پاکستان: تیل ءِ نھادانی تہ ءَ گیشی، یک لیٹرے ءَ بیست ءُ دو کلدار گیش

پاکستان ءِ سرکار ءَ پیٹرولیم ءِ نھادانی تہ ءَ گیشی کنگ ءِ جار پرینتگ –

وزارت ھزانہ ءِ نیمگ ءَ شنگ بیتگیں پریس ریلیز ءَ گوشگ بیتگ کہ پاکستان ءِ سرکار ءَ سوڑگ کتگ کہ پٹرولیم ءِ انیگیں نھادانی سر ءَ چست ءُ ایری کتگ- جار ءِ رد ءَ نھادانی الکاپیں ھال مروچی بزانکہ شانزدہ فروری ءَ کنگ بیت اِنت-

جار ءَ گوشگ بیتگ کہ پیٹرول ءِ نھاد ءِ توک ءَ 22 کلدار 20 پیسہ یک لیٹرے ءِ سر ءَ گیش کنگ بیت اِنت، گیشی ءَ پد پیٹرول ءِ نوکین نھاد 272 کلدار یک لیٹرے ءِ نھاد بیت اِنت –

ھائی اسپیڈ ڈیزل ءِ نھاد ءِ تہ ءَ 17 کلدار 20 پیسہ گیش کنگ بیت اِنت، گیشی ءَ پد ھائی اسپیڈ ڈیزل ءِ نوکین نھاد 280 کلدار بیت اِنت –

لائٹ ڈیزل ءِ نھاد ءَ نُھ کلدار شست پیسہ گیش کنگ بیت اِنت ءُ چریشی ءَ پد لائٹ ڈیزل ءِ نھاد یک سد ءُ نود ءُ شش کلدار ءُ شست ءُ ھشت پیسہ بیت اِنت –

گاسٹیل ءِ نھادانی تہ ءَ دوازدہ کلدار ءُ نود پیسہ گیش کنگ بیت اِنت چریشی ءَ پد گاسٹیل ءِ نھاد دو سد ءُ دو کلدار ءُ ھپتاد ءُ سَے پیسہ بیت اِنت-

زانگ بہ بیت پاکستان ءِ سرکار ءِ آئی ایم ایف ءِ ھپت پوڑیانی ماٹو بوگ ءِ نیادانی سرجم کنگ ءِ گپ ءُ تران برجاہ اَنت-

آئی ایم ایف ءَ نھمی پٹ ءُ پولی نیاد ءَ آئی ایم ایف ءَ گستانی سرجم کنگ ءِ جتا جتائیں گامگیجانی لوٹ کتگ چریشی ءَ تیل ءُ گیس ءِ نھادانی گیشی ءِ ھواری ءَ ریونیو یکجاہ ءِ کنگ ءِ واستا جتا جتائیں ٹکسانی کنگ ءِ ھواری ءَ اَنت-

وزیر ھزانہ اسحاق ڈار ءَ فنانس سپلیمنٹری بل دو ھزار ءُ بیست ءُ سَے ءَ راجی پتر ءُ سینٹ ءَ پیش کتگ ات کہ آئی ءَ یک سد ءُ ھپتاد ارب ریونیو مچ کتگ ات –