نبشتانک: گلامیں راج ءِ ادارگانی اُستاد
نبشتہ کار: اسلم آزاد
دی بلوچستان پوسٹ
وھدے کہ راج گلام بنت، راجی ادارگ ھو الم گلام بنت انت وھدے درستیں راج کہ گلام بیت انت گڑا وانگ جاہ گو آزاد نہ بنت، گلامیں راج ءِ وانگجاھاں ھوں ھما کتاب وانینگ بنت کہ آ پہ مزلوم ءُ ایر دستیں راج ءِ مھلوک ءِ ھاتر ءَ سائنسداناں پٹ ءُ پولی مردم بدلی وفاداریں گلام ءُ سرکاری بابو ودی کن انت۔
گلامیں راج ءِ وانگ ءُ زانگ وڑ ءُ پیم چون بنت؟ گلامیں راج ءِ وانگی ادارگ چون گلامیں مردم پیداک کن انت؟ گڑا گپ ءَ سرپد بوگ ءِ ھاتر ءَ اے المی انت، کے گلامیں درستیں استُاد برازیل ءِ نبشتہ کار فئلو فئرارے کتاب (pedagogy of the oppressed) زلور وانگی انت۔
وانگجاھانی لگتمال کنگ ءِ ھواری ءَ پاکستانی سامراج ءَ بلوچ راج ءِ راجی زبان ءِ سرا ھوں اُرش کرتگ۔
پاکستان ءِ سرکار ءَ زور ءُ زبردستی ءَ بلوچی زبان چہ وانگجاھاں در کُتگ، دانکہ بلوچانی زھگ وتی ماتی زبان ءَ چہ پراموش بہ بنت۔
بلوچانی زھگاں پرائمری اسکول ءَ دانکہ کالج ءَ چاردہ درجگ ءَ بزاں چاردہ سال بلوچی زبان ءِ بدل ءَ اردو زبان ءِ تہ یَ وانینگ بنت، آ ھوں بلوچ زھگاں دیم ءَ ھچ کار نہ دنت، ابید چہ وھد ءِ زند ءِ زوالی ءَ، وانگجاھاں بلوچی ءِ بدل یَ اردو زبان وانینگ ءِ سوب ءَ بلوچانی زھگ وتی مادری زبان بلوچی شموشتگ ءُ شموشگ ءَ انت بلوچانی زھگ اردو زبان ءَ ھوں جوان ھیل کنگ ءَ نہ انت،نا کہ بلوچی ءَ جوانیں ساچست کنگ ءَ انت، یکیں وھد ءَ دو زبان ھیل دیگ بزان لوگ ءَ بلوچی ءُ وانگجاہ ءَ اردو ھیل داری سوب ءَ بلوچ زھگانی بودشتی سلاھیت زوال بوگ ءَ انت( intellectual genocide)، ھمےسوب انت کہ بلوچانی زھگ یک وھدے یک زبانے ءَ ھوں جوانیں کرد پیش داشت کتُ کنگ ءَ نہ انت چیاکہ آھانی مسال چو “ادا تیتر ءُ ادا بٹیر” والا کسہ ءَ انت۔
لھتے استُاد ھست انت کہ آھاں سرکارے اے زبان ءِ سر ءَ بارُش ءِ پندل سازی سرپد بوتگ کہ اے یک سامراجی ہتھکنڈے بلوچ ءِ زھگانی زوالی ءِ ھاترا کارمرز کنگ بوگ ءَ انت، گڑا آ اُستاد دگہ ھچ کرُت نہ کنت بس بلوچ ءِ زھگاں بلوچی زبان ءَ وانیناں، سرکار ھوں ھُژار انت گڑا پاکستان ءِ سرکار ءَ سرجمیں بلوچستان ءَ نکل ءَ را لس کتگ، ھردیں وانوک زھگ ھست انت آ چہ وانگ ءَ دل پروش بنت زور زبردستی نکل لس کنگ ءِ رواج داتگ دانکہ ھما گونڈل وانگ ءَ دلگوش انت آ نکل کنگ ءِ دام ءِ تہ ءَ بہ پس انت، چیاکہ سرکار ءِ اولی ءُ آکری کوشست ہمیش انت کہ بلوچ دیمروئی مہ کنت، بلوچ ءِ زھگ زوال بہ بنت ۔
پد ءَ سامراجیں سرکار گلامیں ادارگانی استادانی گچینکاری بزاں میرٹ ھمیش انت کہ ھرکس کہ وانگجاہ ءَ استاد ءِ بوگ لوٹ ایت گڑا اے الم انت کہ آ استاد علاقہ ءِ مزنین میر ءُ سردار ءِ سیاد بہ بیت باکی سنچ ءُ لائکی ءِ نام ءُ نشان نیست انت۔
گلامیں وانگجاھانی استاد، استاد کم ءُ سرکاری کمک کار گیش انت، پد ءَ ھمے استاد لاشعوری رنگ ءَ بزاں بیگانگی ءِ آماچ مہ بنت وتی وانینگ ءِ سر ءَ پھر کن اَنت ءُ ھر دیوان ءَ مزن کنان ءُ پہ پھر گوش انت”بچار پلانی ءَ منی کر ءَ ونتگ ءُ بلائیں ڈی سی جوڑ بوتگ، ڈاکٹر بوتگ ھمے ڈی سی کہ بلوچ ءِ مڈیانی لوٹ ءُ پُل کنگ ءَ پاکستانی سرکار ءِ کُمک کار انت۔
ھمے چانوگریں اسُتاداں ھچ بر اے نہ جیڑ اَنت ءُ نہ مار اَنت کہ من کہ اے پاکستانی نساب ءِ وانینگ ءَ ھوں ءُ ایشی ءِ سر ءَ وانینگ ءِ سر ءَ پھر کنگ ءَ ھوں، راستی ءَ اے ھوں گلامی ءِ یک تھرے۔
چیاکہ اے سامراج ءِ داتگیں نساب ءِ انت، اے نساب سامراج ءِ لوٹاں پیلو کنت ءُ بلوچ راج ءَ چہ راستی ءَ دور کنت، اے نساب بلوچ ورنایاں شعور ءُ سرپدی ءَ چہ گیش پاکستانی سامراج ءِ گلام جوڑ کنگ ءَ انت کہ آ بلوچ سر زمین ءِ سر ءَ پیداک بوھوکیں مڈیانی لوٹ ءُ پولءَ آسان کنگ ءَ اَنت۔
ھردیں بلوچ راج ءِ سرکاری چانوگریں استُاد پہ بلوچ راج ءَ دگہ ھچ کُت نہ کن اَنت، بلوچ راجی جنُز ءَ بگر زُرت کُت نہ کن اَنت کوہ ءَ جنگ کُت نہ کن اَنت، بی ایل اے ءِ، مجید برگیڈ، اسپیشل ٹکٹیکل آپریشن اسکواڈ، انٹیلجنس ونگ، میڈیا سیل، لوجسٹک سیل، سلاہ ءُ تپُنگ، جنگی حکمت عملی، پالیسی سازی کمیٹی ءَ کار کُت کن اَنت، سھب ءَ اسکولءَ گونڈواں اینگیج کنگ ءُ شپ ءِ نیم ءَ گوریلا کاروائی نہ کن اَنت، گڑآ کم چہ کم آ وتی راج ءَ گوں تچک بہ بنت، اسکول ءُ کالج ءِ بلوچ اسُتاداں گڑا اے ھبر شعوری رنگ ءَ زانگ ءُ سرپد بوگی انت ھردیں استاد اے سامراجی نساب ءِ وانینگ ءَ بلوچ راج ءِ ھزمت ءَ کنگ ءَ نہ انت ءُ ھردیں اے پوہ کہ من چار چوری رد دیاں گڑا اے گلت پھمی ءِ آماچ مہ بیت کہ من وتی راجی پرز ءَ پیلو کنگ ءَ آں۔
پاکستان ءِ دروگیں سیلابس ءِ وانینگ بلوچ راج ءِ گیش گمراہ کنگ ءُ پاکستان ءِ گلامی گیش رُدینگ انت، کم چہ کم استاداں اے زانگ ءُ مارگ بہ بیت کہ ما دست ءِ وت وتی راج ءِ زھگانی نسل کُشی ءِ سر ءَ پھر مہ کن ایں، سرکاری پگار بگراں، وتی جن ءُ چُکاں لاپ بدینت ءُ وتی گلامیں زندگی ءِ روچاں دیم ءَ دکہ بدینت دانکہ وتی بے مکسدیں مرگ ءَ وت بہ مِر اَنت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔