کتاب/وانگی: دی ریچڈ آف دی ارتھ
نبشتہ کار : فرانز فینن
رجانک: جمال بلوچ
پیش گال ءِ نبشتہ کنوک: ژاں پال سار تر
اولی بھر
دی بلوچستان پوسٹ
باز وھد نہ بیت، کہ اے جھانءَ اگاں 2000 ملین مردم بیتگ اَنت، گُڑا ایشانی تھءَ 5000 ملین (زیر دست کنوک) چیر دست کنوک ءُ 1500 ملین ایندگہ جھمنند بزاں کہ (زیر دستیں) چیر دستیں مردم بیتگ اَنت ۔ کالونائرزاں واجھی کُتگ ءُ جھمنندیں مردماں گلامی، دوھینانی میان ءَ گونڈیں گونڈیں سردار زیرگ بیتگ اَنت ءُ بورژوازی ( بورژوازی ءَ ارزانیں لبزانی بزاں سیریں مردم)، کہ ھمے دوھیں تبکھانی میانی مردم بیتگ اَنت۔ چیر دستیں راجانی دیم ءَ راستی مدام پدر بیتگ بلے آ مدام راستی ءَ اندیم کنگ ءَ شرتر سرپد بیتگ اَنت۔ جھمنندانی واستا المی بیتگ کہ آ کالونائیزراں دوست بہ دارنت، انچو کہ مات ءِ دوستی اِنت، مات ھرچی بیت بلے دوست وا دارگی اِنت۔
ھمے کہ یورپین ایلیٹ بیتگ اَنت( ایلیٹ بزاں گچین کُتگیں شرتریں مُچی) گُڑا ایشاں مدام ھما ھمودی جھمنندیں ایلیٹ ءِ ردوم انچو اھمیت اگاں ارزشت نہ داتگ۔ ایشاں چہ کُتگ کہ ھمے جھمنندیں مردماں چہ ھما ورناھیں نسل بُرتگ ءُ وائٹ واش کُتگ وتی رنگ داتگ اَنت، وتی وڑ ءَ کُتگ اَنت۔ اے دروگیں جونانی تھءَ پہ وتی راج ءَ گوشگ ءَ ھچ پشت نہ کپتگ، بلے پدر بیتگ اَنت ۔ آ چہ پیرس ءَ، لندن ءَ ایمسٹرڈیم ءَ کوکار ءَ لگ ات اَنت”یونانی دود ربیدگ، انسانی برادری، ایشیا ءُ افریقہ ءِ لھتیں کُنڈہ ھم توار چِست بیگ ءَ اَت “دود ءُ ربیدگی برادری”۔ چونیں وشیں روچ اِت اَنت۔
اے روچانی نی آسر بیگی اِنت، زرد ءُ سیاھیں لُنٹ نوں بُجگ ءَ لگ اِت اَنت اے وت مئے انسانیت ءِ درگت ءَ گپ ءَ لگ اِت اَنت، بلے تھنا مارا چہ مئے گیر انسانیت ءَ ملامت کنگ ءَ اِت اَنت۔ ما ایشانی ھمے زھری ءُ وشیں رویہ ءَ گوں اعتراض، شریں وڑی ءَ گوش داشت اَنت، چوناھا مارا پھر بیگءَ ءُ ما ھیران اَت ایں کہ ایشاں وت مئے ھبر بندات کُتگ، بچار ما چون بے وار کُت اَنت۔ مارا شک وَ نہ اَت بلے جیڑگ ءَ اَت اِیں کہ باریں مئے (نظریہ) لیکہ ءَ من اَنت اگاں ناں، پرچا کہ آیاں مئے مخلصی ءِ سر ءَ پیش ءَ چہ باور نہ اَت۔
گُڑا آ وھد ءَ یورپ ءَ وتی مشن ءِ سر ءِ باور اَت، پرچا کہ آیاں ایشیا ءِ مھلوک ھیلینائز کُتگ اَت، وتی رنگ ءِ داتگ اِت اَنت۔ آ یونانی لاتینی نگروانی یک نوکیں نسلیں جُوڑ کُتگ اَنت۔ گُڑا ما وتی تھءَ اے جیڑگ بندات کُت کہ بلے ھرچی کن اَنت، بلے وتءَ دل یکیم کن اَنت، اے ھیال ءَ گوں کہ اے ھچ زھم نہ جن اَنت ۔
ھمے میان ءَ یک نوکیں پدریچے دیم ءُ اتک کہ گوں اوپار ءُ زانتکاریاں جیڑھانی مٹ کنگ ءَ دلگوش بیت اَنت، آیانی نبشتہ کار، آیانی شائر مارا اے سوج دیگ ءَ اِت اَنت کہ مئے دود ءُ ربیدگ ءُ آیانی دود ءُ ربیدگ سیادی نہ کن اَنت۔ ءُ اَے گُشتگ اِت ایش کہ اے وھدی نہ آ مارا سرجمی ءَ رد کُت کن اَنت، نہ کہ شری ءَ سرپد بیت کن اَنت ۔ آ ارزانیں لبزاں اے گوشگ ءَ اِت اَنت کہ “ آ مارا جناور جوڑ کنگ ءَ اَنت، آیانی انسانیت ءِ گوشگ اِنت کہ ما دگہ سرجمیں مردماں گوں یک اِنت بلے آیانی نسل پرستیں رھبنداں مارا چہ ایندگہ مردماں جتا کُتگ۔”
ما وش وش ءَ درستاں گوش دارگ ءَ اِت اِیں، ھرچی کہ کالونیل واکدار اَت اَنت، آیاں وَ ھیگل ءَ را وانگ ءِ زر رسگ ءَ نہ اَت، پمیشکا آیاں ھیگل نہ ونت۔ ( ھیگل زمانگی فلاسفر (کواسے) بیتگ) چوناھا ایشاں اے گپ ءِ زانگ ءِ ھاترءَ یک فلاسفرے ءِ زلورت نہ اِنت کہ نیم مرتگیں زمیر وت مدام یک تضادے ءِ توک ءَ مانگیشیتگ۔ اے وڑیں مردم ھچ کُت نہ کن اَنت ، شرتر ھمیش اِنت بلے ھمے وڑ ءَ اَنت۔
بلے مارا ایشاں بیوار کنگ برجاہ دارگی اِنت۔ ھمے وڑ ءَ آ گپ ءَ ابید دگہ ھچ کُت نہ کن اَنت۔ ما زانتکاراں اے گوشت کہ میانءَ اگں ما لوٹءِ بہ کن ایں گُڑا آ یکجائی ءِ بہ بیت، چہ آیاں ھرچی بلوٹ ءِ سکیں دردناکیں گپ اِنت، اے وَ زائریں گپ ءِ کہ آ ھچ نہ دی اَنت، ھما سسٹم کہ مارا لوٹگ ءُ پلگ ءَ گوں زندگ اِنت آ مارا چی دنت؟ انچو کہ شما سرپد اِت اگاں آ بہ دانت آئی سجھیں کار ھراب بنت۔ شرتر ھمے بیت کہ ما مردماں ھمے وڑ دلمانگ بہ کن ایں۔
مارا چہ بگاوت ءَ ھچ پریشان بیگی نہ اِنت، ھما کہ وت یورپین بیگ لوٹاں آ کج ءَ یورپیناں کش اَنت؟ گپاں گونڈ گِراں، ما چوناھا ایشانی دلبڈی کنگی ءَ ءُ جیڑگ ءَ اَت ایں کہ امبری پرکس کنسڑٹ ایوارڈ (داد) ءَ یک نگروے (سیاہ) ءَ بہ دیاں۔ اے 1939 ءَ پیش ءِ گپ اِنت۔ ( پرکس کنسرٹ فرنچ لٹریچر ایوارڈ اِنت کہ سال ءِ وشتریں ھیال درشان کنوک ءَ دیگ بیت)۔
نی 1961 اِنت،
گوش داریت: “نی مارا ھمک ساھت ءُ دمان ھمے یکیں ھبرانی کنگ ءَ وھد زوال کنگی نہ اِنت، یلہ کن اِت یورپ ءَ کہ شریں مردمانی ھبر ءَ سیر نہ بیت بلے انگت، جھان ءِ کُنڈ کُنڈ ءَ ھرچ دمگی ءَ کہ شریں مردمے گند اِیت کشیت اِش۔ پہ نام گپتیں روھانی تجربگایاں ایشاں تنی وھدی جھان ءِ نیم انسانیت ھلاس کُتگ”۔
لھجہ نوک اِنت، کَے اے وڑ ءَ گپ کنگءَ ساڑی اِنت ؟ اے یک افریقن اِنت، سَیمی جھان ءِ مردم، یک گوستگیں گلام۔ واجہ ءَ دیم ءَ گوشت، “یورپ نی انچیں گنوکی ءُ ناسرپدیانی تھءَ پتر تگ کہ آیانی دل ءَ نی ما سک دیم ءَ شُتگ ایں ۔ شما انچو سرپد بہ بہ ات کہ آ سر مکوکائی جُھلیں چاتے ءَ کپگ ءَ اِنت، شرتر ھمے بیت کہ ما وت ءَ را بہ رکین اِیں”۔ ارزانیں گالان اے نی ھلاس بیگ ءَ اِنت۔ ما شما درست سرپد اِیں کہ اے یک انچیں راستی اَنت کہ پہ آیاں بژنی گپ اَنت، بلے ما شما درا سرپد اِیں۔
مارا نی اد ءَ یک گپے منگی اِنت، پہ درور “اگاں یک فرنچے بہ روت ءُ فرانسیسیاں بگش اِیت کہ اے ملک نی ھلاس اِنت”۔
آ اَت گپءَ 1930 ءَ چہ اِش کنگ ءَ اِنت، گُڑا اے تھنا یک جزباتی ھبرے، مھر ءُ زھری ءَ گوں اے گپانی جنوک وتءَ ھم ھمے ملکیاں ھوار کنت۔
آ پد ءَ گُش ایت، کہ اگاں منی گپ گرگ نہ بیت اَنت گُڑا ڈیھ تاوان ءِ پرشت پروش ءِ نیمگ ءَ رؤت، تچکیں گپانی تھءَ اے شیوار ھم کنگ ءَ اِنت ءُ سر سوج ھم، اے گپ، اے ھاترءَ کم تُرسناک اَنت پرچا کہ آ گوں اَے درشان ءَ وت ءَ ڈیھ ءِ دردوار پیش دارگ ءَ اِنت۔
ابید چہ ایشی ءَ فینن اگاں گْوش ایت کہ یورپ تیزی ءَ تاوان ءِ نیمگ ءَ روگءَ اِنت آ تھنا تُرس ءِ مارشت ءَ نہ دیگ ءَ اِنت بلکیں نادراھی ءِ پجار ءَ کنگ ءَ اِنت۔ اے ڈاکٹر تھنا اے گوشگ ءَ نہ اِنت کہ اے نادراھی ءَ الاج نیست، کُدرت ھم برے برے کار کنت ءُ ناں کہ ڈاکٹر ایشی الاج ءَ گْوش ایت ۔ آ تھنا کَش ءُ کِر ءَ بیوکیں چیزاں گندگ ءُ اے گوشگ ءَ اِنت کہ یورپ ءَ نی مرگی اِنت۔
آ ایشی رکینگ ءَ پہ، ھچ نہ گْوش ایت پرچا کہ آ اے سرپد بیت کہ چَہ ایشی رکینگ ءَ، دگہ شرتریں کار ھست ءُ اے گْوش ایت کہ آ مریت یا زندگ بیت منا پَرک (گوش ءَ مورے نہ وارت) نہ دنت۔ ھمے سبب اِنت کہ اے (وانگی) کتاب پہ بازینے ءَ ناقابل ءِ منگ اِنت۔
اگاں ایشی وانگ ءَ تئی دل کمو جنت ءُ کمو پشلی مار ئے گُڑا بزاں تو شری ءَ سرپد بیگ ءَ نہ ئے، چوناھا فینن ءِ مول اے نہ اِنت۔
اے (وانگی) کتاب ءَ انچیں چیز ھست کہ باز ءَ سک گرما گرم اِنت بلے پہ تَو چو برپ ءَ سک سرد اِنت ، فینن اے وانگی ءِ تھءَ ترا گُشگ ءَ نہ اِنت بلے تئی بارو ءَ گوشگ ءَ اِنت۔
روان اِنت۔
دی بلوچستان پوسٹ: اے نبشتانک ء تہا درشان کُتگیں ھیال ءُ لیکہ نبشتہ کار ئے جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت