بلوچستان ءِ دمگ کلات ءَ دو جتا جتائیں جاھاں پاکستانی لشکر سلاہ بندیں مردماں نشانگ جوڑ کتگ۔
قلات ءِ مورگند ،شیکری ءَ پاکستانی لشکر ءِ یک کیمپے اُرشے ءِ نشانگ جوڑ کنگ بیتگ۔ دمگی مردمانی رد ءَ اُرش داں دیراں برجاہ بیتگ –
ھمے وڑ کلات ءِ شاہ مردان ءِ دمگ ءَ ناشناسیں سلاہ بندیں مردماں پاکستانی لشکر ءِ سر ءَ اُرش کتگ-
انگت ءَ اے اُرشانی زمہ واری ھچ ءَ گل ءَ نہ زرتگ انت بلے دمگ ءَ بلوچ آجوئی لوٹوکیں گل پرکار اَنت۔
زانگ بہ بیت کہ مرچی سھب ءَ کیچ دمگ بلیدہ ءِ ریکو ءِ ھند رونگان ءَ ناشناسیں سلاہ بندیں مردماں پاکستانی لشکر ءِ سر ءَ اُرش کتگ کہ ایشی ءِ آسر ءَ بازیں کارندہ بیران ءُ ٹپیگ بوتگ اَنت۔ ارش کنوکاں کارندھانی سلاہ ھم برتگ اَنت۔