بلوچستان ءَ تیرگواری وئیلاں دو مردم بیران، یکے ٹپی

سربوتگیں ھالانی رِد ءَ بلوچستان ءِ دمگ ڈھاڈر ءُ ڈیرہ مراد جمالی ءَ تیر گواری ءِ وئیلاں دو مردم بیران ءُ یکے ٹپی بوتگ –

گیشیں ھالانی رِد ءَ ڈھاڈر ءَ بس اسٹاپ ءِ نزیک ءَ ناشناسیں مردمانی تیرگواری ءَ یک مردمے بیران یکے ٹپی-

ڈھاڈر ءِ دمگ لھڑی ءَ بس اسٹاپ ءِ نزیک ءَ ناشناسیں سلاہ بندیں مردمانی تیر گواری ءَ یک مردمے بیران ءُ یکے ٹپی بوتگ، سلاہ بندیں مردم تتکگ ءُ شُتگ انت –

بیران ءُ ٹپی بوتگیں مردمانی پجار عبدالمجید ء باردین ٹالانی بیران بوتگ وھدیکہ عبدالستار ء محمد ھاشم ٹپی بوتگ، دؤئیں مردم اژدری چار ءُ ٹپاس ھاتر ءَ دمگی نادراھجاہ ءَ سرکن بوتگ انت –

ڈیرہ مراد جمالی ءَ ورنائے ءَ وت ءَ وت تیرے جتگ ءُ وتکشی کُتگ-

پولیس ءِ رِد ءَ ڈیرہ مراد جمالی ءِ دمگ تمبو ءَ چیزل آباد میتگ ءَ ورنائے ءَ وت ءَ وت تیر جتگ ءُ وتکشی کُتگ –

وتکشی کنوکے پجار حبیب اللہ بنگر ءِ نام ءَ چہ بوتگ کہ لوگی جیڑہ ئِے سر ءَ آئی ءَ وت ءَ وت ٹی ٹی پسٹل ءِ سر ءَ تیر جتگ ءُ کُشتگ –

دمگی پولیس ءَ لاش دست گپتگ ءُ نادراھجاہ ءَ سر کتگ اژدری چار ءُ ٹپاس پد لاش کھول ءِ ھوالہ کنگ بوتگ –