آزمانک: شرت
نبشتہ کار: انتون چیخوف
رجانک: ڈاکٹر بیزن سبا
چمشانک: امجد رھیم
دی بلوچستان پوسٹ
اے باز شوکیں آزمانکے ءُ چیکوپ ءَ شوکیں دْروشمے ءَ نبشتہ کُتگ اَت بلے من ءَ سک باز دوست بوت ءُ من لوٹ اِت اِیشی بارو ءَ کسانیں چمشانکے بدے آں یک زمستانے ءُ تھاریں شپے اَت، یک مزن امریں بینکرے اَت آئی ءَ پانزدہ سال ءَ ساری یک داوتے زمستانیں شپ ءَ ایر کُتگ اَت آ ھما داوت ءِ تْرانگ ءَ اَت آ داوت ءَ باز زانتکاریں مردُم اَتکَگ ءُ آوانی توک ءَ جنرل لیسٹ ءُ دانشور ھم ھوار اَت گُڑا دْراھیں مردُم وت ماں وت ءَ گپ کنگ ءَ اِت اَنت گُڑا یکّے ءَ گُشت سزا ءِ موت گھتر اِنت یاکہ امر ءِ زندان گھتر اِنت، بازیں مردُمانی پگر ءُ ھیال اَت سزا ءِ موت ھتم کنگ بہ بیت زندان ءِ توک ءَ گُڑا بینکر ءَ گُشت من ناں کہ سزا ءِ موت دیستَگ ناں کہ زندان دیستَگ بلے منی ھیال ءَ سزا ءِ موت شرتر اِنت چی ءَ کہ مردُم یکبرے مِر اِیت بلے زندان ءَ ھمُک روچ مِرگ ءَ یکبرے مرگ شرتر اِنت۔
گُڑا ھما داوت ءَ یک بیست ءُ پنچ سالی ورنایے نندوک اَت آ ورنا وکیلے اَت مردُماں آئی ءَ را جُست کُت کہ تو چے گُش ئے اے بارو ءَ گُڑا وکیل ءَ پسّہ دات، من دگہ مردُمانی ءَ نہ زان آں اگاں من ءَ یکّے بُگش ایت گُڑا منی ھیال ءَ زندان گھتر اِنت چی ءَ کہ یکبرے مرگ ءَ زندگ بُوگ جْوان اِنت۔
گُڑا بینکر جَزباتی بوت، گُشگ ءَ لگّ اِت تو رد ئے اگاں من ترا پنچ سال زندان ءَ بہ ننداریناں تو نند ئِے، من ترا بیست لاکھ دے آں، وکیل ءَ گُشت! پنچ سال چی یے من پانزدہ سال نند آں، گُڑا بینکر ءِ کرّ ءَ زرّ ھست اَت آ وھد ءَ آئی ءَ گُشت شرّ اِنت شرت بستگ ورنا، شپ ءَ پد ءَ بینکر ءَ گُشت ورنا وتی سوچ ءَ بہ جن گُڑا آئی ءَ درّائینت من وتی سوچ جتگ۔
دومی روچ ءَ وکیل زندان ءَ شُت ءُ بندات ءِ روچ 14 نومبر 1870 ءَ شپے دوازدہ بج ءِ ساھت ءَ بوت، تاں آجوئی ءِ روچ 14 نومبر 1885 ءَ شپ ءِ دوازدہ بج ءَ وکیل آجو کنگ بہ بیت۔
بینکر ءَ گُشت وکیل تھنا زندان ءِ توک ءَ کتاب ونت کُت کنت، ساز ءُ زیمل جت کُت کنت، چیزّے نِبشتہ کُت کنت، شراب وارت کُت کنت ءُ سِگریٹ کشّ اِت کُت کنت بلے دگہ ڈنّ ءَ ھچ موکل نیست ئے۔
بندات ءَ وکیل سک مایوس بوت ءُ تھنائی ءِ گم ءَ بوت یک سالے ءَ آئی ءَ ساز ءُ زیمل جت ءُ پد ءَ آئی ءَ ساز ءُ زیمل ءِ جنگ بند کُت گُڑا کتاب ءِ وانگ بندات ئِے کُت لھتیں وھد ءَ ونت ئِے پد ءَ وکیل کتاباں چہ دل پْروش بُوت، پنچ سال ءَ آئی ءَ کتاب وانگ بند کُت ءُ ساز ءُ زیمل جنگ ءَ لگ اِت، شراب ورگ ءَ لگ اِت ءُ سِگریٹ کشّگ بندات کُت ئِے کمو وھد ءَ پد وکیل ءَ وانگ بندات کُت گُڑا آئی ءَ باز شوکیں چیزّ ونت پلسپہ، تاریک، دری زُبان ءُ لبزانک ونت ئِے ھمے درمیان ءَ آئی ءَ شش سد کتاب ونت گُڑا بینکر ھیران بوت من اے کتاباں چہ کُجا بیار آں ءُ آئی ءِ وس ءَ چہ ڈنّ وکیل ءَ کتاب ونت۔
وکیل ءَ دو سال ءِ درمیان ءَ انجیل وانگ ءَ بندات کُت ئِے ءُ دگہ کسانیں ناول ونت ئِے یک روچے ءَ پیسر بینکر باز گمیگ اَت باندا وکیل ءِ آجوئی ءِ روچ اِنت من اینچو زرّ چہ کُجا بیار آں اے وھد ءَ بینکر باز کنگلا اَت آئی ءِ کِرّ ءَ ھچ زرّ نیست اَت آئی ءَ سوچ جت اگاں وَکیل زندان ءَ چہ در بہ بئیت گُڑا آ منی دْراہ مال ءُ دولت ءَ بارت اِنت، بینکر ءَ ھمے سوچ جت کہ من وکیل ءَ کُش آں گُڑا بینکر شُت وکیلے کُوٹھی یے دپ ءَ نوکر بی اُود ءَ نہ اَت بینکر ءَ آھستہ آھستہ دروازگ پچ کُت شُت وکیل ءِ کُوٹھی ءِ توک ءَ آ واب اَت ءُ بینکر ءَ چار اِت، ھو اے منی ءَ چہ مزن امر اِنت، وکیل وَ وت مرگ ءَ انت گُڑا یک کاگدے ٹیبل ءِ سر ءَ ایر اَت، بینکر ءَ گُشت یک برے کاگد ءَ وان آں باریں چے نبشتہ اِنت آئی ءَ کاگد ءِ وانگ بندات کُت،
کاگد ءِ توک ءَ ھمے نِبشتہ کُتگ اَت ئِے کہ من دْراھیں دنیا دیستَگ تئی کتابانی برورد ءَ من زندگی ءِ بارو ءَ ونتگ من آجوئی ءِ ءُ دگہ بازیں چیزانی بارو ءَ ونتگ دْراہ تئی کتابانی وجہ ءَ من اے چیزّ دربُرتگ اَنت ءُ من دْراھیں دنیا ءَ سپر کُت۔
آئی ءَ گُڈ سر ءَ ھمے نِبشتہ کُتگ کہ بیست لاکھ ءَ نہ زُور اَنت وھد ءِ سرجم بُوگ ءَ پیسر من اِد ءَ چہ درکپ آں، پانزدہ سال مکمل بوت اَنت ءُ من شرت ھار دات پد ءَ بینکر وتی کُتگیں کار ءَ شرمندہ بیت ءُ وکیل گوش ئے پھناد ءَ چوکے گِیپت پد ءَ دروازگ ءَ ھما وڑ ءَ بند ایت ءُ روت پد ءَ دومی سھب ءِ سر ءَ نوکر کیت وکیل اد ءَ نہ انت وتی کُوٹھی ءَ گار اِنت۔
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی ءِ درشانی انت-