔ 

میتگ ءِ مردمانی ھالاں دے مھران ءِ ھالاں دے مرچاں چے کنگ ءَ اِنت؟

مھران اڑے شوک اِنت مرچاں میتگ ءِ چکاں وانینگ ءَ اِنت ھمود ءَ وتی لوگ ءَ ءُ کسانیں کتاب جاھے اڈ داتگ ئِے میتگ ءِ جنکءُ بچکاں وانین اِیت ءُ بیگاہ ءِ وھد ءَ دراھیں کماش ءُ ورناھاں یکجاہ کنت ءُ ھمے نیوز ھالتاکاں اِشکنائین اِیت سر ءُ سوج کنت ھمےنوجوان گوں وت ءَ مُشکول کتگ اَنت ئِے۔۔۔۔۔۔۔۔

گڑا مئے میتگ ءَ سگنل ءُ دامگ نیست موبائیل کار نکنت چوں نیوز ءُ ھالتاکاں کجا کار اِیت۔۔۔۔۔ ؟

مھران سھب ءِ سر ءَ وتی پون ءَ من ءَ دنت من بران ئِے شھر ءَ مھران ءِ سنگتے ھست ھمود ءَ شھر ءَ ھمائی ءَ دیان ئے چےھال اھوال کیت گڑا وھدے من وتی کاراں گیشیناں منی مساپِر بزاں (پاسینجر) تیار بنت گڑا من درکپاں وھدے من میتگ ءَ سرباں اولی ءَ من رواں مھران ءِ کتاب جاہ ءِ دپ ءَ موبائیل ءَ سر کناں گڑا وتی پاسینجراں براں لوگ ءَ رسیناں اے وھد ءَ دراھیںمیتگ ءِ مردم منی ودار اَنت کہ منی گاڑی کدی کیت کہ نیوزاں گوشداریں نوکیں چے ھال ءُ اھوال ھست ۔۔۔۔۔۔۔۔۔۔۔۔

اڑے!

 گڈا من جست کُت اے شر مَشکول اَنت شر اِنت چہ نشہ ءُ دگہ ھراب کاری آں  بچیتگ اَنت سک ما بزگ اَنت دگنیا مرچی کجا سراِنت ما بلوچ تنے وھدی ھما۔۔۔۔۔۔۔۔۔۔۔۔۔۔۔۔۔دگہ بدئے ھال مزار جان گڈا گیشتر کجام نیوز ءُ ھالاں مھران جانگوشدارینیت جوانیں کارئے کنگ اِنت چکاں بوانینیت شر اِنت چار لبز سکاں ۔

ھئو تو پل ءِ مردم گیشتر ریڈیو زرمبش ءَ گوشدار اَنت پرچکہ آ دگہ نیوزانی وانگ ءَ نزور اَنت  پرچکہ بدبھتی ءَ مئے راج ءَ تعلیم نیستاسکول پوجیانی کیمپ جوڈ اَنت۔۔۔۔۔۔۔۔۔۔پدا مھران دراھیں مردمانی موبائیلانی توک ءَ ھمے ریڈیو زرمبش ءِ ریکارڈ کتگیں نیوزاںمان کنت ءُ گُشیت وتی مات ءُ گھاراں ھمے نیوز ءُ تواراں گوشدارین ءِ بس مئے میتگ ءِ ھال ءُ اھوال پُل ھمش اَنت یزیدیں لشکرءِ زلم ءُ زوراکی ھست اَنت آ ھمروچ بوگ اَنت مئے میتگ ءِ شرترین ءُ وانوکیں جوان جیل ءُ زندانی کتگ اَنت ءُ بازیں وانندہ ئےجت ءُ کُشت ءِ آھاں تو وت سرپدئے پُل ھمے ھال اَنت دگہ ھالاں تو وت سرپدئے شریں پل ءُ گڈا من ترا اجازت کناں کہ منیمساپر تیار اَنت من رواں کہ من ءَ دیر بیت راہ وا نیست ھما راہ اِنت کنڈ ءُ بیٹ پُلک ءُ ریک اِنت ھور دیریںنبوتگ۔۔۔۔۔۔۔۔۔۔۔۔

شریں مزار جان سلامت بات ئے سنگتاں کلاں سلام کن مھران جان ءَ باز سلام کن بگو پُل وتی جھد ءَ ھمے رنگ ءَ بدار چم ترا سکاَنت تئی سرا بلاہ اِیں امیت ئے ھست شریں سلامت بات ئے مزار جان اللہ باھوٹ ئے۔

دی بلوچستان پوسٹ: اے نبشتانک ءِ تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت

کلات ءَ بمب اُرشے ءَ ڈیتھ اسکواڈ ءِ دمگی سروکے کُشتگ، بی آر اے

دی بلوچستان پوسٹ

عزیز مھمد ھسنی شورپارود ءُ کَش ءُ گوری ھنداں جھد کارانی شھیدی ءُ دزی ءُ ڈنگیاں ھوار بیتگ – بیبگر بلوچ

بلوچ ریپبلکن آرمی ءِ جارکش بیبگر بلوچ ءَ شنگ کرتگیں وتی یک بیانے ءِ تہ ءَ گْوشتگ کہ مئے سرمچاراں گوستگیں روچ ءَ ڈیتھ اسکواڈ ءِ دمگی سروک عزیز مھمد ھسنی کلات ءِ دمگ نیمرگ ھپڑسی نالہ ءَ کَل کرتگیں شوروانی تراکے ءَ گوں نشانگ کرتگ ءُ کُشتگ –

جارکش ءَ گْوشت کہ عزیز مھمد ھسنی دوھزار ءُ دوازدہ ءَ راجی جھدکارانی چاریگریاں دزمانجن بیتگ کہ چریشی ءَ دوھزار ءُ شانزدہ ءَ چاریگری ءِ بھتام ءَ راجی سرمچاراں دزگیر کرتگ کہ چریشی ءَ رندپداں چاریگری ءِ نہ کنگ ءِ سوب ءَ دیمزیری ءَ یلہ کنگ بیتگ بلے چریشی ءَ پد ھم سرجمی ءَ آ ڈیتھ اسکواڈ ءِ باسک جوڑ بیتگ – شورپارود ءُ کَش ءُ گوری دمگاں جھدکارانی شھیدیاں تچک ءَ تچک ھوار بیتگ، چریشاں اَبید ھم دمگ ءَ نیزگاریں مردمانی مال ءُ دلوتانی دزگ ءُ مھلوک ءِ ننگ ءِ سر ءَ پانگ بیتگ –

بیبگر بلوچ ءَ گْوشت کہ ریاست ءِ گوشگ ءَ پُرکاریں ڈیتھ اسکواڈ ءِ سروکی ءَ اے دمگ ءَ کمبر مینگل کنگ ءَ اِنت – ما یک رندے پد ءَ مھلوک ءَ گوں دزبندی کن ایں کہ آ کمبر ھان ءِ گور ءَ چہ دور بہ بنت کہ کجام ھم وھد ءَ آئی ءِ سر ءَ اُرش کنگ بیت اِنت –

آئی ءَ گوشت کہ آجو بلوچستان ءِ راہ ءأ رھبندانی سرجمی بیگ ءَ کاروائی برجاہ مان اَنت –

بلیدہ ءَ پوج ءِ سر ءَ سلاہ بنداں اُرش کرتگ

دی بلوچستان پوسٹ

سر بیتگیں ھالانی ردءَ گوستگیں بیگاہ ءَ بلیدہ ءِ دمگ پالام گوج ءَ سلاہ بندیں مردماں پاکستانی پوج ءِ سر ءَ اُرش کرتگ –

دمگی مردمانی رد ءَ اُرش داں دوشیگیں شپ ءَ برجاہ بیتگ ءُ چریشی ءَ چَہ پاکستانی پوج ءَ تاوانباری ءِ گمان کنگ بیتگ –

دومی نیمگ ءَ یک سلاہ بندے ءِ ھم بیران بیگے ھال بیتگ بلے تنی وھدی سلاہ بندیں گلانی نیمگ ءَ ھچ درشان دیم ءَ نیاتکگ –

ھمے وڑ ءَ کیچ ءِ دمگ پیدارک جمک ءَ پاکستانی پوج ءِ کاروان ءِ سر ءَ سلاہ بندیں مردماں اُرش کرتگ –

جمک پیدارک ءَ بیتگیں اُرش ءَ یک پوجی کارمندے ءِ بیران ءُ سَے کارمندانی زدگ بیگ ءِ ھال بیتگ اَنت –

پوجی بنشونانی رد ءَ تنی وھدی کیچ پیدارک ءَ بیتگیں اُرش ءِ ھال ھم درشان نہ بیتگ –

زانگ بہ بیت بلوچستان ءِ جتا جتائیں جاھاں پاکستانی پوج ءِ سر ءَ بیتگیں اُرشاں بلوچستان ءِ آجوئی لوٹوکیں گل منّگ ءَ اَنت بلے تنی وھدی ھردوکیں اُرشانی زمہ واری ھچ گل ءَ پہ وت ءَ نہ زرتگ اَنت

پنجگور ءَ پوج ءَ بیڑ برتگ ءُ یک مردمے آوار جتگ

دی بلوچستان پوسٹ

سر بیتگیں ھالانی رد ءَ پنجگور ءِ کیلکور ءَ پاکستانی پوج ءَ بیڑ برتگ ءُ آپریشن کرتگ ءُ یک مردمے آوار جتگ ءُ برتگ –

دمگی مردمانی رد ءَ مروچی سھب ءَ پاکستانی پوج ءَ کیلکور ءِ دمگ بیرونٹ، کرکی، ھالی ریک ءُ پل مِک ءَ بیڑ برتگ ءُ آپریشن کنان ءَ جنین ءُ چک کمشرپ کرتگ اَنت ءُ لوگ ءُ گدان پَٹ ءُ پول کرتگ اَنت ءُ ھالی ریک ءَ یک مردمے آوار جتگ ءُ برتگ –

پوج ءِ دست ءَ آوار جنگ بیتگیں مردم ءِ پجار شریپ ء سدیک جھمنند کلیڑی کیلکور ءِ نام ءَ زانگ بیتگ –

زانگ بہ بیت بلوچستان ءِ جتائیں جاھاں پاکستانی پوج ءِ بیڑی برجاہ اَنت ءُ سیاسی ءُ چاگردی مردمانی گوشگ اِنت پوج بیڑیانی وھد ءَ جنین ءُ چُکاں ھم کمشرپ کنگ اِنت –

بلوچ نسل کُشی ءِ سر ءَ بے توار بیگ انسانیت ءِ واستا تاوانبار بیت اِنت، ماما قدیر

دی بلوچستان پوسٹ

شال ءِ پریس کلب ءِ دیم ءَ بیگواھیں بلوچانی ءُ شھیدانی کھولانی نیمگ ءَ برجم داشتگیں گدان ءَ مروچی 4016 روچ سرجم بیتگ –

شدکشی گدان ءَ ھمدری درشانگ ءَ بی ایس او ءَ چہ امیر داد بلوچ، بلگ شیر بلوچ ءُ دگہ مردین ءُ زالبولانی بازیں کَچے ءَ بھر زرتگ –

وائس فار بلوچ مسنگ پرسنز ءِ کسان کمک سرکماش ماما قدیر بلوچ ءَ بنجل ءَ اتکگیں مردمانی گون ءَ گْوشت کہ بلوچستان ءَ ھمک آیوکیں روچاں بلوچانی بیگواہ کنگ ءُ بندیگ جاھاں ترندیں لَٹ ءُ کُٹ کنگ ءَ پد کُشت ءُ کوشی ءُ لَٹ داتگیں کُنٹانی دزکپگ ءَ چہ بنگلہ دیش ءَ پاکستانی پوج ءِ بنگالیانی نسل کُشی ءِ یاد نوک بیان اَنت – پاکستانی زوراکی براھنگیں رنگے ءَ دنیا ءِ دیم ءَ پدر اَنت بلے بدبھتی ءَ چَہ دنیا ءِ وتی ھیشاں گوں دزبند اِنت – آیانی گور ءَ زیردستانی ھوناں چہ گیش آیاں وتی واھشت دوست تر بنت – آ وتی واھشتانی سوب ءَ بے توار اَنت – ھمے وڑ ءَ زرچاریں رسانکدر درستاں وتی سرھال ءُ کاروباریاں دیم ءَ کنت ءُ رسانکدر ءِ واھشت ھم ڈیھاں گوں بندوک اَنت ھمے واستا ھمے واھشتی یے دنیا ءَ بلوچ ءِ وڑیں زیردستیں راجانی توار چیر تریت ءُ پَشکپ ایت، اے زرچاریں جھان ءَ ھم کجام راجے ءِ سر ءَ کرتگیں رویشی یے زُلماں دنیا ءِ واستا جوانی یے نیست اِنت کہ اود ءَ میان اُستمانی زورانی واھشتانی سیادی مہ بیت –

آئی ءَ گْوشت کہ نِی اے بلوچ راجداریں پاٹیانی کار اِنت کہ آ وتی تھی جیڑہ ءُ سُک سُکاں یلہ بہ کن اَنت کم چہ کم بلوچ نسل کُشی، بلوچستان ءَ بیوکیں پوجی آپریشن ءُ بلوچ پُسگانی آرمی ءِ دست ءَ آوار جنگ ءَ پد کوشیانی جیڑھانی سر ءَ یکجاہ بہ بنت ءُ یک ھمگرنچیں زھرشانی ءِ بہ کن اَنت بدبھتی ءَ اے جیڑھانی سر ءَ ھم مئے ھمبل یکجاہ نہ اَنت ءُ دنیا ءِ سر ءَ چی گِلگ –

ماما قدیر ءَ گْوشت کہ گڈی ءَ من بس ھمینچُک گْوش آں میان اُستمان ءُ دگہ میان اُستمانی زورامندیں ادارھانی بلوچ نسل کُشی ءِ سر ءَ بے تواری سرجمیں انسانیت ءِ واستا تاوانباری یے بیت اِنت پرچاکہ زُلم ءِ سر ءَ بے توار بیگ گیش زُلم ءِ رودینگ اِنت -بلوچ راستی ءَ پاکستانی زُلمانی تہ ءَ چیر ترگ اِنت بلے اے ایوک ءَ بلوچ راج ءِ واستا یک انسانی ھلاسی ءِ نہ اِنت بلکیں میان اُستمانی ھلاسی یے –

روکپتی بلوچستان ءَ نامی ئیں ازمکار بیران

دی بلوچستان پوسٹ

سر بیتگیں ھالانی رد ءَ روکپتی بلوچستان ءِ دمگ پھرہ “ایرانشھر ” ءَ نامی ئیں ازمکار رسول بکش زنگشاھی مروچی بیران بیتگ –

دمگی مردمانی رد ءَ پھلوان رسول بکش زنگشاھی ءَ بازیں وھدے بیتگ کہ شکر ءِ نادراھی ءِ آماچ بیتگ –

آیاں گْوشت کہ پھلوان ءَ وتی زند ءِ تہ ءَ وتی ازم جوانی ءَ درنگاز کرتگ ءُ آئی ءَ بازیں جاھاں وتی ازم ءِ درنگازی کرتگ –

دمگی مردمانی رد ءَ پھلوان رسول بکش زنگشاھی جوانیں سروز جن اِیں مردمے بیتگ کہ آئی ءَ وتی سروز ءِ زور ءَ ازم درنگاز کرتگ –

آیاں گْوشت کہ پھلوان رسول بکش ءَ داں وتی زند ءِ گُڈی روچاں ھم بلوچی ءُ بلوچی سروز یلہ نہ کرتگ ءُ ھرچی کہ آئی ءِ وس ءُ واک ءَ بیتگ آئی ءَ سروز ءِ سر ءَ وتی ازم درنگاز اِتگ –

دمگی لبزانکارے ءَ ٹی بی پی ءَ گوں گپ کنان ءَ گوشت کہ پھلوان رسول بکش ڈراں ڈیھاں ھم پہ ازمگری ءَ برگ بیتگ –

آئی ءَ گْوشت کہ پرانس ءُ جرمنی ءَ ھم پہ ازم ء درنگازی ءَ پھلوان بازیں براں شتگ کہ اود ءِ مھلوک ءُ ازمکاراں پھلوان ءَ را جوانیں شرپ بکش اِتگ –

لبزانکار ءَ گْوشت کہ پرانس ءَ پھلوان کہ اولی رند ءَ سروز ءِ جنگ ءَ برگ بیتگ گڑا اود ءَ پھلوان ءَ را ڈاکٹری ءِ “لقب ” دیگ بیتگ ءُ ھمے وڑ ءَ جرمنی ءَ ھم پھلوان پہ سروز ءِ ازم ءِ درنگازی ءَ برگ بیتگ ءُ ایشی ءَ ابید بازیں ملکاں شتگ –

آئی ءَ گْوشت کہ پھلوان شکر ءِ نادراھی ءَ گیپتگ ءُ آئی ءِ پاد برگ بیتگ چریشی ءَ چہ پاد ءِ وش نہ بیگ ءِ سوب ءَ پھلوان وتی ھنکین پھرہ ءَ شتگ ءُ اود ءَ زند ءِ گُڈی روچاں گوازینان بیتگ ءُ مروچی اے کوڑھیں امروز ءَ چہ شتگ –

آئی ءَ گْوشت کہ روکپتی بلوچستان ءِ بازیں جاھاں پھلوان پہ سروز ءَ نامینیں مردمے بیتگ ءُ ھرکس آئی ءَ سروز ءُ ازم ءَ سرپد اِنت ءُ مروچی آئی ءِ روگ ءَ چَہ بازیں مردم بے تاھیری ءَ سوکیک کرتگ اَنت –

لچہ: ندر پہ آسم کریم ءُ تارک کریم ءَ بیسمہ ءِ شهیدانی نامءَ

لچہ کار: آرپ وپا بلوچ

دی بلوچستان پوسٹ

جی جی آسمیں دردانگ
کندیل تارکیں تی زانگ
شیدائیں وتن دیوانگ
درّیں اشرپی ءِ چانگ

سیمیں ملپداں آتاریں
هورانی کش ءَ چوتاریں
پکر تی منزلاں بکتاریں
پل ءُ گواڈگیں تی ترانگ
شیدائیں وتن دیوانگ

وابانی شَروک مانا انت
گیڑیں بڈرهیں دریا انت
اهد ءِ سرمچنڈ مولا انت
زور ءِ سیاہ شپاں مانشانگ
شیدائیں وتن دیوانگ

سر پہ آجوئی پرداچاں
بیرانی بدل بالاچاں
تیر تئی سینگ ءَ آماچاں
پاکیڑه منی بور پانگ
شیدائیں وتن دیوانگ

هونانی تڑاں بامیناں
همبل جوزگاں گامیناں
آرپ دپتر ءَ نامیناں
سی جُزمیں زمین پروانگ
شیدائیں وتن دیوانگ