آئی پی ایل 2023: دھلی کیپیٹل ءَ پنجاپ کنگز ءِ دیم ءَ پانزدہ رناں گوازی کٹ اِتگ

انڈین پریمئیر لیگ ءِ شانزدھمی سیزن ءِ شست ءُ چارمی گوازی پنجاپ کنگز ءُ دھلی کیپٹل ءِ میان ءَ بوتگ کہ ڈی سی ءَ دو وکٹانی تاوان ءَ پانزدہ رناں گوازی کٹ اِتگ –

اے گوازی ءَ اولسر ءَ بیٹنگ کنان ءَ دھلی کیپیٹل ءِ ٹیم ءَ جوانی ءَ گوازی کنان ءَ دو وکٹانی تاوان ءَ دوسد ءُ چاردہ رنانی ٹارگٹ ایرکتگ – دھلی ءِ نیمگ ءَ کپٹن ڈیوڈ وارنر ءُ پرتھوی شا ءَ جوانیں گوازی پیش داشتگ – وارنر ءِ نیم سنچری ءَ بس چار رن بچ اِتگ ءُ وھدیکہ پرتھوی ءَ وتی نیم سنچری کتگ – اشاں پد ریلی روسو اتکگ کہ آئی چکا پہ چوکا کتگ ءُ دھلی ءِ اسکور یکسد ءُ سینزدہ ءَ سر کتگ –

ریلی روسو ءَ بس سِی ءُ ھپت بالاں ھشتاد ءُ دو رن جوڈ کتگ – دھلی ٹیم ءِ بالنگ ھم بندات ءَ جوان بوتگ بلے پدا اتھرو تائیڈے ءُ لیونگسٹن ءَ بالگرانی دیم مھکمی ءَ گوں داشتگ – ھردوکاں تیزی ءَ گوں نیم سنچری کتگ – تائیڈے پنجاہ ءُ پنچ رنانی جوڈ کنگ ءَ پد واتر بوتگ بلے لیونگسٹن ءَ دھلی ءِ ساہ گپتگ – آئی جوانی ءَ گوازی کنان ءَ گوازی گڈی اوور ءَ تاں سر کتگ –

گڈی اوور ءَ پنجاپ ءَ پہ کٹگ ءِ ھاتر ءَ بس سِی ءُ سَے رن درکار بوتگ بلے لیام ءَ تاں گڈی بال ءَ ھمت دور نہ داتگ ءُ چِل ءُ ھپت بالاں نود ءُ چار رن جوڈ کتگ ءُ ناٹ آؤٹ بوتگ – پہ ٹیم ءِ کٹارینگ ءَ لیام لیونگسٹن ءَ ھچ وڈیں کسر یل نہ داتگ –

بلے گڈسر ءَ اے گوازی دھلی ھک ءَ شتگ ءُ دھلی ءَ اے گوازی پانزدہ رناں کٹ اِتگ-