پاکستان ءَ گوستگیں بیست ےُ چار ادارانی تہ ءَ کورونا وائرس ءَ چہ دگہ 107 مردم بیران بیتگ دگہ 6 ھزار 397 نوکیں کیس دیما اتکگ اَنت۔ اے وھد ءَ ملک ءَ کورونا وائرس ءِ چہ سان گپتگینانی سرجمیں کساس یک لک 25 ھزار ءُ 933 ءَ سر بیتگ اَنت وھدے کہ داں انگت ملک ءَ دو ھزار 463 بیرانی بیتگ اَنت۔
پاکستان ءَ داں اے وھدءَ 40 ھزار 247 مردم کورونا وائرس ءَ چہ وش بیتگ اَنت ءُ داں انگت 8 لک 9 ھزار 169 ٹیسٹ بیتگ اَنت۔ گوستگیں بیست چار ادارانی تہ ءَ سرجمیں ملک ءَ دگہ 28 ھزار 344 ٹیسٹ کنگ بیتگ اَنت کہ داں انگت یک روچے ءِ تہ ءَ بیوکیں ٹیسٹانی تہ ءَ درستاں مزنیں شمار اَنت۔
جمئہ ءَ نیشنل کمانڈ ءُ کنٹرول سینٹر ءَ شنگ بیتگیں کساس ءُ شمارانی رد ءَ ملک ءَ کورونا وائرس ءِ درستاں گیشتر کیس اُستان پنجاب ءَ اَنت۔ اُستان ءَ کورونا نادراھانی کساس 47 ھزار 382 ءَ رس اِتگ۔
پنجاب ءَ 890 مردم مرتگ ءُ اے کساس دگہ اُستان ءُ دمگاں چہ گیشتر اِنت وھدے کہ 9 ھزار 546 مردم وش ھم بیتگ اَنت۔
سندھ ءَ کورونا ءِ 46 ھزار 828 کیس دیما اتکگ اَنت وھدے کہ یک ھزار 776 مردم وش بیتگ اَنت۔ اُستان ءَ دان انگت 890 مردمانی بیرانی ءِ دلجمیں ھال سر بیتگ۔
خیبر پختونخواہ ءَ کورونا آماچایں مردمانی کساس15 ھزار 787 سر بیتگ۔ اُستان ءَ 632 مردم مرتگ اَنت وھدے 3 ھزار 907 نادراھانی وش بیگ ءِ مھکمیں ھال سر بیتگ۔
بلوچستان ءَ کو رونا وائرس ءِ 7 ھزار 673 کیس است اَنت وھدے کہ 75 مردم بیران بیتگ اَنت ءُ وش بیتگیں مردمانی کساس 2 ھزار 673 اِنت۔
پاکستان ءِ بنجاھی تھت (راجدانی) اسلام آباد ءَ کورونا وائرس ءِ نادراھانی کساس 6 ھزار 699 ءَ سر بیتگ کہ چی ایشاں یک ھزار 164 وش بیتگ اَنت ءُ وھدے 64 مردم کورونا ءَ کُشتگ اَنت۔
گلگت بلتستان ءَ یک ھزار 30 مردمانی کورونا وائرس آماچ بیتگ۔ دمگ ءِ تھ ءَ 673 نادراہ وش ءُ پانزدہ بیران بیتگ اَنت۔
پاکستان ءِ چیر دستیں کشمیر ءَ کورونا وائرس ءِ وبا ءَ چہ سان گپتگیں مردمانی کساس 534 اِنت، 234 افراد وش بیتگ اَنت وھدے کہ دمگ ءِ تھءَ 10 بیرانی ھم بیتگ اَنت۔