جامعہ بلوچستان ءِ سرکاری ءُ زھرشانی نندانک ءَ نشتگیں مردمانی گپ ءُ تران سوبمند

سرکاری کمیٹی ءُ نندانک ءَ نشتگیں مردمانی میان ءَ گپ ءُ تران پد جامعہ بلوچستان ءِ دیم ءَ نشتگیں نودربراں وتی نندانہ پانزدہ روچ ءِ واستا ھلاس کرتگ،زھرشانی کنوکانی گوشگ اِنت کہ اگاں پانزدہ روچ ءَ نودربر دیم ءَ آرگ نہ بیت اَنت دوبر نندانک ءَ نندیں –

نندانک ءَ دیم پہ دیمی ءَ پریس کانفرنس کنان ءَ سرکاری کمیٹی ءِ باسک ءُ استان ءِ وزیر عبدالرھماب کھیتران ءَ گُشتگ کہ ترندیں سارتی ءُ جیڑھانی زور ءَ ھم نودربر جاڑیگ بیتگ اَنت –

آیاں گُشتگ کہ بلوچستان پیسر ءَ چہ بے ھد ءَ پشتکپتگ مئے لوٹ ایں وانگی دروازگ بند مہ بنت پانزدہ روچ ءِ واستا نندانک ھلاس کنگ بیتگ –

نندانک ءَ جاڑیگیں زھرشانی کنوکانی گوشگ اِنت سرکاری کمیٹی ءِ سدکی ءَ پد پانزدہ روچ ءِ واستا وتی زھرشانی ھلاس کرتگ بلے جامعہ بلوچستان ءِ وانگی پرکاری ماٹو کنگ بنت –

زھرنشانی ءِ رھشوناں گُشتگ کہ کمیٹی ءَ پانزدہ روچ ءِ وھد لوٹ اِتگ بلے اگاں پانزدہ روچ ءَ مئے ھمراہ یل نہ بیت اَنت گڑا پد ءَ جامعہ ءِ دیم ءَ نندانہ جنگ بیت اِنت –

زانگ بہ بیت جامعہ بلوچستان ءِ بنجاھی دروازگ گوستگیں ھژدہ روچاں نندانک برجاہ بیتگ اَت نودربر جامعہ چہ بیگواھی ءِ آماچیں دو نودربر سھیل ءُ فصیح ءِ زورانسری آوار جنی ءِ ھلاپ ءَ زھرشانی ءَ بیتگ اَنت –

نودربر سھیل ءُ فصیح ھمے ماہ ءِ اولی روچ ءَ بلوچستان یونیورسٹی ءَ چہ بیگواہ کنگ بیتگ اَنت زھرشانی کنوکیں نودربرانی گوشگ اِنت نودربرانی آوار جنی ءَ ریاستی ادارہ ھوار اَنت –