روکپتی بلوچستان ءَ سرباز ءَ دو جتاجتائیں جاھاں کم چہ کم پنچ مردم بیران بیتگ اَنت-
سر بیتگیں ھالانی رد ءَ روکپتی بلوچستان ءَ یکیں کھول ءِ سَے کس آپ ءَ کپتگ ءُ بیران بیتگ اَنت ءُ ھمے وڑ ءَ یک زالبولے گوں زھگ ءَ آپ ءَ کپتگ ءَ بیران بیتگ اَنت-
سرباز ءِ دمگ جکوکی ءَ یک آپے ءَ زھگے شترتگ ءُ کپتگ ءُ مات ءَ زھگ ءِ رکینگ ءِ جھد کتگ ءُ مات ھم بڈ اتگ ءُ ھردوک بیران بیتگ اَنت –
بیران بیتگیں زالبول ھاپز ابوبکر ءِ لوگ بانک اِنت ءُ دومی آئی ءِ ھُردوکیں زھگ اِنت-
دگی یک وئیلے سرباز پیروز آباد ءَ پیش اتکگ کہ اود ءَ یکیں کھول ءِ سَے مردم بڈ اتگ ءُ بیران بیتگ اَنت-
سَے بیران بیتگیں مردمانی پجار ھاجی مھمد گنگوزئی ریگی، ھاجی عثمان ءُ معاز گنگوزئی ء ھاجی مھمد جھمنند ھاش ءِ ناماں زانگ بیتگ اَنت-