پنجاپی ءُ ھندوانی میان ءَ سیاسی جنگ انت اسلام ءَ گوں ایشی ءَ ھچ سیادی نیست انت- ملا عبدالسلام ضعیف

پاکستان ءَ امارت اسلامیہ ءِ گوستگیں سفیر ءُ طالبان رھشون ملا عبدالسلام ضعیف ءَ گوشتگ پاکستان ءُ بھارت ءِ میان ءَ بندات بیتگیں میڑ ءَ را سیاسی میڑ گوشان ءَ بیھار داتگ کہ پاکستان پشتوناں جھاد ءِ نام ءَ بھارت ءِ ھلاپ ءَ جنگ ءِ کنگ ءِ سکین ءَ دنت اِنت-

آئی ءَ چاگردی ترامجاہ ایکس ءَ گوشتگ‘ اے ھندو ءُ پنجاپیانی میان ءَ سیاسی جنگے ءُ ایشی ءَ دین ءَ گوں سیادی نیست انت – پنجاپ جھاد ءِ نام ءَ پشتوناں بھارت ءِ ھلاپ ءَ جنگ کنگ ءِ سکین ءَ دنت اِنت ’-

ملا ضعیف ءَ کڈن کتگ ءُ گوشتگ پشتون وت وتی زھگاں اے پاکستانی پندلاں در بہ کنت اِنت-

اے گپ ھما وھد ءَ دیم ءَ اتکگ کہ گوستگیں شپ ءَ بھارت ءَ استان ھیبر پکتونواہ ءَ لھتے سد کلو میٹر ءِ دوری ءَ کشمیر، پنجاپ ءُ دگہ شھراں ترندیں راکٹ اُرش کتگ-

پاکستانی پوج ءَ اُرشاں 26 مردمانی بیرانی ءُ 46 ءِ زدگ بوگ ءِ ھال راست کتگ انت-