سر بیتگیں اھوالانی رد ءَ ایران ءِ اُستان اسپھان ءَ ایرانی لشکر ءَ سَے گاڑیانی سر ءَ تیرگواری کرتگ ءُ چریشی ءَ چہ چار بیران ءُ دو زدگ بیتگ اَنت-
اھوالانی رد ءَ گاڑیانی تہ ءَ بیران بیتگیں مردمانی پجار نہ بوتگ بلے زدگ بیتگیں مردمانی پجار دیم ءَ اتکگ اَنت-
زدگ بیتگیں مردمانی نام سناء اللہ سرگلزئی ءُ سعید کبدانی ءِ ناماں زانگ بیتگ اَنت ھردوک زاھدان ءِ جھمنند گوشگ بوگ اَنت کہ اے ساھت ءَ نادراہ جاہ ءَ تھتیگ اَنت –
اھوالانی رد ءَ ایرانی لشکر ءَ ھرسئیں گاڑیانی سر ءَ تیرگواری کرتگ ءُ چریشی ءَ گاڑی کلٹی بیتگ ءُ گاڑیاں آس کپتگ، آس ءِ کپگ ءِ سبب ءَ شش مردم آس ءَ گپتگ اَنت کہ ایشانی توک ءَ چار مردم ستکگ ءُ بیران بیتگ اَنت ءُ دو آس ءَ زدگ کتگ اَنت-
زانگ بہ بیت روکپتی بلوچستان ءَ مسترین دنداہ مردمانی تیل کشی اِنت کہ چریشی ءِ سر ءَ مردم وتی گزران ءَ کنگ ءَ اَنت ءُ بلے اے گزران پراھیاں یک ساہ کشین جانے بوگ ءَ اِنت –