کیچ ءِ دمگ بلیدہ گلی، زنڈان ءَ پاکستانی فوج ءِ نیمگ ءَ چیک پوسٹ ءِ جوڑ کنگ ءِ ھلاپ ءَ بلیدہ ءِ مردماں زھرشانی کتگ ءُ راہ ھم بند کتگ۔
اے زھرشانی ءَ مزنیں کساسے ءَ دمگی مردماں بھر زرتگ کہ آھانی تہ ءَ جنین آدم ھم ھوار بیتگ اَنت۔
زھرشانی کنوکاں گْوش اَنت کہ پیسر ءَ باھوٹ بازار ءَ یک چیک پوسٹے ھست انت کہ مردم چہ ایشی ءَ بیزار اَنت، نوں ما زُنڈان ءَ آبادی ءِ تہ ءَ نوکیں چیک پوسٹ ءِ جوڑ کنگ ءِ اجازت نہ دئیں پرچا کہ اے چیک پوسٹانی سر ءَ آبادی آزار دیگ بیت انت۔
زانگ بہ بیت اے دمگ کش ءُ گوری ءمیتگاں مزنیں کچے ءَ پاکستانی لشکر ایر کنگ بیتگ ءُ شپ ءَ میتگانی تہ ءَ سرچ لائٹ جنت ءُ چریشی ءِ سبب ءَ زالبول مزنیں جیڑھانی آماچ اَنت۔
مردمانی گشگ انت کہ پاکستانی فوج ءِ رویہ گیر انسانی انت، اے وڑیں کار مھلوک ءِ جیڑھاں گیش کنگ ءَ انت، ایشاں چہ پورسز ءِ لوگاں درکنگ بہ بیت۔
–