بلوچستان لبریشن فرنٹ ءِ جارکش میجر گھرام بلوچ ءَ رسانکدراں شنگ کُتگیں درشانے تہءَ گُشتگ کہ بی ایل ایف ءِ سرمچاراں آواران ءِ ھنکین تیرتیج آھوری ءَ برجاھیں گورنمنٹ ریزیڈینشل کالونی ءِ کنسٹرکشن سائیٹ ءِ سرءَ اُرش کُتگ۔
آئی ءَ گُشتگ کہ اے جھمنندی کالونی ءِ نامءِ سرءَ یک مزنیں جاہ قوضہ کنگ ءُ لس مھلوک زمین گیشتر تنک کنگ بئیگ ءَ اِنت۔ اُرش ءِ تہءَ گاڑی ءُ مشینری ماندارگ بیتگ اَنت۔
میجر گھرام ءَ دیمتر ءَ گُشتگ کہ سرجمیں بلوچستان ءَ اسکول، کالج، ھسپتال ءُ دگہ دیمرویانی نام ءَ اَڈ بیتگیں ماڑی پوجی بنجلانی نام ءَ ھمک میتگ ءُ بازار ءَ گندگ بنت۔ کہ اِشی ما ھچبر اجازت نہ دئیں۔
جارکش ءَ گُشتگ کہ ما چُشیں شوربندیانی سرءَ کارکنوکیں درستیں ٹھیکہ داراں چہ دزبندی کنیں کہ آ چُشیں پُل پانچی شوربندیانی بھر مہ بنت۔ اگں نہ آ وتی درستیں تاوانانی ذمہ وار وت بنت۔