بلوچستان لبریشن فرنٹ ءِ جارکش میجر گْوھرام بلوچ ءَ شنگ کتگیں درشان ءِ تہ ءَ گْوشتگ کہ مئے سرمچاراں بارکان ءِ ھند تنگ کاریز ءَ موبائل ٹاور ءِ سر ءَ تیرگواری کنگ ءَ پد مانداشتگ۔
جارکش ءَ گْوشتگ یک ستمبر ءَ یک شمبے ءِ روچ ءَ بیگاہ ءِ شش ءُ چل ءَ بارکان ءَ تنگ کاریز ءَ مکیں یوپون شرکت ءِ ٹاور ءِ سر ءَ تیرگواری کرتگ ءُ مشین ءُ سامان مانداشتگ اَنت۔
جارکش ءَ گْوشتگ کہ ریاستی رھوتی نزام ءِ مول بلوچستان ءَ بلوچ سرمچارانی ٹریس کنگ ءُ نشانگ کنگ اِنت، بلے بلوچ سرمچار ھر ھما شوربندی ءَ نشانگ کن اَنت کہ آئی مول بلوچ راج ءُ سرمچارانی تاوان دیگ بہ بیت۔
آئی ءَ گْوشتگ موبائل ٹاور ءِ سر ءَ نشتگیں ھندی پھازداراں کڈن کن ایں کہ بلوچ سرمچارانی راہ ءِ دیم ءَ اڑاند بوگ ءَ یل بہ کن اَنت، اگاں نہ وتی تاوان ءِ زمہ وار وت اَنت۔
میجر گْوھرام ءَ گْوشتگ کہ بی ایل ایف اے اُرش ءِ زمہ واری ءَ منّ ایت ءُ ریاستی پوج ءُ شوربندیاں داں پوج ءِ در آھگ ءَ نشانگ کن ایں۔