بلوچ لبریشن آرمی ءَ آپریشن ھیروپ ءِ دومی بھر ءِ سرجمیں درشان شنگ کتگ- رسانکدر ءَ بی ایل اے ءِ جارکش جیئند بلوچ ءِ نیمگ ءَ شنگ بیتگیں درشان ءَ گوشتگ بلوچ لبریشن آرمی ءِ چیردستی ءَ آپریشن ھیروپ ءِ دومی بھر شش روچاں ترندی ءَ شھری جنگی رپکانی ھما پیسلہ داریں منانک بیتگ کہ چریشی ءَ نا ایوک ءَ بلوچ راجی گھگیری ءِ لشکری جنگ ءِ ھستی ءُ گل ءِ مھکمی املی رنگ ءِ منانک بیتگ بلکیں زورگریں ریاست ءِ لشکری شونداتانی ءُ جنگی اھوالاں ھیلنگ داتگ – 31 جنوری ءِ سھب ءِ ساھت پنچ ءَ بندات بیتگیں اے آپریشن 6 فروری ءِ بیگاہ ءِ ساھت چار ءَ دراھیں لشکری ءُ سیاسی مول ءُ مرادانی ھواری ءَ آسر بیتگ- ھمے وھد ءَ بلوچستان ءِ چاردہ شھراں بی ایل اے ءِ جتا جتائیں یونٹاں کساس 76 ءَ گیش اُرش کتگ انت – چریشی ءَ پشت ماں پشت، ھترناک ءُ ھواریں جنگ ءِ میدان سرجم کتگ-
آئی ءَ گوشتگ اے آپریشن ءَ بلوچ لبریشن آرمی ءِ دراھیں یونٹاں بھر زرتگ: مجید بریگیڈ، فتح اسکواڈ، اسپیشل ٹیکٹیکل آپریشنز اسکواڈ (ایس ٹی او ایس) زراب ( انٹیلیجنس ونگ) ءُ ھکل ( میڈیا ونگ)- کساسی رنگ ءَ بی ایل اے ءِ 93 سرمچار شھید بیتگ انت- چریشانی توک ءَ پنجاہ فدائین مجید بریگیڈ، بیست ءُ شش فتح اسکواڈ، ءُ ھبدہ ایس ٹی او ایس ءِ سرمچار ھوار انت- دومی نیمگ ءَ زورگریں پاکستانی پوج، فرنٹیئر کور، پولیس، سی ٹی ڈی، ملٹری انٹیلیجنس، انٹر سروسز انٹیلیجنس ءُ ریاستی ڈیتھ اسکواڈ ءِ 362 ءَ گیش کارندہ جتا جتائیں جنگانی، فدائی اُرش، سر بستگ ءُ توپ جنگ ءِ کاروائیاں کشتگ انت-
جارکش ءَ گوشتگ بی ایل اے ءِ دست ءَ ھبدہ دشمن ءِ کارندی دزگیر کتگ انت کہ چریشانی توک ءَ دَہ بلوچ بوگ ءِ پژدر ءَ بیھار داتگ ءُ یل داتگ انت – دگہ ھپت انگت ءَ گل ءِ بندیگی ءَ انت ءُ چریشاں جنگء جرم ءُ بلوچ نسل کشی ءِ ھوار بوگ ءَ آیوکیں وھد ءَ بلوچ راجی آمیدگس ءَ کیس ھلائینگ بیت انت – دشمن ءِ درزانانی کچ ءَ پوجی بنجل، چیک پوسٹ، چیریں ادارھانی دپتر، تھانہ، بینک،لشکری کارجاہ ءُ انفراسٹرکچر تباہ کتگ انت، ھمے وڑ بازیں کچے ءَ سلاہ، رھوتی ساز ءُ سامان، تھرمل اسکوپ ءُ نائٹ وژن ٹیکنالوجی دستیگ کتگ انت-
شال:
بلوچ لبریشن آرمی ءَ سھب ءِ ساھت پنچ ءَ شال ءَ آپریشن ءِ بندات کتگ- کاروائی سریاب، ریڈ زون، لکپاس، روکپتی شھدگ، کمبرانی دگ ءُ شھر ءِ دگہ جاھاں تالان بوتگ – چریشی ءَ کساسی درزنانی کچ ءَ دشمن ءِ کارندہ کشتگ انت – مجید بریگیڈ ءِ فدائی سنگت مجید ءَ شورواں پُریں گاڑی دشمن ءِ چوکی ءَ جتگ ءُ وت ءَ کربان کتگ – چریشی ءَ پولیس ءِ آفسر ءَ ھوار ھشت کارندہ جنگ بوتگ انت – سنگت مجید ءَ ٹپی ءِ جاوراں وتی کاروائی سرجم کتگ-
شال ءَ ریل ءِ اسٹیشن ءَ سرمچار ءُ زورگریں پوج ءِ میان ءَ بازیں اداراں داں جنگ برجاہ بوتگ چریشی ءَ ۳۰ ءَ گیش دشمن ءِ کارندہ مرتگ انت – سرمچاراں بلوچستان یونیورسٹی، کمبرانی دگ ءُ روکپتی شھدگ راہ بند کتگ ءُ پوج ءِ سر ءُ پر داشتگ انت- کمبرانی دگ ءَ یک پوسٹے آئی ای ڈی ءِ نشانگ کتگ، ھمے وڑ روکپتی شھدگ ءَ دو گاڑی تباہ بوتگ انت-
سرمچاراں پنچ جتا جتائیں بینکاں کنٹرول برجاہ داشتگ ءُ سوتکگ انت- چار پولیس تھانہ ءُ کسٹمز آفس ءَ سلاہ ءُ جنگی ساز ءُ سامان دستیگ کتگ انت- پولیس لائن، پولیس ٹریننگ کالج ءُ زرعی مرکز ءَ جنگ ءُ چوپانی وھد ءَ نُھ کارندہ کشگ بیتگ انت- چریشانی توک ءَ دو پولیس ءِ آفسر ھم ھوار انت – ھپت پوجی گاڑی، ایشانی توک ےَ دو بکتر بند گاڑی تباہ بوتگ انت، زراعت مرکز ءِ گور ءَ یک کواڈ کاپٹر جتگ ءُ دور داتگ ءُ یک کواڈ کاپٹرے دشت ءَ جتگ ءُ دور داتگ-
شیخ زید ھسپتال ءِ چاریں نیمگاں سرمچاراں بازیں اداراں داں کنٹرول برجاہ داشتگ – وتگڑیں وزیر داکلہ علی مدد جتک ءِ ھوٹل ءُ مِل ءِ سر ءَ اُرش کتگ ءُ سوتکگ انت ءُ بازیں گاڑی دستیگ کتگ انت – سونا خان ءَ اُرش ءَ بازیں کارندہ مرتگ ءُ زدگ بیتگ انت – ھزار گنجی ءُ کسٹمز ءِ دمگاں دو چاریگ دستگیر کتگ انت – چشکہ رنگ ءُ دروشمے اش مٹ کتگ ءُ سرمچارانی چارگ ءَ بیتگ انت – پد ءَ کُشتگ انت-
قادر شار، ٹول پلازہ ءِ نزیک ءَ زورگریں پوج ءِ بنجاھی بنجل ءِ سر ءَ بی ایم بارہ گولہ آس داتگ چریشی ءَ آ وتی نشانگ ءُ شتگ ءَ لگ اتگ انت – ٹول پلازہ، تیرہ میل، ءُ دشت ءَ چیر کتگیں بمباں گچینء راہ ءُ ریل ءِ پھل تباہ کتگ انت – چریشی ءَ دشمن ءِ لاجسٹک رسد ءِ سر ءَ سکا تاوان بوتگ- سَے روچاں داں بی ایل اے ءَ شال ءِ بازیں جاھاں کنٹرول دارگ ءُ آپریشن ءِ مکسد ءِ پورا بیگ ءَ پد کمانڈ ءِ جار ءِ پد ءَ وت واتر بوتگ انت-
نوشکی:
نوشکی ءُ بی ایل اے ءِ سرمچاراں یک مھکم ءُ ھترناکیں کاروائی کتگ چریشی ءِ آسر ءَ شھر ءِ جتا جتائیں بھر ءُ گچینی سرکاری ءُ لشکری بنجل نشانگ کتگ ءُ بازیں جاھاں کنٹرول گپتگ-
مجید بریگیڈ ءِ فدائی فیضان شاھوانی پنام ءِ ریحان ءَ شورواں پریں گاڑی انٹر سروسز انٹیلینجنس( آئی ایس آئی) ءِ بنجاھی کارگس ءَ جتگ ءُ اُرش ءِ بندات کتگ – اُرش ءَ آئی ایس آئی ءِ چاردہ کارندہ مرتگ ءُ بازینے زدگ بیتگ انت – ءُ کارگس ءَ اوشتوکیں پورسز ءِ بازیں کارندہ مرتگ ءُ زدگ بیتگ انت-
فدائی آصفہ مینگل ءَ دومی بارودی پریں گاڑی زورگریں پوج ءِ بنجاھی بنجل ءِ گیٹ ءَ جتگ ءُ دشمن ءَ بازیں کچے ءَ تاوان داتگ ءُ بریگیڈ ءِ ھمراہ بنجاھی بنجل ءِ توک ءَ پترگ ءَ سوبمند بیتگ انت – ءُ آئی ءِ مزنیں بھرے کنٹرول ءَ کتگ – ھمے وڑ بس اڈہ ءِ نزیک ءَ زورگریں پوج ءِ دومی بنجاھی بنجل ءِ سر ءَ اُرش کتگ ءُ دراجکشیں جنگے برجاہ بیتگ-
سرمچاراِ سینٹرل جیل، سی ٹی ڈی ءِ کارگس، پولیس تھانہ، جوڈیشل کمپلیکس، ڈی سی آفس ءُ میونسپل کمیٹی ءِ سر ءَ کنٹرول گپتگ – نوشکی ءِ شھر داں پنچ روچاں سرجم ءَ کنٹرول ءَ بیتگ ءُ مھلوک ءِ مچیانی توک ءَ تران کتگ ءُ مھلوک ءِ کمک ھم رس اتگ-
بی ایل اے ءِ دومی ھمراھاں شھر ءَ سر بوگ ءَ اسٹیشن پوسٹ ءِ دیم ءَ لشکر ءِ دو گاڑیانی سر ءَ اُرش کتگ چریشی ءَ بازیں کارندہ مرتگ انت ءُ بچ اتگیں کارندھ پوسٹ ءِ تہ ءَ تتکگ انت – اسٹیشن بنجل ءِ دستیگ کنگ ءَ دراجکشیں جنگے بندات بیتگ ءُ چریشی ءَ بازیں کچے ءَ کارندہ مرتگ انت – ھمے وھد ءَ کسٹم بنجل ءَ ھم جنگ ءُ چوپ برجاہ بیتگ انت-
گلنگور ءِ نیمگ ءَ آیوکیں بکتر بند ءُ دگہ پوجی گاڑیانی راہ بستگ ءُ نشانگ کتگ انت ءُ نوشکی ءَ سر بیوکانی سر ءَ ھم اُرش کتگ- کیڈٹ کالج ءَ ھستیں پورسز پوسٹ ءِ سر ءَ ھم اُرش کتگ کہ اود ءَ بازیں وھداں جنگ ءُ چوپ برجاہ بیتگ-
احمد واک ءَ پوسٹانی سر ءَ اُرش کتگ ءُ دستیگ کتگ انت – یک ٹرینے سوتکگ ءُ پورسز ءِ کاروان ءِ سر بستگ ءُ اُرش کتگ ءُ دو گاڑی تباہ کتگ انت-
گلنگور ءَ پورسز ءِ بنجاھی بنجل ءُ پوسٹ کنٹرول کتگ ءُ ھمے وڑ کیشنگی ءَ بگر داں گلنگور ءَ بنجاھی شھدگ سرجم ءَ گپتگ ءُ کنٹرول کتگ ءُ پیش کدمی کنوکیں کاروانانی سر ءَ بازیں اُرش کتگ انت – گاڑی تباہ کتگ انت ءُ بیرانی بیتگ انت – سرمچاراں داں سَے روچ ءَ گلنگور ءَ زورگریں لشکر ءِ پیشکدمی داشتگ – شھدگ ءِ یک پھلے تباہ کتگ ءُ ریموٹ کنٹرول ءُ سربستگی اُرشاں سیزدہ ءَ گیش کارندہ مرتگ انت – شیر جان آغا ءِ ھند ءَ ھم بنجاھی شھدگ ءِ یک پھلے تباہ کتگ-
گوادر ءَ بی ایل اے ءِ مجید بریگیڈ ءِ ۹ فدائیناں دو بھر ءَ بیتگ ءُ آپریشن ءَ بھر اش زرتگ – یک ٹولی ءَ فدائی دروشم، لاشاری، چنگیز ءُ یاگی ھوار بیتگ انت – زورگریں پاکستانی چیریں ادارھانی بنجل ءِ سر ءَ اُرش کتگ چریشی ءِ آسر ءَ دوازدہ کارندہ مرتگ انت – کمپاؤنڈ ءِ نزیک ءَ جھمنندی کوارٹرز ءَ جاڑیگیں زالبول ءُ زھگاں مھکمیں راہ داتگ ءُ کش اتگ انت بلے پد ءَ زورگریں پوج ءَ ھمے شھری نشانگ کتگ ءُ شھید کتگ انت-
کساس چِل منٹ ءَ پد زورگریں پوج ءَ کمپاؤنڈ ءِ نیمگ ءَ پیش کدمی کتگ چریشی ءَ جنگ ءُ چوپانی بندات بیتگ کہ داں بیگاہ ءَ برجاہ بیتگ – اے جنگانی وھد ءَ بیست ءُ چار کارندہ مرتگ انت ءُ سَے پوجی گاڑی، کہ ایشانی توک ءَ یک بکتر بندے ھم ھوار انت کہ تباہ بوتگ-
دومی ٹولی ءَ فدائی سرباز، ارمان، کریم، شھزاد ءُ یاسر ھوار بوتگ انت – گوادر پورٹ ءِ نزیک ءَ مھکمیں پوزیشن گپتگ – مسیت ءَ جار جنگ ءَ پد سرمچار ڈن ءَ دراتکگ انت مھلوک ءَ گوں گپ ءُ تران اش کتگ ءُ سیاسی باوست بوتگ انت ءُ زورگریں پوج ءِ پیشکدمی داشتگ بازیں راکٹ اش آس داتگ کہ وتی نشانگ ءَ کپتگ انت ءُ جنگ ءُ چوپانی درچ داں دومی روچ ءَ برجاہ بیتگ – چریشی ءَ نوزدہ کارندہ مرتگ انت-
مستونگ
مستونگ ءَ زورگیریں لشکر ءِ بنجاھی کیمپ ءِ سر ءَ بی ایل اے مجید برگیڈ ءِ پنچ فدائیناں اُرش کتگ ۔ فدائیناں پترگی راہ سنگر گپتگ ءُ دشمن ءِ پیشکدمی داشتگ انت۔ ھشت کلاکاں برجاہ بیتگیں جنگ ءَ 22 کارندہ بیران ءُ بازینے ٹپیگ بوتگ انت۔
بی ایل اے ءِ دگہ سرمچاراں شھر ءِ تہ ءَ تھانہ، جیل، تھسیل، واپڈا ءِ کارگس ءُ دو بینک دستیگ کتگ اَنت۔ پولیس اسٹیشن ءُ ماڑیاِ چہ ایگل اسکواڈ ءِ سلاہ، یک گاڑی ءُ 7 موٹر سائیکل دست گہتگ ءُ پنچ واپڈا گاڑی سوتکگ انت ۔
کنڈ مسوری ءَ زورگیر ہورسز ءِ پوسٹ ءِ سر ءَ ایس پی جی 9 ءِ نشانگ کتگ۔ مزن شھدگ بستگ ءُ ھمے وھد ءَ سرکاری گاڑی یے داشتف، سلاہ دست گپتگ انت، رند ءَ مردم یلہ کنگ بوتگ انت ءُ شھدگ ءِ سر ءَ یک پُھلے آئی ای ڈی ءِ تراک ءَ چہ تباہ بوتگ۔
تمپ
بی ایل اے ءَ تمپ شھر، ناصر آباد، رودبن، بالیچا، پل آباد، ملانٹ ءُ گومازی ءَ ھمگرنچیں اُرش کتگ۔ فدائی سنگت سراج پنام ءِ نبیل ءُ عبید پنام ءِ بام/سنجر ءَ پل آباد ءُ رودبن ءَ قبضہ گیریں لشکر ءِ مستریں کیمپاں تراکناکیں گاڑی ٹکر جتگ ءُ تباہ کتگ اَنت۔
پد ءَ دگہ ھمراھاں دوئیں کیمپانی سر ءَ بازیں کلاکاں اُرش کتگ ءُ 36 ءَ چہ گیش کارندہ کشگ بیتگ اَنت۔ رودبن ءَ حاجی توکل ءُ تلار، ءُ پل آباد ءَ سنگت نود شھید بوتگ انت۔
دگہ سرمچاراں ملٹری انٹیلی جنس ءِ کارگس ءُ گریڈ اسٹیشن ءِ مستریں کیمپ ءَ گوں مزنیں ءُ آٹومیٹک سلاھاں نشانگ جوڑ کتگ ءُ دگہ فوجی کیمپے ءِ سر ءَ سی مارٹر گولہ آس دیگ بوتگ اَنت۔ اے اُرشانی تہ ءَ دگہ ھپت کارندہ کشگ بوتگ اَنت۔
سرمچاراں تمپ پولیس اسٹیشن ءِ سر ءَ اُرش کتگ ءُ سرجمی ءَ کنٹرول کتگ -زور گیریں لشکر ءِ پیشکدمی ءِ بے سوب کنگ ءِ وھد ءَ دو کارندہ کشگ بوتگ اَنت۔ تمپ کلات ءَ سئے کارندہ مرتگ ءُ بازینے ٹپیگ بوتگ انت ۔
سرمچاراں زورگیریں لشکر ءِ ایجنٹانی سر ءَ اُرش کتگ۔ ایجنٹ عابد چہ یک پناہ گاھے ءَ کشگ بوتگ ءُ سلاہ دست کپتگ۔ ڈاکٹر صالح ءِ مرکز ءَ چہ سلاہ ھم دست کپتگ ءُ سئے گاڑی تباہ کنگ بوتگ انت۔
بالیچا ءَ سرمچاراں گوں مزنیں ءُ وتکاریں سلاھاں زورگیریں لشکر ءِ بالیگ ءِ سر ءَ اُرش کتگ۔ چل ءَ چہ گیش دستی بم ءِ چگل داتگ کہ ایشی ءِ سبب ءَ دژمن ءَ را مزنیں تاوان ءُ مالی تاوان بوتگ۔
ھمے روچ ءَ رودبن ءَ تاں سئے کلاک ءَ جنگ ءُ چوپ برجاہ بوتگ اَنت، 9 کارندہ مرتگ ءُ 2 گاڑی تباہ بوتگ انت۔ پل آباد ءِ دو جاگہ ءَ جنگ بوتگ ءُ ملانٹ ءِ کیمپ ھم بازیں وھدے ءَ نشانگ جوڑ کنگ بوتگ۔ ھمگ وھد ءَ سرمچاراں دمگ ءَ گشت، ناکہ بندی ءُ لس رھوت برجاہ داشتگ۔
پسنی
آپریشن ھیروف دومی بھر ءَ بی ایل اے ءِ مجید بریگیڈ ءِ فدائین ءَ بلوچستان ءِ تیابدپی شھر پسنی ءَ پاکستان بھریہ ءِ مستریں کیمپ ءُ کوسٹ گارڈ کیمپ نشانگ جوڑ کتگ۔ اے آپریشن ءِ بندات فدائی کماش ناکو فضل پنام ءِ میران ءَ کتگ کہ آئی ءَ نیوی کیمپ ءِ مستریں دروازگ ءَ تراکناکیں باروداں چہ پُریں گاڑی ءِ سر ءَ ٹکر جتگ۔ تراک ءَ چہ دروازگ ءِ سر ءَ اوشتاتگیں کم چہ کم 7 کارندہ جاہ ءَ مرتگ اَنت۔
اے بنداتی اُرش ءَ چہ زوت پد شش کساسی فدائی یونٹ کہ ایشی ءِ تہ ءَ فدائی زربار، زرینہ، ابرام، کوہسار، امیر آجو ءُ آپریشن کمانڈر کیّا ھوار بیتگ انت، کیمپ ءِ تہ ءَ اتکگ ءُ پوزیشن اش گپتگ۔ کیمپ ءِ تہ ءَ گوں زورگیریں نیوی ءُ نیوی ءِ ھاسیں یونٹاں ترندءں جنگ ءُ چوپ پنچ کلاک ءَ گیش برجاہ بوتگ کہ ایشی ءِ تہ ءَ پاکستانی لشکر ءِ کم چہ کم 33 کارندہ کشگ بوتگ اَنت۔ اے آپریشن ءِ آسر ءَ دژمن ءَ نہ ایوک ءَ تاوان رس اتگ بلکیں نیوی کیمپ ءِ پھریزی ڈھانچہ ءَ ھم مزنیں تاوانے داتگ۔
تربت
تربت ءَ بلوچ لبریشن آرمی ءِ سرمچاراں پاکستان بھریہ ءِ مستریں فوجی اڈہ نیول اسٹیشن صدیق ءِ سر ءَ سھب ءِ شش ءَ مھکمیں اُرش کتگ۔ آپریشن ءِ تہ ءَ سرمچاراں بیست ءَ چہ گیش 82 ملی میٹر ءِ مارٹر گولہ جتگ کہ ایشاں وتی ٹارگٹ ءِ سر ءَ گوں درستی ءَ جتگ ءُ بنجل ءِ تہ ءَ دژمن ءَ را مزنیں کساسے ءَ جانی ءُ مالی تاوان داتگ۔
اُرش ءَ پد زورگیریں لشکر ءَ برزی کمک ءِ لوٹگ ءَ دیم ءَ روگ ءِ جھد کت کہ ایشی ءِ سر ءَ بی ایل اے سرمچاراں ترند ءُ جوانیں رنگے ءَ پسو دات۔ اے وئیلاں کہ بازیں کلاکاں برجاہ بوتگ انت، پاکستانی لشکر ءِ 11 ءَ چہ گیش کارندہ مرتگ انت۔ اے جنگ ءِ گھگیری ءِ وھد ءَ مجید بریگیڈ ءِ فدائی سنگت حاکم شھید بوتگ۔
تربت ءَ اے اُرش ءَ نہ ایوک ءَ نیوی ءِ بنیاتی ڈھانچہ ءَ را تاوان دیگ ءَ سوبین بوتگ بلکیں زور گیریں ریاست ءِ توانائی ءِ ھم درشانی کتگ کہ آ وتی فوجی ھستیں جاہ ءَ کوسٹل ءِ دمگ ءَ چیلنج بہ کنت۔
مند .
مند بازار کنٹرول کنگ ءَ پد سرمچاراں لس مھلوک ءَ گپ ءُ تران کتگ، بینک سوتکگ انت۔ دگہ ٹولے ءَ سورو کیمپ نشانگ جوڑ کتگ۔
تیابدپی شھر
سرمچاراں پسنی بدوک ءَ ھشت کلاکاں ناکہ بندی کتگ، گاڑیانی سنیپ چیکنگ کتگ انت۔ ءُ کوسٹل ہائی وے ءِ بند کنگ ءَ پد دژمن ءِ سپلائی لائن مھتل بیتگ۔
اورناچ
اورناچ ءِ مستریں آر سی ڈی شھدگ ءِ سر ءَ ناکہ بندی کتگ۔ آیوکیں ٹیم ءِ سر ءَ اُرش ءَ 14 کارندہ مرتگ اَنت۔ یک بکتر گاڑی یے کہ دیم ءَ روگ ءِ جھدے کتگ آئی ای ڈی ءِ سبب ءَ تباہ بوتگ۔ دگہ 9 کارندہ کاروان ءِ تہ ءَ یک ٹرکے کہ سنگر گپتگیں سرمچاراں نشانگ کتگ ءُ نھ کارندہ کشتگ اَنت۔
7 کارندہ چہ گاڑی ءَ دزگیر کتگ سلاھانی ھمراھی برتگ اَنت۔ ایشانی کیس بلوچ راجی آمید گس ءَ بیت انت۔
دگہ اُرشے ءَ دگہ 7 کارندہ سنگر گپتگیناں جتگ ءُ کشتگ اَنت۔
ھزدار .
بلوچ لبریشن آرمی ءِ سرمچاراں ھزدار ءِ دمگ وڈھ ءِ دمگ گاسلیٹی ءَ زورگیریں پاکستانی لشکر ءِ کاروان نشانگ جوڑ کتگ وھدے کہ آ راشن ءِ سر کنگ ءِ کوشست ءَ بوتگ۔ سرمچاراںءکاروان ءِ تہ ءَ یک گاڑی یے ریموٹ کنٹرول آئی ای ڈی ءِ اُرش ءَ گوں ھلاس کتگ ءُ پد ءَ آئی ءِ سر ءَ سر بستگ ءُ گیشتر اُرش کتگ۔ آپریشن ءِ تہ ءَ زور گیریں لشکر ءِ افسر کیپٹن عمر ءَ ھوار 7 کارندہ مرتگ اَنت ءُ دگہ ٹپیگ بوتگ اَنت۔
اے درگت ءَ آر سی ڈی شھدگ ءِ سر ءَ سرجمیں روچ ءَ ناکہ بندی برجاہ دارگ بوتگ ءُ سرمچاراں گوں لس مھلوک ءَ گپ ءُ تران ءُ رھوتی برجاہ داشتگ کہ ایشی ءَ چہ دمگ ءَ قبضہ گیریں لشکر ءِ رؤگ ءُ آیگ سرجم ءَ مھتل بیتگ۔
ایشی ءَ پد سرماچاراں تھانہ وتی دستیگی کتگ ءُ سلاہ وتی دست ءَ زرتگ اَنت وھدے کہ ڈی سی ءِ کارگس ءَ سوچگ بوتگ۔ سرمچاراں بازیں کلاکاں شھر ءَ س گشت برجاہ داشتگ۔
اوتھل
اوتھل ءَ بلوچ لبریشن آرمی ءِ سرمچاراں گوں تراک ءَ زورگیریں پاکستانی لشکر ءِ ھال رسانی کنوکاں یک ھاسیں پناہ گاھے نشانگ جوڑ کتگ ءُ ایشی ءِ آسر ءَ نیٹ ورک ءَ را تاوان رس اتگ ءُ دمگ ءَ دژمن ءِ رھوتی اھوال ءَ سان کپتگ۔
کچھی
بلوچ لبریشن آرمی ءِ سرمچاراں کچھی ءِ دمگ ڈھاڈر ءَ پاکستانی زور گیریں لشکر ءِ پوسٹ ءِ سر ءَ اُرش کتگ ءُ دژمن ءَ را جانی ءُ مالی تاوان داتگ۔
کولپور ءِ مزن شھدگ ءِ سر ءَ بازیں کلاکاں ناکہ بندی برجاہ دارگ بوتگ۔ اے وھد ءَ زورگیریں لشکر ءَ کواڈ کاپٹر کارمرز کتگ کہ سرمچاراں تیر گواری کتگ ءُ دور داتگ انت۔
ھمے دمگ ءِ یک پوسٹے ءَ ایس پی جی 9 ءِ گولہ گوں نشانگ جوڑ کنگ بوتگ کہ ایشی ءِ آسر ءَ دژمن ءَ گیشتر تاوان رس اتگ۔
سبی
بلوچ لبریشن آرمی ءِ جنگولاں سبی شھر ءَ زور گیریں لشکر ءِ کیمپ ءُ ڈی سی آفس سئے جتا جتائیں اُرشانی تہ ءَ نشانگ جوڑ کتگ اَنت۔ کرامووڈھ یک کاروائی ھم کنگ بوتگ کہ ایشی ءِ تہ ءَ دژمن ءَ تاوان رس اتگ۔
زورگیریں لشکر ءَ را سبی ءُ بولان ءِ میان ءَ مزنیں شھدگ ءِ سنگر گپتگ ءُ نشانگ جوڑ کتگ کہ ایشی ءِ آسر ءَ دژمن ءَ را جانی ءُ مالی تاوان بوتگ۔
بختیار آباد ءَ یک پوسٹے نشانگ جوڑ کتگ وھدے کہ اوچ پاور پلانٹ ءَ گوں بندوکیں ٹرانسمیشن لائن ءِ دو بنجاھی ٹاور تراکناکیں چیزاں گوں تباہ کنگ بوتگ انت کہ ایشی ءَ چہ بجلی ءِ سپلائی ءَ را تاوان رس اتگ۔
سھبت پور
سھبت پور ءِ دود ءَ ٹبا، چکر، میر حسن، باسکٹ ءُ بٹی ءِ دمگاں پنچ جتا جتائیں اُرشاں زور گیریں لشکر ءِ پوسٹ نشانگ جوڑ کنگ بوتگ انت۔ اے کارروائیانی تہ ءَ 5 ءَ چہ گیش کارندہ مرتگ ءُ بازینے ٹپیگ بوتگ اَنت۔
نصیر آباد
بلوچ لبریشن آرمی ءِ جنگولاں نصیر آباد ءَ اعظم کوٹ ءِ نزیک ءَزور گیریں پاکستانی لشکر ءِ کاروان نشانگ جوڑ کتگ۔ کاروان ءِ دو گاڑی دیم پہ دیم اُرش کنگ بوتگ اَنت کہ ایشی ءِ آسر ءَ سئے کارندہ مرتگ ءُ ھپت ءَ چہ گیش ٹپیگ بوتگ اَنت۔
دومی نیمگ ءَ ربی ءِ نزیک ءَ یک کمیونیکیشن ٹاورے ءَ سوتکگ ءُ تباہ کنگ بوتگ ءُ دژمن ءِ کمیونیکیشن سسٹم ءَ را تاوان رس اتگ۔
جارکش ءَ گْوشتگ کہ اے درستیں کارروائیاں یک رندے پد ءَ اے گپ پدّر کُت کہ بلوچ لبریشن آرمی ءُ بلوچ راجی گھگیری نہ ایوک ءَ فوجی رد ءَ منزم ءُ کارآمد اَنت بلکیں وتی رھبند، لیکہ ءُ راجی کمک ءِ سوب ءَ زورگیریں ریاست ءِ ھرچ ٹاپاراں رد کنت کہ بلوچستان سرجم ءَ وتی دست ءِ چیر ءَ اِنت دروگ سابت کنگ ءَ اَنت۔ آپریشن ھیروف دوم ءِ وھد ءَ بلوچستان ءِ جتاجتائیں شھر ءُ شھدگانی سر ءَ ھمزمانیں آپریشن اے گپ ءِ پدّریں شوھاز اِنت کہ بلوچ سرمچارانی تہ ءَ اے توان ھست کہ آ وتی ارادہ ءُ پلان ءِ رد ءَ یک مھازت پچ بہ کنت، دژمن ءَ شنگ ءُ تالان بہ کنت ءُ آئی ءَ را یک برجاھیں دفاھی پوزیشنے ءِ سر ءَ مجبور بہ کنت۔
اے آپریشن ءَ زور گیریں پاکستانی ریاست ءِ فوجی، نپسیاتی ءُ سیاسی ڈھانچہ ءِ سر ءَ مزنیں سان کپتگ۔ دژمن ءَ نہ ایوک ءَ جانی ءُ مالی تاوان رس اتگ بلکیں آئی ءِ ھاکمیت ءِ سر ءَ ھم مزنیں ٹپّے جتگ کہ آئی ءَ بلوچستان ءِ شھری دمگاں بے چیلنج لیک اِتگ۔ بازیں جاھاں ءُ لھتیں جاھاں دیراں کلاکانی کلاک ءَ برجاہ بوتگیں کنٹرول اے گپ ءَ گیشتر پدر کنت کہ بلوچ گھگیری جنگ نوں کوھانی تہ ءَ بندوک نہ انت بلکیں میدانی ءُ شھر دوئیں اے جھد ءِ املی لکیر ءِ بھر جوڑ بوتگ انت۔
بلوچ لبریشن آرمی ھما درستیں بلوچ مرد ءُ زالبولاں شگر ءُ منت وار انت کہ آیاں اے آپریشن ءَ وڑ وڑیں رنگاں وتی کرد پیلو کتگ۔ زانتکاری ءِ رسگ، سر ءُ پر ءِ تہ ءَ کمک کنگ، ناکہ بندی ءِ وھد ءَ کمک ءُ.مچانکی زور ءَ ابید یکجاھی ھما چیز انت کہ آہاں اے آپریشن ءِ سوبمند کنگ ءِ تہ ءَ بنیاتی کرد پیلو کتگ۔ اے سوبمندی ھچ یک یونٹ یا ٹولی ءِ اکس نہ انت بلکیں سرجمیں راج ءِ مچانکی ، ھمت ءُ جزم ءِ اکس انت۔
ما یکبرے پد ءَ اے گپ ءَ پدّر کن ایں کہ بلوچ راجی گھگیر یک منزم سیاسی ءُ زانشتء جنزے کہ وتی سرڈگار ءِ آجوئی، مڈی ءُ راجی ازت ءِ پھازگ ءَ جاری اِنت۔ داں بلوچ سرڈگار ءِ سر ءَ زورگری زلم ءُ زوراکی، ءُ لٹماری برجاہ انت، جنگ برجاہ بیت، ءُ بلوچ سروک ہر میدان ءَ ساڑی بنت کہ اود ءَ وتی راج ءُ سرڈگار ءِ پھریزگ ءِ زلورت انت۔