بلوچستان ءِ دمگ کیچ ءَ بمب تراک ءُ ٹرالرانی ماندارگ ءِ اھوال-
گیشیں اھوالانی رد ءَ ناشناسیں سلاہ بندیں مردماں چارشمبے ءِ بیگاہ ءَ تجابان ءَ ھپتاری کور ءِ نزیک ءَ سی پیک دگ ءِ سر ءَ ٹرالر اُرش کتگ ءُ چار ٹرالر مانداشتگ انت-
پولیس ءِ رد ءَ اے وئیل ءَ دگہ جانی تاوانانی اھوال نہ بیتگ انت-
دومی نیمگ ءَ پولیس ءِ گوشگ انت کہ تربت ءِ شھر ءَ مگرب ءِ وھد ءَ بازیں تراک ءُ تیرگواریانی توار اشکنگ بیتگ انت-
پولیس ءَ تراک ءِ ھال راست کنان ءَ گوشتگ تراکانی جاگہ چارگ بوگ ءَ انت-
دمگی مردمانی رد ءَ دمگ ءَ بازیں کچے ءَ سلاہ بندیں مردمانی جاڑیگ بوگ ءِ ھال انت سلاہ بندیں مردم تربت ءِ جتا جتائیں جاھاں تر ءُ گرد کنگ ءَ انت-