گریشہ ءُ گوادر ءَ پاکستانی پوج ءَ باز مردم آوار جتگ ءُ بیگواہ کتگ اَنت

بلوچستان ءِ دو جتاجتائیں دمگ گوادر ءُ گریشہ ءَ پاکستانی بازیں مردمے آوار جتگ ءُ بیگواہ کتگ اَنت-

گیشیں ھالانی رِد ءَ ھُزدار ءِ دمگ اورناچ ءُ گریشہ ءَ پوج ءِ مزنیں کچے ءَ پیشگامی کنگ ءَ اِنت-

چہ گریشہ ءَ پوج ءِ دست ءَ آوار جنگ بیتگیں مردمانی پجّار عارف ء گاجیان، زاھد بلوچ، بشیر بلوچ ء ظاھر خان، ضمیر ء عبدالواحد، سلیم بلوچ ، زھور بلوچ ء فتح نام ءَ چہ بیتگ اَنت-

اِھوالکار ءِ رِد ءَ پاکستانی پوج دست ءَ آوار جنگ بیتگیں مردم انگت دیم ءَ آرگ نہ بیتگ اَنت-

زانگ بہ بیت ھُزدار گریشہ ءُ اورناچ ءَ مزنیں کچے ءَ جھلی ءُ بُرزی لشکر کشی ءِ ھال اِنت، وھدے کہ اے دمگاں پیشگامی درچ ھم برجاہ ءَ اِنت-

ھمے وڑ بلوچستان ءِ تیاب دپی شھر چہ گوادر ء تھسیل جیونی ءِ دمگاں صادق بازار، کلدان، گپت ءُ کش گوراں لشکر کشی ءُ لوگانی سر ءَ بیڑبرگ ءِ میان ءَ ھپت ءَ چہ گیش مردم آوار جتگ اَنت-

آوار جنگ بیتگیں سرجمیں مردم ناشناسیں جاھے ءَ برتگ اَنت کہ آیانی تہ ءَ سے مردم ءِ پجّار طفیل، جمشید ، زوھیب ،ناماں چہ بیتگ اَنت ، وھدے کہ اے میان ءَ کُنٹانی چہ دو مزدور ھم آوار جتگ اَنت-

زانگ بہ بیت بلوچستان ءَ زورانسری آوار جنی ءِ دْرچ یکشل ءَ برجاہ ءَ اِنت-