چیچہ وطنی ءِ نزیک ءَ شال ءَ چہ پشاور ءَ رؤکیں والی جعفر ایکسپریس ءِ تہءَ تراک ءِ بیتگ۔
ریلوے اھوالکارانی ردءَ جعفر ایکسپریس ءَ بیتگیں تراک ءِ آسر ءَ یک زالبولیں بیران بیتگ ءُ دگہ 4 مساپر ٹپی بیتگ اَنت۔
ریلوے اھوالکارانی گُشگ اِنت کہ تراک اکانومی کلاس ءِ بوگی نمبر 6 ءِ تہءَ بیتگ، تراکے ترندی زانگ نہ بیتگ۔
وئیل ءَ ٹپی بیتگیں مردم نادراھجاہ ءَ برگ بیتگ اَنت۔
پولیس ءِ گُشگ اِنت کہ پَٹ ءُ پولی بیڑءَ پد ریل ءِ دگہ بوگی پھک گُشگ بیتگ اَنت۔
دومی نیمگ ءَ بلوچ نیشنلسٹ آرمی ءَ چاگردی رسانکدر ءِ تندجاہ ٹوئیٹر ءَ شنگ کُتگیں ٹوئیٹ ءِ تہءَ گُشتگ کہ مروچی سھب ءَ جعفر ایکسپریس ریل کہ چہ شال ءَ لاھور رؤگ ءَ بیتگ چیچہ وطنی پنجاب ءَ نشانگ کنگ بیتگ۔ اے اُرش ءِ زمہ واری ءَ ما من ایں۔