فار بلوچ مسنگ پرسنز ءِ نیمگ ءَ بلوچستان ءِ بنجاھی شھر شال ءَ ھمک عیدانی ڈول ءَ اے عید ءَ ھم زھرشانی کنگ بیتگ۔ کہ آئی ءِ تہ ءَ بیگواھیں مردمانی یل کنگ ، زورانسری بیگواہ کنگ ءِ ھلاسی ءُ بیگواھیں بلوچانی درکانودی کشگ ءِ سلسلگ ءِ سرجمیں ھلاسی ءِ لوٹ کنگ بوتگ۔
زھرشانی ءَ بھر زوروکیں بیگواھیں مردمانی کھولاں گْوشتگ کہ ائید ءِ وڑیں وشیں روچ ءَ زھرشانی ءِ مول ءُ مراد ایش اِنت کہ دگنیا ءَ وتی گم ءُ درداں دنیا ءَ سر بہ کن انت، دانکہ واکدار بیگواھیں مردمانی پجارینگ ءِ ھاترا سرپد بہ بنت ءُ جوانیں گامگیج بہ زور اَنت۔
زھرشانی ءَ بیگواھیں مردمانی سیاد ءُ وارساں ابید جتا جتائیں سیاسی گل، نودربر گل ءُ جتا جتائیں تک ءُ پھناتاں مردماں ھم مزنیں کساسے ءَ بھر زرتگ ءُ یکجھتی ءِ درشانی کتگ۔