بلوچ یکجھتی کمیٹی ءَ وتی شنگ کتگیں جارانکے ءَ گوشتگ بلوچ ورنا ھمک روچ نشانگ کنگ ءُ کشگ بوگ ءَ انت کہ ایشی ءِ ھلاپ ءَ بی وائی سی بلوچستان ءِ جتا جتائیں جاھاں زھرشانی کنت اِنت-
درشان ءَ گوشگ بیتگ کہ پاکستانی پوج ءَ بلوچ راج ءِ ھلاپ ءَ کریک ڈاؤن ترند کتگ انت- چریشی ءَ نشانگ کنگ ءُ کشگ ءُ زورانسری بیگواھیانی توک ءَ گیشی اتکگ انت-
آئی ءَ گوشتگ انٹیلی جنس انجسی، سیکورٹی پورسز ءُ آئی ءِ داشتگیں ملیشیا تچک ءَ بلوچ ورنایاں نشانگ کنگ ءَ انت چریشی ءَ دمگ ءَ انسانی ھکانی لگتمالیاں گیشی اتکگ انت-
درشان ءَ زھرشانیانی جار جتا جتائیں جاہ کراچی، گومازی تمپ،پسنی، بلیدہ، پنجگور، مستونگ، شال، کلات، نسیر آباد، تربت، دالبندین، زھری ءُ نوشکی ءَ زھرشانی کنگ بیت اِنت-
زانگ بہ بیت چیز وھد انت کہ بلوچ ورنا بلوچستان ءِ جتا جتائیں جاھاں نشانگ بوگ ءَ انت کہ چریشی ءِ سبب ءَ دمگانی جاور گیش ناگیگی ءِ دیمپان بوگ ءِ گمان ءَ کنگ ءَ اَنت-