بلوچستان لبریشن فرنٹ ءَ مند ءَ پاکستانی لشکر ءِ سر ءَ اُرش ءِ زِمہ واری منّ اِتگ۔
بلوچستان لبریشن فرنٹ ءِ جارکشّ میجر گْوھرام بلوچ ءَ ماں رسانکدر ءَ وتی شِنگ کُرتگیں درشانی ءَ گْوشتگ کہ گْوستگیں روچ دوزدہ تُومشان (12ستمبر) ءِ ادار دوزدہ ءَ زُورگِپتیں بلوچستان ءِ دمگ کیچ ءِ ھند مند ھمزائی ءِ کوہ ءَ مئے سرمچاراں زُورگِریں پاکستانی لشکر ھمے وھد ءَ نِشانگ کُرتگ کہ آ گولڈ اسمتھ لائن ءَ ٹٹّ جَنَگ ءِ واستا اتکگ۔
جارکشّ میجر گْوھرام بلوچ ءَ وتی درشان ءِ دیمتِر ءَ گْوشتگ کہ دُژمِنیں لشکر ءِ گاڑی گوں بارودی سرنگ ءَ نِشانگ کُرتگ، چرے اُرش ءَ گاڑی سرجم ءَ تباہ ءُ آئی ءَ سواریں پنچ کارمند مُرتگ۔
بلوچستان لبریشن فرنٹ ءِ جارکشّ میجر گْوھرام بلوچ ءَ وتی درشان ءِ گُڈّسر ءَ گْوشتگ کہ داں ایردستیں بلوچستان ءِ آجوئی ءَ زُورگِریں دُژمِن لشکر ءِ سر ءَ مئے اے اُرش یکشل ءَ برجاہ بَہ اَنت۔