ایرانی لشکر ءِ تیرگواری ءَ یک تیل کشے بیران

روکپتی بلوچستان ءَ ایرانی پھزدار یکشل ءَ تیل کشوکیں مردماں تیرانی نشانگ کنگ ءُ کُشگ ءَ اَنت –

روکپتی بلوچستان ءِ دمگ ایرانشھر “پھرہ ” ءَ یک تیل کشین گاڑی یے سر ءَ ایرانی پھزداراں تیرگواری کنان ءَ گاڑی چپ بیتگ ءُ چریشی ءَ گاڑی ءِ ڈرائیور ءَ وتی ساہ داتگ اَنت-

گیشیں اھوالانی رد ءَ بیران بیتگیں مردم ءِ پجار بیست ءُ چار سالیگیں جمعہ سرافرازی ء علی جھمنند خیر آباف نایگون ایرانشھر ءِ نام ءَ زانگ بیتگ –

ھالانی رد ءَ گوشگ بیتگ کہ ایرانی مرساد ءَ ایرانشھر ءَ گاڑی ءِ سر ءَ ھما وھد ءَ تیرگواری کتگ کہ گاڑی روگ ءَ بیتگ کہ آیاں ابید ءِ دست دیگ ءَ گاڑی ءِ سر ءَ تیرگواری کتگ ءُ چریشی ءِ گاڑی کپتگ ءُ گاڑی ءِ ڈرائیور زدگ بوتگ ءُ چریشی ءَ آئی ءَ راہ ءَ ساہ داتگ اَنت-

روکپتی بلوچستان ءَ یکشل ءَ تیل کشیں مردمانی سر ءَ ترندی برجاہ اَنت ءُ چریشی ءَ بازیں تیل کشیں مردماں مرگ ءِ دیمپانی اِنت –

ھمے سال ءَ تنی وھدی ھشتاد ءُ دو کس ایرانی لشکر ءِ تیرگواری ءُ دگ ءِ وئیلانی تہ ءَ مرگ ءِ آماچ بیتگ اَنت-