بلوچستان: دو مردم بیگواہ، یک بیگواھیں مردمے یل بیتگ

بلوچستان ءَ زورانسری بیگواھیانی درچ برجاہ ۔ دگہ دو مردم پاکستانی لشکر ءَ چہ جتا جتائیں دمگاں بیگواہ کتگ اَنت کہ ایشانی تہ ءَ چہ مشکے ءُ کیچ ءَ دو مردم پاکستانی پوج ءَ آوار جتگ ءُ برتگ انت-

دمگی مردمانی رد ءَ 30 ستمبر 2025 ءَ چہ مشکے ءَ پاکستانی لشکر ءَ نور جان ء لکو نامیں مردمے دزگیر کتگ۔

کھول ءِ گْوشگ اِنت کہ آئی ءِ دزگیر کنگ ءَ پد آئی ءِ بابت ءَ ھچ وڑیں ھال ءُ اھوال دیم ءَ نہ اتکگ کہ اے پہ آھاں سک باز جیڑہ اِنت۔

کھول ءَ اے گپ ءِ پدرائی کتگ کہ نور جان پاکستانی لشکر ءَ دزگیر کتگ ءُ چہ ایشی ءَ پد آئی ءِ ھچ نشان ءُ نشان دست نہ کپتگ۔

دومی نیمگ ءَ کیچ ءِ دمگ دشت زرین بگ ءَ چہ ھال ھم ھست کہ خداداد بلوچ نامیں ورناھے پاکستانی لشکر ءَ دزگیر کنگ ءَ پد بیگواہ کتگ۔

ھالانی رد یَ خداداد بلوچ گوں دگہ سئے مردماں دزگیر کنگ بوتگ۔ پد ءَ آ سئے ئیں یل دیگ بیتگ اَنت بلے خداداد بلوچ انگت بیگواہ اِنت۔

دمگی مردمانی گْوشگ اِنت کہ خداداد بلوچ ءِ دو برات پیسر ءَ چہ کُشگ بیتگ اَنت۔

دومی نیمگ ءَ بلوچستان ءِ واپاری شھر ھب چوکی ءَ مراد علی کہ یک سالے پیسر پاکستانی لشکر ءِ دست ءَ بیگواہ بیتگ ءُ مروچی یل کنگ بیتگ-

آ گوستگیں سال ءِ 9 نومبر ءَ پاکستانی لشکر ءَ آوار جتگ ءُ برتگ ءُ مروچی یل کنگ بیتگ-