ہرنائی ءِ تھسیل شاھرگ ءِ اشکرانی کھن ءِ ویل ءِ اسر ءَ یک کاریزے بیران بوتگ۔
بنشون ءِ رد ءَ کھن ءِ تہ ءَ ھاک ءِ کرود ءِ کپگ ءَ چہ کاریز لعل بادشاہ چیر ترّ اِتگ ءُ بیران بوتگ ، ریسکو ءِ ٹیم ءَ لاش در کُتگ ءُ رورل ہکلتھ سینٹر ءَ شاھرگ سر کتگ اود ءَ ھژردی کاراں چہ رند میت کھول ءِ ھوالہ ءَ دیگ بوتگ۔
بیران بوتگیں کاریز خیبر پختونخوا ءِ دمگ ءِ اپر دیر ءِ جھمنند گوشگ بیتگ-
زانگ بہ بیت کہ بلوچستان ءِ تہ ءَ اشکر کھنانی پھازوکانی کمی ءِ سبب ءَ جان کُشیں وئیل پیش آیگ ءَ انت وھدیکہ دنی وھدی سدانی کچ ءَ مزدوراں جان داتگ یا ٹپی بوتگ اَنت
سرکاری کچّ ءُ کساسانی مُتابک ءَ بلوچستان دمگ کوئٹہ، بولان، ہرنائی، لورالائی، ءُ دکی، ءِ تہ ءَ 256 ملین ڈن ءَ چہ گیش اشکر ءِ مُچین ھست۔
سینٹ مائنز لیبر فیڈریشن ءِ مُتابک ءَ اشکرانی کھن ءِ شعبہ ءَ چہ بلوچستان ءِ تہ یک لکے ءَ چہ گیش مزدور وابستہ اِنت شرتریں ٹیم پہ سمبالگ ءَ انتزامات نہ بیگ ءِ سبب ءَ ھر سال بازیں کاریز وتی ساہ ءُ سراں زبھر بوگ ءَ انت-