کاؤنٹر ٹیررازم ڈیپارٹمنٹ ءِ دگہ یک یک دروگیں میڑے دراتکگ، بیگواھیں مردم دروگیں میڑے ءَ کُشتگ اَنت-
گوستگیں روچاں نصیر آباد ءِ دمگ نوتال ءَ کاؤنٹر ٹیررازم ڈیپارٹمنٹ ءَ ٹاہ جتگ اَت کہ یک میڑے ءَ چار مردم جتگ- بلے وائس فار بلوچ مسنگ پرسنز ءَ دو مردم ءِ پجّار کتگ ءُ گْوشتگ کہ دوئیں پیسر ءَ چہ بیگواہ بیتگ اَنت-
وی بی ایم پی ءِ رِدءَ گوستگیں روچاں ڈیرہ مراد جمالی ءَ سی ٹی ڈی ءَ ھمے کہ چار مردم کہ میڑ یے ءَ جنگ ءِ ٹاہ جتگ اشانی تہ ءَ دو مردم ءِ پجّار کھول ءَ اکبر ءُ جیسف ء نواب ناماں چہ کتگ اَنت، دوئیں برات ھمے سال جولائی ءَ چہ ڈیرہ مراد جمالی ءَ زورانسری آوار جنگ بوتگ اَنت-
زانگ بہ بیت زی سی ٹی ڈی ءَ ٹاہ جتگ کہ نصیر آباد ءِ دمگ نوتال ءَ ناشناسیں سلاہ بنداں سی ٹی ڈی ءِ گاڑی ءِ سر ءَ تیرگواری کتگ پسّھی تیرگواری ءِ آسر ءَ چار مردم کُشگ ءُ دو سی ٹی ڈی کارندہ ٹپی بیتگ اَنت-
سی ٹی ڈی ءَ گوستانک ءَ ھم اے وڑیں میڑاں ٹاہ جنگ ءُ آگاہ ءَ اِنت بلے پد ءَ اشانی پجّار چہ پیسر ءَ بیگواہ کنگ بیتگیں مردماں چہ بیتگ اَنت-
اشی ءَ ساری ءَ ھمے سال جولائی ءَ پاکستانی پوج ءَ زیارت نزیک ءَ یک میڑے ءَ بلوچ لبریشن آرمی ءَ چہ سیادی داروکیں نُھ مردم میڑ ءَ جنگ ءِ ٹاہ جتگ اَت بلے اشی ءَ پد اشانی پجّار بیگواھیں مردماں چہ بیتگ-
گوستگیں روچاں بلوچ بیگواھیں مردمانی کھول ءَ وفاقی وزیر رانا ثناءاللہ ءَ باور کنائینگ ءِ سر ءَ شال ریڈ زون ءَ وتی زھرشانی مھتل داشتگ اَت اود ءَ زھرشانی کنوکاں کمیٹی ءَ باور کنائینتگ کہ زورانسری آوار جنی ءِ گر ءُ دار ءِ ھاتر ءَ گامگیج بزور اَنت ءُ بیگواھیں مردماں دروگیں میڑاں نہ کُش ایں-