ھپت کاروائیاں زوگریں پوج ءِ 5 کارندہ کشتگ انت – بی ایل اے

بلوچ لبریشن آرمی ءِ جارکش جیئند بلوچ ءَ رسانکدراں شنگ کتگیں درشان ءَ گوشتگ بی ایل اے ءِ سرمچاراں تربت، تمپ ءُ پنجگور ءَ ھپت جتا جتائیں کاروائیانی وھد ءَ زورگریں پاکستانی پوج نشانگ کتگ ءُ شھدگ بستگ انت – اُرشاں دشمن ءِ پنچ کارندہ کشتگ ءُ سیزدہ زدگ کتگ انت-

جارکش ءَ گوشتگ بلوچ لبریشن آرمی ءِ سرمچاراں گوستگیں شپ ءَ پنجگور ءِ دمگ سرادوک ءَ زورگریں پاکستانی پوج ءِ بنجاھی بنجل دو نیمگاں اُرش کتگ – سرمچاراں دشمنیں پوج ءِ پوزیشنز ءِ سر ءَ راکٹ لانچر ءَ بیست گولہ آس داتگ- ھمے وڑ مزنین ءُ وتکاریں سلاہ کارمرد کتگ انت- نیم ساھت ءَ گیش برجاھیں اُرش ءَ پوج ءِ سَے کارندہ مرتگ انت ءُ کم چہ کم چار زدگ بیتگ انت ءُ آیاں بازیں کچے ءَ مالی تاوانانی دیمپانی کنگ کپتگ –

آئی ءَ گوشتگ یک دگہ کاروائی یے بلوچ لبریشن آرمی ءِ سرمچاراں گوستگیں شپ ءَ پنجگور ءِ دمگ وشبود ءَ مزن شھدگ بستگ- ءُ سرمچاراں دو اداراں راہ بستگ ءُ اسنیپ چیکنگ کتگ-

آئی ءَ گوشتگ بی ایل اے ءِ سرمچاراں گوستگیں شپ ءَ تربت ءِ شھر ءَ بالی پٹ دگ ءَ زورگریں پاکستانی پوج ءِ کارندہ ھما وھد ءَ نشانگ کتگ انت کہ آ ناکہ بندی ءَ دزبند بیتگ انت- اُرش ءِ آسر ءَ دشمن ءِ یک کارندھے مرتگ ءُ دو زدگ بیتگ انت-

جارکش ءَ گوشتگ بلوچ سرمچاراں تربت ءِ شھر ءَ یک دگہ کاروائی یے تعلیمی چوک ءَ ھستیں زورگریں پاکستانی پوج ءِ چوکی دزبمبے ءِ نشانگ کتگ چریشی ءَ دشمن ءَ جانی تاوانانی دیمپانی کنگ کپتگ-

جارکش ءَ گوشتگ بی ایل اے ءِ سرمچاراں سیمی اُرش تربت ءِ دمگ گیبن ءَ زورگریں پاکستانی پوج ءِ پوسٹ گرنیڈ لانچرانی نشانگ کتگ چریشی ءِ آسر ءَ کم چہ کم چار کارندہ زدگ بیتگ انت-

جارکش ءَ گوشتگ بلوچ لبریشن آرمی ءِ سرمچاراں تمب ءِ دمگ ھیر آباد ءَ زورگریں پاکستانی پوج ءِ پوسٹ گرنیڈ لانچرانی نشانگ کتگ ءُ نشانگ ءَ کپتگ انت ءُ دشمن ءَ جانی ءُ مالی تاوانانی دیمپانی کنگ کپتگ-

جارکش ءَ گوشتگ بی ایل اے ءِ سرمچاراں تمپ ءِ دمگ میر آباد ءَ زورگریں پاکستانی پوج ءِ یک پوسٹے اُرش ءِ نشانگ کتگ – سرمچاراں دشمنین پوج ءِ پوزیشنز گرنیڈ لانچرانی گون ءَ اُرش کتگ کہ چریشی ءِ آسر ءَ دشمن ءِ یک کارندھے مرتگ ءُ کم چہ کم سَے زدگ بیتگ انت-

جارکش ءَ گوشتگ بلوچ لبریشن آرمی اے درستیں اُرشانی زمہ واریاں من ایت ءُ کول کنت کہ زورگریں پاکستانی پوج ءَ چہ بلوچستان ءَ درکنگ ءَ وتی کاروائیاں برجاہ دار ایت-