زابل ءُ دزاپ ءَ راہ ءَ پیش اتکگیں دگ ءِ وئیلے شش مردم بیران ءُ زدگ بیتگ اَنت

روکپتی بلوچستان ءِ بنجاھی شھر زاھدان ءُ زابل ءِ راہ ءَ گوستگیں شپ ءَ پیش اتکگیں یک وئیلے ءَ کساس یک مردمے.بیران ءُ پنچ کس زدگ بیتگ اُنت-

وئیل لوتکہ ءِ دمگ ءُ زابل ءُ زاھدان ءِ راہ ءَ پیش اتکگ کہ اود ءَ یک سواری گاڑی ءُ یک تیل کشیں گاڑی ءَ ٹکر وارتگ ءُ چریشی ءَ تیل کش ءِ ڈرائیور ستکگ ءُ بیران ءُ آئی ءَ سواریں مردم زدگ بیتگ-

دومی گاڑی یک سواری گاڑی یے بیتگ کہ آئی ءَ چار کس سوار بیتگ اَنت ءُ چریشی ءَ ھرچاریں مردم زدگ بیتگ اَنت-

بیران بیتگیں مردم ءِ پجار مھمود براھوئی ء اھمد ءِ نام ءَ زانگ بیتگ کہ آ زابل ءِ جھمنند گوشگ بوگ ءَ اِنت- زدگ بیتگیں مردمانی پجار زانگ نہ بیتگ اَنت-

زدگ بیتگیں مردم درمانی ءَ ھسپتال ءَ برگ بیتگ اَنت- وئیل ءَ ھردوکیں گاڑیاں ڈیکر ورگ ءَ گاڑیاں آس کپتگ ءُ تیل کش ءِ ڈرائیور ءَ ھمود ءَ وتی ساہ داتگ اَنت-